Month: November 2022

ഇന്ത്യയും ന്യൂസിലാൻഡും തമ്മിലുള്ള മൂന്ന് മത്സരങ്ങളടങ്ങിയ ട്വന്റി-20 പരമ്പരയിലെ രണ്ടാം മത്സരത്തിൽ ഇന്ത്യക്ക് 65 റൺസിന്റെ കൂറ്റൻ ജയം, വെല്ലിങ്ങ്ടണിൽ നടന്ന ആദ്യ മത്സരം മഴ കാരണം ഉപേക്ഷിച്ചിരുന്നു, ജയത്തോടെ പരമ്പരയിൽ 1-0 ന് ഇന്ത്യ മുന്നിലെത്തി, മത്സരത്തിൽ ടോസ് നേടിയ കിവീസ് ക്യാപ്റ്റൻ കെയിൻ വില്യംസൺ ഇന്ത്യയെ ബാറ്റിങ്ങിന് അയക്കുകയായിരുന്നു,

ഇന്ത്യക്ക് വേണ്ടി ഇഷാൻ കിഷനും റിഷബ്‍ പന്തുമാണ് ഇന്നിങ്സ് ഓപ്പൺ ചെയ്തത്, റിഷബ്‍ പന്ത് (6) തുടക്കത്തിൽ തന്നെ മടങ്ങിയെങ്കിലും ഇഷാൻ കിഷനും (36) സൂര്യകുമാർ യാദവും ഇന്ത്യയെ മുന്നോട്ടേക്ക് നയിച്ചു, തന്റെ സ്വതസിദ്ധമായ ശൈലിയിൽ ആക്രമിച്ച് കളിച്ച് സൂര്യകുമാർ അതിവേഗത്തിൽ റൺസ് സ്കോർ ചെയ്തപ്പോൾ ഇന്ത്യൻ സ്കോർബോർഡ്‌ കുതിച്ചു, സെഞ്ച്വറിയുമായി സൂര്യകുമാർ നിറഞ്ഞാടിയപ്പോൾ ഇന്ത്യക്ക് നിശ്ചിത 20 ഓവറിൽ 191/6 എന്ന കൂറ്റൻ ടോട്ടൽ നേടാനായി.

കൂറ്റൻ വിജയലക്ഷ്യവുമായി മറുപടി ബാറ്റിങ്ങിനിറങ്ങിയ കിവീസിന് തുടക്കത്തിൽ തന്നെ ഓപ്പണർ ഫിൻ അലനെ റൺസ് എടുക്കുന്നതിനു മുമ്പ് നഷ്ടമായി, പിന്നീട് ഇടവേളകളിൽ വിക്കറ്റ് വീണു കൊണ്ടിരുന്നപ്പോൾ ഇന്ത്യ ഉയർത്തിയ വലിയ വിജയലക്ഷ്യം ന്യൂസിലാന്റിന് കൈയെത്തി പിടിക്കാവുന്നതിലും അപ്പുറത്തായിരുന്നു, അർദ്ധ സെഞ്ച്വറിയുമായി കിവീസ് ക്യാപ്റ്റൻ കെയിൻ വില്യംസൺ (61) പൊരുതി നോക്കിയെങ്കിലും ഒടുവിൽ 7 ബോളുകൾ ശേഷിക്കെ കിവീസ് 126 റൺസിന് എല്ലാവരും പുറത്തായി, ഇന്ത്യക്ക് വേണ്ടി ദീപക് ഹൂഡ 4 വിക്കറ്റ് വീഴ്ത്തി.

സൂര്യകുമാറിന്റെ ഒറ്റയാൾ പോരാട്ടം ആണ് ആദ്യം ബാറ്റ് ചെയ്ത ഇന്ത്യയെ കൂറ്റൻ ടോട്ടൽ നേടുന്നതിന് സഹായിച്ചത്, കിവീസ് ബോളർമാരെ ആക്രമിച്ച് കളിച്ച് ഗ്രൗണ്ടിന്റെ നാനാ ഭാഗത്തേക്കും ഫോറുകളും സിക്സറുകളും പായിച്ച് തന്റെ ട്വന്റി-20 കരിയറിലെ രണ്ടാം സെഞ്ച്വറിയാണ് സൂര്യകുമാർ യാദവ് ഇന്ന് നേടിയത്, 51 ബോളിൽ 11 ഫോറും 7 സിക്സും അടക്കമാണ് പുറത്താകാതെ 111* റൺസ് സൂര്യകുമാർ അടിച്ച് കൂട്ടിയത്, മത്സരത്തിനിടെ ബൗണ്ടറി ലൈനിനടുത്ത് ഫീൽഡ് ചെയ്യുകയായിരുന്ന സൂര്യകുമാറിന്റെ ഓട്ടോഗ്രാഫ് വാങ്ങിക്കാനായി ആരാധകർ ആവേശത്തോടെ ഉണ്ടായിരുന്നു ആരാധകരെ നിരാശരാക്കാതെ പരമാവധി പേർക്ക് സൂര്യകുമാർ ഓട്ടോഗ്രാഫ് നൽകുകയും ചെയ്തു.

