Month: November 2022

ട്വന്റി-20 ലോകകപ്പ് സെമിഫൈനലിൽ ഇംഗ്ലണ്ടിനോട് 10 വിക്കറ്റിന് ദയനീയമായി തോറ്റതിന് ശേഷം ഇന്ത്യൻ ടീമിനെതിരെ കടുത്ത വിമർശനങ്ങളാണ് ഉയരുന്നത്, ട്വന്റി-20 ഫോർമാറ്റിന് യോജിക്കാത്ത താരങ്ങളെ കുത്തി നിറച്ച ഈ ടീം സെമിഫൈനൽ വരെ എത്തിയത് തന്നെ അവിശ്വസനീയം എന്നാണ് പലരും അഭിപ്രായപ്പെടുന്നത്, മത്സര ശേഷം ഇന്ത്യൻ ക്യാപ്റ്റൻ രോഹിത് ശർമ ബോളർമാരുടെ പ്രകടനത്തെ വിമർശിച്ചിരുന്നു, എന്നാൽ ബോളർമാരുടെ മേൽ മാത്രം പഴിചാരിയ രോഹിത്തിന്റെ നിലപാടിനെതിരെ രംഗത്ത് വന്നിരിക്കുകയാണ് വിരേന്ദർ സേവാഗ്, ആദ്യ 12 ഓവറിൽ 82 റൺസ് എടുത്ത ഇന്ത്യൻ ടോപ് ഓർഡർ ബാറ്റർമാരുടെ മോശം പ്രകടനത്തെയാണ് സേവാഗ് വിമർശിച്ചിരിക്കുന്നത്, ഈ പിച്ചിലെ ശരാശരി സ്കോർ 150-160 ആയിരിക്കാം പക്ഷെ ഒരു ബാറ്റർ നിലയുറപ്പിച്ച് കഴിഞ്ഞാൽ ഈ ടോട്ടൽ ഒരിക്കലും സുരക്ഷിതമല്ല അത് മനസ്സിലാക്കി വേണം ടോപ് ഓർഡർ ബാറ്റർമാർ കളിക്കേണ്ടിയിരുന്നത് എന്നും സേവാഗ് അഭിപ്രായപ്പെട്ടു.

ഈ ലോകകപ്പിൽ ഇന്ത്യൻ നിരയിൽ വിരാട് കോഹ്ലി, സൂര്യകുമാർ യാദവ്, ഹാർദിക്ക് പാണ്ഡ്യ എന്നിവർ മാത്രമാണ് മികച്ച പ്രകടനം പുറത്തെടുത്തവർ,
കെ.എൽ രാഹുൽ- രോഹിത് ശർമ ഓപ്പണിങ്ങ് ജോഡി തീർത്തും പരാജയം ആയിരുന്നു ഈ ലോകകപ്പിൽ, ഫീൽഡിങ് നിയന്ത്രണങ്ങൾ ഉള്ള പവർപ്ലേ ഓവറുകളിൽ പോലും നന്നായി റൺസ് സ്കോർ ചെയ്യാൻ ഇരുവർക്കും സാധിച്ചില്ല ഇത് പിന്നീട് വരുന്ന ബാറ്റർമാർക്ക് ഇരട്ടി ഭാരവും സമ്മർദ്ധവും ആണ് സമ്മാനിച്ചത്, കെ.എൽ രാഹുലിന്റെ പ്രകടനം പല മത്സരങ്ങളിലും ടീമിൽ സ്ഥാനം ഉറപ്പിക്കാൻ വേണ്ടി കളിക്കുന്നത് പോലെ ആയിരുന്നു, മറുവശത്ത് രോഹിത് ശർമയാകട്ടെ പഴയ പ്രതാപത്തിന്റെ നിഴലിൽ ആയിരുന്നു, ജസ്പ്രീത് ബുമ്രയുടെ അഭാവം ബോളിംഗ് ഡിപ്പാർട്മെന്റിൽ നന്നായി നിഴലിച്ചു കണ്ടു, ശിഖർ ധവാന്റെ കീഴിൽ കളിച്ച ഇന്ത്യയുടെ രണ്ടാം നിര ടീമിനെ ഈ ലോകകപ്പിന് ഇറക്കിയിരുന്നെങ്കിൽ അവർ ഇതിലും നന്നായി കളിച്ചേനെ എന്നാണ് പല ആരാധകരും അഭിപ്രായപ്പെടുന്നത്, ഈ തോൽ‌വിയിൽ നിന്ന് പാഠം ഉൾക്കൊണ്ട് കൊണ്ട് ട്വന്റി-20 ക്രിക്കറ്റിന് അനുയോജ്യരായ താരങ്ങളെ ഉൾപ്പെടുത്തി ടീം ഉടച്ചു വാർത്താൽ ഇന്ത്യൻ ടീമിന്റെ ഭാവിക്ക് അത് ഗുണം ചെയ്യും അല്ലെങ്കിൽ ഇനിയും ഇത്തരം ദുരന്തങ്ങൾ ആവർത്തിക്കുക തന്നെ ചെയ്യും.
Written By: അഖിൽ. വി.പി. വള്ളിക്കാട്.