Written By: അഖിൽ. വി. പി. വള്ളിക്കാട്.

വീഡിയോ കാണാം :

pic.twitter.com/Eu3x7NfJk3

— Cric Videos (@PubgtrollsM) November 20, 2022

രണ്ടാം ടി20 മത്സരത്തിൽ  ഇന്ത്യ ഉയർത്തിയ 192 വിജയലക്ഷ്യം പിന്തുടർന്ന ന്യുസിലാൻഡ്, ഒടുവിൽ റിപ്പോർട്ട് ലഭിക്കുമ്പോൾ 17 ഓവറിൽ 6 വിക്കറ്റ് നഷ്ട്ടത്തിൽ 111 റൺസ് നേടിയിട്ടുണ്ട്. ന്യുസിലാൻഡിന്റെ വിജയപ്രതീക്ഷകൾ അവസാനിച്ചിരിക്കുകയാണ്. 3 ഓവറിൽ ഇനി വേണ്ടത് 81 റൺസാണ്. 47 പന്തിൽ 49 റൺസുമായി ക്യാപ്റ്റൻ വില്യംസൻ ക്രീസിലുണ്ട്.

ഇന്ത്യയ്ക് വേണ്ടി ചാഹൽ 2 വിക്കറ്റും സിറാജ്, ഹൂഡ, സുന്ദർ, ഭുവനേശ്വർ കുമാർ എന്നിവർ ഓരോ വിക്കറ്റും വീഴ്ത്തി. നേരെത്തെ സൂര്യകുമാർ യാദവിന്റെ സെഞ്ചുറി ഇന്നിംഗ്സ് മികവിലാണ് ഇന്ത്യ 191 റൺസ് നേടിയത്. മറ്റ് താരങ്ങൾ മങ്ങിയ മത്സരത്തിൽ സൂര്യകുമാർ യാദവിന്റെ ഒറ്റയാൾ പോരാട്ടം കൂറ്റൻ സ്‌കോർ സമ്മാനിച്ചു.

ഇഷൻ കിഷൻ (36), പന്ത് (6), അയ്യർ (13), ഹർദിക് പാണ്ഡ്യ (13) ഹൂഡ (0), സുന്ദർ (0), ഭുവനേശ്വർ (1*) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ട്ടമായത്. 13 റൺസ് നേടിയ അയ്യർ നിർഭാഗ്യകരമായ രീതിയിലാണ് മടങ്ങിയത്. സീനിയർ താരങ്ങൾ വിശ്രമത്തിൽ ആയതിനാൽ ഏറെ നാളുകൾക്ക് ശേഷമാണ് ടി20യിൽ ഇടം പിടിച്ചത്, എന്നാൽ ദയനീയ രീതിയിൽ മടങ്ങേണ്ടി വന്നു. 13ആം ഓവറിലെ നാലാം പന്തിൽ ഫെർഗൂസന്റെ ഡെലിവറിയിൽ ഡീപ് സ്ക്വയർ ലെഗിലൂടെ ഷോട്ട് കളിച്ച് നീങ്ങുന്നതിനിടെ കാൽ സ്റ്റംപിൽ കൊള്ളുകയായിരുന്നു.

200ൽ കടക്കുമെന്ന് കരുതിയ ഇന്ത്യൻ സ്‌കോർ അവസാന ഓവറിൽ ഹാട്രിക് നേടി സൗത്തി തടുക്കുകയായിരുന്നു. 5 റൺസ് മാത്രമാണ് വിട്ടു നൽകിയത്. ഹർദിക് പാണ്ഡ്യ, ദീപക് ഹൂഡ, വാഷിങ്ടൺ സുന്ദർ എന്നിവരുടെ വിക്കറ്റുകളാണ് സൗത്തി ഹാട്രിക്കിൽ വീഴ്ത്തിയത്.

pic.twitter.com/eAijqRHTjt

— Cric Videos (@PubgtrollsM) November 20, 2022

മൗണ്ട് മൗൺഗനോയിയിൽ നടക്കുന്ന ഇന്ത്യ ന്യൂസിലൻഡ് ട്വന്റി ട്വന്റി പരമ്പരയിലെ രണ്ടാം മത്സരത്തിൽ ടോസ് നഷ്ടപ്പെട്ട് ടീം ഇന്ത്യ ആദ്യം ബാറ്റിങ്ങിന് ഇറങ്ങിയിരിക്കുകയാണ്. വെല്ലിങ്ടണിൽ നടക്കേണ്ടിയിരുന്ന ആദ്യ ട്വന്റി ട്വന്റി മത്സരം മഴമൂലം ഉപേക്ഷിച്ചിരുന്നു. ഒരാഴ്ച മുൻപ് അവസാനിച്ച ട്വന്റി ട്വന്റി ലോകകപ്പിലെ സെമിഫൈനലിൽ പരാജയപ്പെട്ട രണ്ട് ടീമുകളാണ് ഇവിടെ കൊമ്പുകോർക്കുന്നത്‌. ഇന്നത്തെ മത്സരം വിജയിച്ച് പരമ്പരയിൽ മുന്നിൽ എത്താനാണ് ഇരു ടീമുകളും ശ്രമിക്കുന്നത്.

സീനിയർ താരങ്ങളായ നായകൻ രോഹിത് ശർമ, വിരാട് കോഹ്‌ലി, കെ എൽ രാഹുൽ, ആർ അശ്വിൻ, ദിനേശ് കാർത്തിക്, മുഹമ്മദ് ഷമി എന്നിവരോന്നും പരമ്പരയിൽ കളിക്കുന്നില്ല. ഓൾറൗണ്ടർ ഹാർദിക് പാണ്ഡ്യ നായകനും വിക്കറ്റ് കീപ്പർ ഋഷഭ് പന്ത് വൈസ് ക്യാപ്റ്റനും ആയുള്ള ടീമിനെയാണ് ഇന്ത്യ അയച്ചിരിക്കുന്നത്. മത്സരത്തിൽ ഇന്ത്യൻ സ്ക്വാഡിലെ അംഗമായ മലയാളി താരം സഞ്ജു വി സാംസന് പ്ലയിംഗ്‌ ഇലവനിൽ ഇടം നേടാൻ കഴിഞ്ഞില്ല. ഇടംകയ്യൻമാരായ ഇഷൺ കിശനും ഋഷഭ് പന്തുമാണ് ഓപ്പണർമാരായി ടീമിൽ ഇടംനേടിയത്.

എങ്കിലും സഞ്ജുവിന് പിന്തുണയുമായി ഒരുപാട് ആരാധകർ ഗാലറിയിൽ എത്തിയിട്ടുണ്ട്. മത്സരത്തിനിടെ കമന്റേറ്റർമാരിൽ ഒരാളായ സൈമൺ ദൗൾ ഒരു കൂട്ടം ആരാധകരോട് നിങ്ങളുടെ പ്രിയപ്പെട്ട താരം ആരാണെന്ന ചോദ്യവുമായി ഗാലറിയിൽ എത്തിയിരുന്നു. അവർ സഞ്ജു എന്ന് മറുപടി നൽകുകയും ചെയ്തു. എന്തുകൊണ്ടാണ് സഞ്ജുവിനെ ഇഷ്ടപ്പെടാൻ കാരണം എന്ന് ചോദിക്കുമ്പോൾ സഞ്ജുവിന്റെ ബാറ്റിംഗ് സ്റ്റൈൽ കൊണ്ടാണ് ഞങ്ങൾ ഇഷ്ടപ്പെട്ടത് എന്നും അവർ പറയുന്നു.

pic.twitter.com/nZktT5Jn1D

— Don't Buy Samsung (@cricket82182592) November 20, 2022

മത്സരത്തിൽ ഒടുവിൽ വിവരം ലഭിക്കുമ്പോൾ ഇന്ത്യ പത്ത് ഓവറിൽ 2 വിക്കറ്റ് നഷ്ടത്തിൽ 75 റൺസ് നേടിയിട്ടുണ്ട്. 13 പന്തിൽ 6 റൺസ് എടുത്ത പന്തിന്റെയും 31 പന്തിൽ 36 റൺസ് എടുത്ത ഇഷാൻ കിഷന്റെയും വിക്കറ്റുകൾ ആണ് ഇന്ത്യക്ക് നഷ്ടമായത്. 6.4 ഓവറിൽ 50/1 എന്ന നിലയിൽ നിൽക്കെ മഴയെത്തി അൽപനേരം മത്സരം തടസ്സപ്പെട്ടു. എങ്കിലും പെട്ടെന്നുതന്നെ പുനരാരംഭിക്കാൻ കഴിഞ്ഞു.