ട്വന്റി-20 ലോകകപ്പിലെ സെമി ഫൈനലിൽ ഇംഗ്ലണ്ടിനെതിരെ ഇന്ത്യക്ക് 10 വിക്കറ്റിന്റെ ദയനീയ തോൽവി, ആദ്യം ബാറ്റ് ചെയ്ത് ഇന്ത്യ നേടിയ 168 റൺസ് 4 ഓവർ ശേഷിക്കെ ഇംഗ്ലണ്ട് അനായാസം മറി കടന്നു, ഓപ്പണർമാരായ ജോസ് ബട്ട്‌ലറും 80* അലക്സ്‌ ഹെയിൽസും 86* അർധസെഞ്ച്വറികളുമായി നിറഞ്ഞാടിയപ്പോൾ ഇന്ത്യൻ ബോളർമാർക്ക് അതിന് മുന്നിൽ മറുപടി ഉണ്ടായിരുന്നില്ല, തുടക്കം മുതൽ ഇന്ത്യൻ ബോളർമാരെ കടന്നാക്രമിച്ച ഇംഗ്ലണ്ടിന്റെ ഓപ്പണിങ് സഖ്യം പവർപ്ലേ ഓവറുകൾ നന്നായി മുതലാക്കി, ഇന്ത്യക്ക് കഴിയാതെ പോയത് ഇംഗ്ലണ്ട് കളിച്ച് കാണിച്ച് കൊടുത്തു എന്ന് തന്നെ പറയാം.

2016 ലോകകപ്പിലെ വിൻഡീസിനെതിരെയുള്ള സെമിഫൈനൽ ഓർമപ്പെടുത്തുന്നതായിരുന്നു ഇന്നത്തെ മത്സരവും, മികച്ച ടോട്ടൽ നേടിയിട്ടും ബോളർമാർ അവസരത്തിനൊത്ത് ഉയരാതെ പോയതാണ് അന്ന് ഇന്ത്യക്ക് വിന ആയത്, അന്നത്തെ സെമിഫൈനലിൽ 7 വിക്കറ്റിന് ഇന്ത്യ വിൻഡീസിനോട് പരാജയപ്പെടുകയായിരുന്നു, മത്സരത്തിൽ ടോസ് നേടിയ ഇംഗ്ലണ്ട് ക്യാപ്റ്റൻ ജോസ് ബട്ട്‌ലർ ഇന്ത്യയെ ബാറ്റിങ്ങിന് അയക്കുകയായിരുന്നു, കഴിഞ്ഞ കളിയിലെ ടീമിനെ ഇന്ത്യ നിലനിർത്തിയപ്പോൾ ഇംഗ്ലണ്ട് രണ്ട് മാറ്റങ്ങളുമായാണ് കളത്തിലിറങ്ങിയത്, പരിക്കേറ്റ മാർക്ക്‌ വുഡിനും, ഡേവിഡ് മലാനും പകരം ക്രിസ് ജോർദാനും ഫിലിപ്പ് സാൾട്ടും ഇംഗ്ലണ്ട് നിരയിൽ ഇടം പിടിച്ചു.

മത്സരത്തിൽ തുടക്കത്തിൽ തന്നെ കെ.എൽ രാഹുലിനെ (5) ക്രിസ് വോക്ക്സ് വീഴ്ത്തിയെങ്കിലും വിരാട് കോഹ്ലി ഇന്ത്യയെ മുന്നോട്ടേക്ക് നയിച്ചു, മറുവശത്ത് പവർ പ്ലേ ഓവറുകളിൽ പോലും റൺസ് കണ്ടെത്താൻ നന്നായി ബുദ്ധിമുട്ടി ഇന്ത്യൻ നായകനും ഓപ്പണറുമായ രോഹിത് ശർമ, ഓപ്പണിങ് വിക്കറ്റിലെ ഈ മെല്ലെപ്പോക്ക് പല മത്സരങ്ങളിലും ഇന്ത്യക്ക് വിനയായി തീരുകയും ചെയ്തു, അർധ സെഞ്ച്വറി നേടിയ കോഹ്ലിയുടെ ഇന്നിംഗ്സും അവസാന ഓവറുകളിൽ തകർത്തടിച്ച ഹാർദിക്ക് പാണ്ഡ്യയുടെയും  ഇന്നിംഗ്സ് ആണ് ഇന്ത്യയെ 168/6 എന്ന നിലയിൽ എത്തിച്ചത്.