ഒരാഴ്ച മുൻപ് നടന്ന ട്വന്റി ട്വന്റി ലോകകപ്പിൽ കിരീടം ചൂടിക്കൊണ്ട് എത്തിയ ഇംഗ്ലണ്ട് ടീമിനെ പരമ്പരയിലെ തുടർച്ചയായ രണ്ടാം ഏകദിന മത്സരത്തിലും തറപറ്റിച്ച് ടീം ഓസ്ട്രേലിയ. അഡ്‌ലൈഡ് ഓവലിൽ നടന്ന ആദ്യ മത്സരത്തിൽ 6 വിക്കറ്റിന് വിജയിച്ച അവർ ഇന്ന് സിഡ്നിയിൽ നടന്ന രണ്ടാം മത്സരത്തിൽ 72 റൺസിന്റെ വിജയം നേടി മൂന്ന് മത്സര ഏകദിന പരമ്പരയിൽ 2-0ന് മുന്നിലെത്തി. 8 ഓവറിൽ ഒരു മെയ്ഡൻ അടക്കം 47 റൺസ് വഴങ്ങി നാല് വിക്കറ്റ് വീഴ്ത്തിയ പേസർ മിച്ചൽ സ്റ്റർക്കാണ് കളിയിലെ താരം.

മത്സരത്തിൽ ടോസ് നേടി ബാറ്റിംഗ് തെരഞ്ഞെടുത്ത ഓസ്ട്രേലിയ നിശ്ചിത 50 ഓവറിൽ 8 വിക്കറ്റ് നഷ്ടത്തിൽ 280 റൺസ് കണ്ടെത്തി. സെഞ്ചുറിക്ക് ആറ് റൺസ് അകലെ പുറത്തായ സ്റ്റീവൻ സ്മിത്തിന്റെയും അർദ്ധസെഞ്ചുറി നേടിയ മാർനസ് ലബുഷയിനിന്റെയും മിച്ചൽ മാർഷിന്റെയും ഇന്നിങ്സുകളാണ് അവർക്ക് കരുത്തായത്. ടീമിലെ മറ്റാർക്കും കാര്യമായി തിളങ്ങാൻ കഴിഞ്ഞില്ല. ഇംഗ്ലണ്ടിനായി സ്പിന്നർ ആദിൽ റഷീദ് 3 വിക്കറ്റ് വീഴ്ത്തിയപ്പോൾ ക്രിസ് വോക്‌സും ഡേവിഡ് വില്ലിയും രണ്ടുവിക്കറ്റ് വീതവും വീഴ്ത്തി.

281 റൺസ് വിജയലക്ഷ്യം പിന്തുടർന്ന ഇംഗ്ലണ്ട് ടീം 38.5 ഓവറിൽ വെറും 208 റൺസിന് എല്ലാവരും പുറത്തായി. ആദ്യ ഓവറിൽ തന്നെ സ്റ്റാർക്ക് രണ്ട് ഓപ്പണർമാരെയും സമ്പൂജ്യരാക്കി മടക്കി ഓസ്ട്രേലിയക്ക് മികച്ച തുടക്കം നൽകി. 23 റൺസ് എടുത്ത സാൾട്ടിനെ ഹസേൽവുഡും മടക്കിയതോടെ ഇംഗ്ലണ്ട് പരുങ്ങലിലായി. എങ്കിലും നാലാം വിക്കറ്റിൽ ഒത്തുചേർന്ന 60 റൺസ് എടുത്ത ജെയിംസ് വിൻസും 71 റൺസ് എടുത്ത സാം ബില്ലിങ്സും ചേർന്ന് സൃഷ്ടിച്ച കൂട്ടുകെട്ടിലൂടെ 27 ഓവറിൽ 156/3 എന്ന ശക്തമായ നിലയിൽ ആയിരുന്ന അവർ പിന്നീട് ഇരുവരും പുറത്തായതോടെ തകർന്നടിയുന്ന കാഴ്ചയാണ് കാണാൻ കഴിഞ്ഞത്. ജോഷ് ഹൈസൽവുഡ് രണ്ട് വിക്കറ്റും സ്പിന്നർ ആദം സാംബയും നാല് വിക്കറ്റും വീഴ്ത്തി സ്റ്റാർക്കിന് മികച്ച പിന്തുണ നൽകി.

മത്സരത്തിൽ തന്റെ കരിയറിലെ ഏറ്റവും മികച്ച ഓവറുകളിൽ ഒന്നാണ് സ്റ്റാർക്ക് ആദ്യ ഓവറിൽ എറിഞ്ഞത്. രണ്ടാം പന്തിൽ ജസൻ റോയിയെ വിക്കറ്റ് കീപ്പർ അലക്സ് കാരിയുടെ കൈകളിൽ എത്തിച്ച അദ്ദേഹം, അഞ്ചാം പന്തിൽ ഒരു അതിഗംഭീര ഇൻസ്വിംഗറിലൂടെ ഡേവിഡ് മലാന്റെ പ്രതിരോധം ഭേദിച്ച് ക്ലീൻ ബോൾഡ് ആക്കുകയായിരുന്നു. ഇടംകൈയ്യൻ ബാറ്ററായ മാലാന്റെ ലെഗ് സ്റ്റമ്പിൽ പിച്ച് ചെയ്ത പന്ത് പൊടുന്നനെ സ്വിങ് ചെയ്ത് ഓഫ് സ്റ്റമ്പിൽ കൊള്ളുകയായിരുന്നു. സാധാരണ ഒരു വൈഡ് പോകേണ്ട പന്തായിരുന്നു അത് എന്നുതന്നെ പറയാം. തന്റെ 33ആം വയസ്സിലും ചുറുചുറുക്കോടെ പന്തെറിഞ്ഞു സ്വിംഗ് കണ്ടെത്തുന്ന സ്റ്റാർക്ക് വളർന്നുവരുന്ന യുവപേസർമാർക്ക് മാതൃകയാണ്. പിന്നീട് തന്റെ രണ്ടാം സ്പെല്ലിൽ വോക്‌സിനെയും വില്ലിയെയും കൂടി ക്ലീൻ ബോൾഡാക്കി സ്റ്റാർക്ക് മത്സരം ഓസ്ട്രേലിയക്ക് എളുപ്പം നേടിക്കൊടുത്തു.

വീഡിയോ :

That is a SEED from Starc!#AUSvENG | #PlayOfTheDay | #Dettol pic.twitter.com/XISUPw34Pm

— cricket.com.au (@cricketcomau) November 19, 2022

ന്യൂസിലൻഡിലെ വെല്ലിങ്ടൻ സ്കൈ സ്റ്റേഡിയത്തിൽ ഇന്ന് ഇന്ത്യൻ സമയം ഉച്ചക്ക് 12 മണിക്ക് ആരംഭിക്കേണ്ടിയിരുന്ന ഇന്ത്യ ന്യൂസിലൻഡ് ട്വന്റി ട്വന്റി പരമ്പരയിലെ ആദ്യ മത്സരം മഴമൂലം വൈകുന്നു. ഇതുവരെ മത്സരത്തിൽ ടോസ് ഇടാൻ പോലും കഴിഞ്ഞിട്ടില്ല. അതുകൊണ്ടുതന്നെ ഇന്ന് മത്സരം നടക്കാനുള്ള സാധ്യത വിരളമാണ്, മാത്രമല്ല ഉണ്ടെങ്കിൽ അതൊരു ഓവർ ചുരുക്കിയ മത്സരം ആകും.

ഒരാഴ്ച മുൻപ് ഓസ്ട്രേലിയയിൽവെച്ച് നടന്ന ട്വന്റി ട്വന്റി ലോകകപ്പിലെ സെമിഫൈനലിസ്റ്റുകൾ ആയ രണ്ട് ടീമുകളാണ് ഇവിടെ പരസ്പരം കൊമ്പുകോർക്കുന്നത്. ചാമ്പ്യൻമാരായ ഇംഗ്ലണ്ട് ആണ് ഇന്ത്യയെ സെമിയിൽ ഏകപക്ഷീയമായി പരാജയപ്പെടുത്തിയതെങ്കിൽ ന്യൂസിലൻഡ് പാകിസ്താനോടാണ് അടിയറവ് പറഞ്ഞത്. ഇതുവരെ ഒരു ലോകകപ്പ് കിരീടം പോലും നേടാൻ കഴിയാത്ത ടീമാണ് ന്യൂസിലൻഡ്. ഇന്ത്യയാകട്ടേ 2007ലെ പ്രഥമ ട്വന്റി ട്വന്റി ലോകകപ്പ് ചാമ്പ്യൻമാരാണ്.

ലോകകപ്പിന് ശേഷം സീനിയർ താരങ്ങൾക്ക് ഇന്ത്യ വിശ്രമം നൽകിയപ്പോൾ ഇന്ത്യൻ ട്വന്റി ട്വന്റി ടീമിനെ നയിക്കാനുള്ള അവസരം ലഭിച്ചത് ഓൾറൗണ്ടർ ഹാർദിക് പാണ്ഡ്യക്കാണ്. വിക്കറ്റ് കീപ്പർ ബാറ്റർ ഋഷഭ് പന്തിനെ വൈസ് ക്യാപ്റ്റൻ ആയും നിയമിച്ചിട്ടുണ്ട്. നായകൻ രോഹിത് ശർമ, വിരാട് കോഹ്‌ലി, ആർ അശ്വിൻ, ദിനേശ് കാർത്തിക്, മുഹമ്മദ് ഷമി എന്നിവരൊന്നും ടീമിലില്ല. ന്യൂസിലൻഡ് നിരയിലാകട്ടെ പേസർ ട്രെന്റ് ബോൾട്ട് ഇല്ലാ എന്നതൊഴിച്ചാൽ ലോകകപ്പ് കളിച്ച അതേ ടീം തന്നെയാണ് ഈ പരമ്പരയിൽ കളിക്കുന്നതും.