മത്സരത്തിലെ ക്രിസ് ജോർദാൻ എറിഞ്ഞ ഇരുപതാം ഓവറിലെ മൂന്നാമത്തെ ബോളിൽ ബൗണ്ടറിക്കായി റിഷഭ് പന്ത് ശ്രമിച്ചെങ്കിലും പന്ത് നേരെ പോയത് വിക്കറ്റ് കീപ്പർ ജോസ് ബട്ട്‌ലറുടെ കൈകളിലേക്കാണ് അപ്പോഴേക്കും ഹാർദിക്ക് ഓടി സ്ട്രൈക്കറുടെ എൻഡിലേക്ക് എത്തിയിരുന്നു, ഹാർദിക്കിന് വേണ്ടി തന്റെ വിക്കറ്റ് ബലി കഴിക്കാൻ റിഷഭ് പന്ത് ഒട്ടും മടിച്ച് നിന്നില്ല, തൊട്ടടുത്ത 2 ബോളിൽ ഒരു സിക്സും ഫോറും നേടാൻ ഹാർദിക്കിന് സാധിക്കുകയും ചെയ്തു.

ട്വന്റി-20 ലോകകപ്പിലെ രണ്ടാം സെമി ഫൈനലിൽ ഇംഗ്ലണ്ടിനെതിരെ ഇന്ത്യക്ക് 10 വിക്കറ്റിന്റെ ദയനീയ തോൽവി, ഇന്ത്യ നേടിയ 168 റൺസ് 4 ഓവർ ശേഷിക്കെ ഇംഗ്ലണ്ട് മറി കടന്നു, ഓപ്പണർമാരായ ജോസ് ബട്ട്‌ലറും (80) അലക്സ്‌ ഹെയിൽസും (86) അർധസെഞ്ച്വറികളുമായി തകർത്തടിച്ചു കളിച്ചപ്പോൾ ഇന്ത്യൻ ബോളർമാർക്ക് അതിന് മുന്നിൽ മറുപടി ഉണ്ടായിരുന്നില്ല, കളിയിലെ താരമായും അലക്സ്‌ ഹെയിൽസ് തിരഞ്ഞെടുക്കപ്പെട്ടു, കിരീടപ്പോരാട്ടത്തിനായി ഞായറാഴ്ച ഇംഗ്ലണ്ട് പാകിസ്താനെ നേരിടും.

2016 ലോകകപ്പിലെ വിൻഡീസിനെതിരെയുള്ള സെമിഫൈനൽ ഓർമപ്പെടുത്തുന്നതായിരുന്നു ഇന്നത്തെ മത്സരവും, മികച്ച ടോട്ടൽ നേടിയിട്ടും ബോളർമാർ അവസരത്തിനൊത്ത് ഉയരാതെ പോയതാണ് അന്ന് ഇന്ത്യക്ക് വിന ആയത്, അന്നത്തെ സെമിഫൈനലിൽ 7 വിക്കറ്റിന് ഇന്ത്യ വിൻഡീസിനോട് പരാജയപ്പെടുകയായിരുന്നു, മത്സരത്തിൽ ടോസ് നേടിയ ഇംഗ്ലണ്ട് ക്യാപ്റ്റൻ ജോസ് ബട്ട്‌ലർ ഇന്ത്യയെ ബാറ്റിങ്ങിന് അയക്കുകയായിരുന്നു, കഴിഞ്ഞ കളിയിലെ ടീമിനെ ഇന്ത്യ നിലനിർത്തിയപ്പോൾ ഇംഗ്ലണ്ട് രണ്ട് മാറ്റങ്ങളുമായാണ് കളത്തിലിറങ്ങിയത്, പരിക്കേറ്റ മാർക്ക്‌ വുഡിനും, ഡേവിഡ് മലാനും പകരം ക്രിസ് ജോർദാനും ഫിലിപ്പ് സാൾട്ടും ഇംഗ്ലണ്ട് നിരയിൽ സ്ഥാനം പിടിച്ചു.