മഴയും നനഞ്ഞ ഔട്ട്ഫീൽഡും മൂലം ഗ്രൗണ്ടിൽ ഇറങ്ങാൻ കഴിയാതിരുന്ന ഇരു ടീമിലെയും താരങ്ങൾ ചേർന്ന് സ്റ്റേഡിയത്തിനകത്ത് ഇൻഡോറിൽ ഒത്തുചേർന്ന് കളിക്കുന്ന ദൃശ്യങ്ങൾ ബിസിസിഐ സമൂഹമാധ്യമങ്ങളിൽ പങ്കുവച്ചിരുന്നു. ഇത് ഇപ്പോൾ ആരാധകർ ഏറ്റെടുത്തിരിക്കുകയാണ്. ഇന്ത്യൻ ടീമിലെയും ന്യൂസിലൻഡ് ടീമിലെയും താരങ്ങൾ രണ്ട് ഗ്രൂപ്പായി തിരിഞ്ഞ് നടുവിൽ കസേര കൊണ്ട് നെറ്റ് പോലെ സങ്കൽപ്പിച്ച് ഫുട്ട് വോളി കളിക്കുന്ന ദൃശ്യങ്ങൾ(കാലുകൊണ്ട് വോളിബോൾ കളിക്കുന്നത്). ഇന്ത്യൻ ചേരിയിൽ കളിക്കുന്ന 3 താരങ്ങൾ സ്പിന്നർ ചഹാൽ, ഓൾറൗണ്ടർ ദീപക് ഹൂഡ, വിക്കറ്റ് കീപ്പറും മലയാളി താരവുമായ സഞ്ജു വി സാംസൺ എന്നിവരാണ്.

വീഡിയൊ :

#TeamIndia and New Zealand team enjoy a game of footvolley as we wait for the rain to let up.#NZvIND pic.twitter.com/8yjyJ3fTGJ

— BCCI (@BCCI) November 18, 2022

ഇക്കഴിഞ്ഞ ഞായറാഴ്ച ഓസ്ട്രേലിയയിലെ മെൽബണിൽ നടന്ന ട്വന്റി ട്വന്റി ലോകകപ്പ് കലാശപ്പോരാട്ടത്തിൽ ഇംഗ്ലണ്ടിനോട് തോറ്റ പാക്കിസ്ഥാന് തങ്ങളുടെ രണ്ടാം ട്വന്റി ട്വന്റി ലോകകപ്പ് കിരീടം നേടാനുള്ള അവസരം നഷ്ടമായിരുന്നു. ബോളർമാർ ടൂർണമെന്റിൽ ഉടനീളം മികച്ച പ്രകടനം നടത്തിയിട്ടും ടോപ്പ് ഓർഡർ ബാറ്റർമാർ പരാജയപ്പെട്ടതാണ് അവർക്ക് വിനയായത്. ഓപ്പണറും വിക്കറ്റ് കീപ്പറുമായ മുഹമ്മദ് റിസ്‌വാനും, മറക്കാൻ ആഗ്രഹിക്കുന്ന ഒരു ലോകകപ്പാണ് കടന്നുപോയത്.

4, 14, 49, 4, 32, 57, 15 എന്നിങ്ങനെയാണ് കഴിഞ്ഞ ട്വന്റി ട്വന്റി ലോകകപ്പിലെ റിസ്‌വാന്റെ സ്കോറുകൾ. പാക്കിസ്ഥാൻ ആരാധകരുടെ പ്രതീക്ഷക്കൊത്ത പ്രകടനം നടത്താൻ അദ്ദേഹത്തിന് കഴിഞ്ഞില്ല എന്നതാണ് വസ്തുത. ട്വന്റി ട്വന്റി ലോകകപ്പ് ആരംഭിക്കുന്ന സമയത്ത് ട്വന്റി ട്വന്റി ബാറ്റർമാരുടെ റാങ്കിംഗിൽ ഒന്നാമതായിരുന്നു റിസ്‌വാൻ. എന്നാൽ ലോകകപ്പിനിടയിൽ ഇന്ത്യയുടെ സൂര്യകുമാർ യാദവ് തുടർച്ചയായി മിന്നുന്ന പ്രകടനങ്ങൾ കാഴ്ചവെച്ച് ഒന്നാം റാങ്ക് സ്വന്തം പേരിലാക്കിയിരുന്നു. അന്താരാഷ്ട്ര ക്രിക്കറ്റ് കൗൺസിൽ 2021ലെ മികച്ച ട്വന്റി ട്വന്റി ബാറ്ററായി തിരഞ്ഞെടുത്തത് റിസ്‌വാനെ ആയിരുന്നു.

ലോകകപ്പിന് ശേഷം മടങ്ങിയ പാക്ക് താരങ്ങൾ കഴിഞ്ഞ ദിവസമാണ് നാട്ടിലെത്തിയത്. അതിനിടെ ഒരു വനിതാ ആരാധികയുടെ കൂടെ സെൽഫി എടുക്കാൻ വിസമ്മതിച്ച റിസ്‌വാന്റെ ഒരു വീഡിയോ ഇപ്പോൾ സമൂഹമാധ്യമങ്ങളിൽ തരംഗമായി മാറിയിരിക്കുകയാണ്. പൊതുവേ തന്റെ സൗമ്യമായ പെരുമാറ്റംകൊണ്ടും ഹൃദ്യമായ വാക്കുകൾകൊണ്ടും പാക്കിസ്ഥാനിൽ മാത്രമല്ല, ലോകമെമ്പാടും വളരെ ചുരുങ്ങിയ കാലംകൊണ്ട് ഒരുപാട് ആരാധകരെ സൃഷ്ടിച്ചിട്ടുള്ള ഒരു താരമാണ് അദ്ദേഹം.

എന്നാലിപ്പോൾ പുറത്തുവന്ന വീഡിയോയിൽ അദ്ദേഹം പുരുഷ ആരാധകരുടെ കൂടെ ഒരു എതിർപ്പുംകൂടാതെ ഫോട്ടോക്ക് പോസ് ചെയ്യുമ്പോൾ വനിതാ ആരാധികയോട് ഫോട്ടോ എടുക്കാൻ വിസമ്മതിക്കുകയും ചെയ്തു. റിസ്‌വാൻ പങ്കെടുത്ത ഒരു സ്വകാര്യ ചടങ്ങിന് ശേഷമുള്ളതാണ് ദൃശ്യങ്ങൾ. ഇതിനുമുൻപും വനിതകളുടെ കൂടെ ഫോട്ടോക്ക് പോസ് ചെയ്യാൻ താത്പര്യപ്പെടുന്നില്ല എന്ന് അദ്ദേഹം വ്യക്തമാക്കിയിട്ടുള്ളതാണ്. സ്ത്രീകളോട് ഇടപെടുമ്പോൾ പ്രത്യേകിച്ച് വനിതാ സ്പോർട്സ് ജേർണലിസ്റ്റ്, അവതാരകർ എന്നിവരോടൊക്കെ സംസാരിക്കുമ്പോൾ നേരെ മുഖത്ത് നോക്കിനിൽക്കാതെ കണ്ണ് താഴേ നോക്കിയാണ് സംസാരിക്കാറുള്ളത്.

Mohammad Rizwan refuses to give selfie to a female fan.#Cricket | #Pakistan | #MohammadRizwan | #T20WorldCup | #Fan pic.twitter.com/0ANQWoB8Gn

— Khel Shel (@khelshel) November 15, 2022

ഇംഗ്ലണ്ടിനെതിരായ ഏകദിന പരമ്പരയിലെ ആദ്യ മത്സരത്തിൽ ഓസ്‌ട്രേലിയയ്ക്ക് തകർപ്പൻ ജയം. 288 റൺസ് ലക്ഷ്യം പിന്തുടർന്ന ഓസ്‌ട്രേലിയ 4 വിക്കറ്റ് നഷ്ട്ടത്തിൽ 46.5 ഓവറിൽ  ജയത്തിലെത്തി. ഓസ്‌ട്രേലിയയുടെ ടോപ്പ് ഓർഡറിൽ മൂന്ന് പേരും തിളങ്ങിയപ്പോൾ അനായാസം ജയത്തിലെത്തുകയായിരുന്നു. 84 പന്തിൽ 86 റൺസ് നേടിയ വാർണറാണ് ടോപ്പ് സ്‌കോറർ.

57 പന്തിൽ 69 റൺസ് നേടി ഹെഡും, 78 പന്തിൽ 80 റൺസ് നേടി സ്റ്റീവ് സ്മിത്തും ഓസ്‌ട്രേലിയൻ ജയത്തിൽ നിർണായകമായി. ഇംഗ്ലണ്ടിന് വേണ്ടി വില്ലി 2 വിക്കറ്റും ജോർദാൻ, ഡോസൻ എന്നിവർ ഓരോ വിക്കറ്റും വീഴ്ത്തി. ഏകദിന സീരീസിലെ രണ്ടാം മത്സരം മറ്റന്നാൾ സിഡ്‌നിയിൽ വെച്ച് നടക്കും.

മത്സരത്തിനിടെ ഡ്രസിങ് റൂമിൽ വെച്ച് കുട്ടി ആരാധകനുമായി വാർണർ രസകരമായ ബാന്ററിൽ ഏർപ്പെട്ടിരുന്നു. മത്സരം കാണാൻ എത്തിയ കുട്ടി ആരാധകൻ പേപ്പറിൽ എഴുതി വാർണറുടെ ഷർട്ട് തരുമോയെന്ന് ചോദിച്ചതാണ് സംഭവത്തിന്റെ തുടക്കം. ഇക്കാര്യം ഡ്രസിങ് റൂമിൽ സഹതാരങ്ങൾക്കൊപ്പം ഇരിക്കുകയായിരുന്ന വാർണറിന്റെ ശ്രദ്ധയിൽപെട്ടു. ഉടനെ രസകരമായ മറുപടിയുമാണ് വാർണർ എത്തി.

സഹതാരം ലെബുഷെയ്ന്റെ  ഷർട്ടിന് കൂടി ചോദിക്കാൻ എന്നായിരുന്നു മറുപടി. പിന്നാലെ മറ്റൊരു പേപ്പറിൽ ഇക്കാര്യം എഴുതി ആരാധകൻ എത്തി. ഇതോടെ ചിരിച്ച് കൊണ്ട് കുട്ടി ആരാധകന്റെ ആഗ്രഹത്തിന് സമ്മതം മൂളുകയായിരുന്നു. തൊട്ടടുത്ത് ഇരിക്കുകയായിരുന്ന ലെബുഷെയ്നും രസകരമായ നിമിഷത്തിൽ ചിരിച്ചു കൊണ്ട് പ്രതികരിച്ചു.

Banter of David Warner and a kid during today's match. pic.twitter.com/POO1a2J655

— Tanuj Singh (@ImTanujSingh) November 17, 2022

നേരെത്തെ തകർച്ചയോടെ തുടങ്ങിയ ഇംഗ്ലണ്ടിന് മലാന്റെയും (128 പന്തിൽ 134) വില്ലെയുടെയും (40 പന്തിൽ 34) ഇന്നിംഗ്സ് തുണയായത്. 9 വിക്കറ്റ് നഷ്ട്ടത്തിൽ 50 ഓവറിൽ 287 റൺസ് നേടിയിരുന്നു. ടി20 ലോകക്കപ്പ് നേടിയെത്തിയ ഇംഗ്ലണ്ടിന് ഓസ്‌ട്രേലിയയ്ക്കെതിരായ ഏകദിനത്തിലെ തുടക്കം പരിതാപകരമായിരുന്നു.
നാലാം ഓവറിലെ അവസാന പന്തിൽ സാൾട്ടിനെ (14) പുറത്താക്കി ഓസ്‌ട്രേലിയ വിക്കറ്റ് വേട്ട തുടങ്ങി. പിന്നാലെ 3 പന്തുകൾക്ക് ശേഷം ഓപ്പണിങ്ങിൽ സാൾട്ടിന് ഒപ്പം ഇറങ്ങിയ ജസോണ് റോയിയെയും (6) ഓസ്‌ട്രേലിയ മടക്കി.

ശേഷം എത്തിയവരിൽ മലാൻ ഒഴികെ മറ്റുള്ളവരെല്ലാം ക്രീസിൽ നിലയുറപ്പിക്കാൻ ആകാതെ മടങ്ങി. ഒരു ഘട്ടത്തിൽ 30.2 ഓവറിൽ 6ന് 158 എന്ന നിലയിലായിരുന്നു ഇംഗ്ലണ്ട്.
വിൻസ് (5), സാം ബില്ലിങ്സ് (17), ബട്ട്ലർ (29), ലിയാം ഡോസൻ (11) എന്നിവരുടെ വിക്കറ്റുകളാണ് ഇതിനിടെ നഷ്ട്ടമായത്. വാലറ്റത്തെ കൂട്ടുപിടിച്ച് നിർണായക സ്കോറുകൾ നേടുന്ന മലാനെയാണ് പിന്നീട് കണ്ടത്. ഏഴാം വിക്കറ്റിൽ ജോർദാനോടൊപ്പം 41 റൺസും, എട്ടാം വിക്കറ്റിൽ വില്ലിയോടൊപ്പം 60 റൺസും കൂട്ടിച്ചേർത്തു. അവസാന പത്ത് ഓവറിൽ 80 റൺസാണ് നേടിയത്.