മത്സരത്തിൽ തുടക്കത്തിൽ തന്നെ കെ.എൽ രാഹുലിനെ (5) ക്രിസ് വോക്ക്സ് വീഴ്ത്തിയെങ്കിലും വിരാട് കോഹ്ലി ഇന്ത്യയെ മുന്നോട്ടേക്ക് നയിച്ചു, മറുവശത്ത് പവർ പ്ലേ ഓവറുകളിൽ പോലും റൺസ് കണ്ടെത്താൻ നന്നായി ബുദ്ധിമുട്ടി ഇന്ത്യൻ നായകനും ഓപ്പണറുമായ രോഹിത് ശർമ, അർധ സെഞ്ച്വറി നേടിയ കോഹ്ലിയുടെ ഇന്നിംഗ്സും അവസാന ഓവറുകളിൽ തകർത്തടിച്ച ഹാർദിക്ക് പാണ്ഡ്യയുടെയും  ഇന്നിംഗ്സ് ആണ് ഇന്ത്യയെ 168/6 എന്ന നിലയിൽ എത്തിച്ചത്, ദയനീയ തോൽവി ഏറ്റുവാങ്ങിയ ശേഷം ഡഗ് ഔട്ടിലെത്തിയ രോഹിത് ശർമ നിരാശനും ഏറെ സങ്കടത്തോടെയും ആണ് കാണപ്പെട്ടത്, കോച്ച് രാഹുൽ ദ്രാവിഡ്‌ രോഹിത്തിനെ ആശ്വസിപ്പിക്കുന്നത് ക്യാമറക്കണ്ണിൽ പതിയുകയും ചെയ്തു, രോഹിത്തിന്റെ ക്യാപ്റ്റൻ സ്ഥാനം പോലും ചോദ്യം ചെയ്യപ്പെടുന്ന തരത്തിൽ ഒന്ന് പൊരുതി നോക്കാൻ പോലും പറ്റാതെ ദയനീയമായാണ് ഇന്ത്യ പരാജയം സമ്മതിച്ചത്.

അഡ്‌ലൈഡ് ഓവലിൽ നടക്കുന്ന ട്വന്റി ട്വന്റി ലോകകപ്പ് രണ്ടാം സെമിഫൈനലിൽ ആദ്യം ബാറ്റ് ചെയ്ത ഇന്ത്യക്ക് ഭേദപ്പെട്ട സ്കോർ. 33 പന്തിൽ 63 റൺസ് എടുത്ത് വെടിക്കെട്ട് ബാറ്റിംഗ് കാഴ്ചവെച്ച ഓൾറൗണ്ടർ ഹാർദിക് പാണ്ഡ്യയുടെയും 40 പന്തിൽ 50 റൺസ് നേടി ഇന്ത്യൻ ഇന്നിങ്സ് കെട്ടിപ്പടുത്ത വിരാട് കോഹ്‌ലിയുടെയും മികവിലാണ് ഇന്ത്യൻ ടീം നിശ്ചിത 20 ഓവറിൽ 6 വിക്കറ്റ് നഷ്ടത്തിൽ 168 റൺസ് നേടിയത്.

ഓപ്പണർമാരായ നായകൻ രോഹിത് ശർമയും കെ എൽ രാഹുലും ഒരിക്കൽ കൂടി നിരാശപ്പെടുത്തി. ടൂർണമെന്റിലെ ഇന്ത്യയുടെ വിജയങ്ങളിൽ നിർണായകപങ്ക് വഹിച്ച സൂര്യകുമാർ യാദവും ഇന്ന് പെട്ടെന്ന് മടങ്ങിയപ്പോൾ ഇന്ത്യ തെല്ലൊന്ന് ഭയന്നുവെങ്കിലും പാണ്ഡ്യ ആദ്യമായി ഫോം കണ്ടെത്തിയത് ഇന്ത്യക്ക് മുതൽക്കൂട്ടായി. മത്സരത്തിൽ ടോസ് നേടിയ ഇംഗ്ലണ്ട് നായകൻ ജോസ് ബട്ട്‌ലർ ആദ്യം ഫീൽഡിംഗ് തെരഞ്ഞെടുക്കുകയായിരുന്നു. ഇംഗ്ലണ്ട് നിരയിൽ പരുക്കേറ്റ ബാറ്റർ ഡേവിഡ് മലാനും പേസർ മാർക്ക് വുഡിനും പകരം ഫിൽ സാൾട്ടും ക്രിസ് ജോർദാനും ടീമിൽ ഇടംപിടിച്ചു. ഇന്ത്യയാകട്ടെ അവസാന മത്സരത്തിൽ സിംബാബ്‌വെയെ നേരിട്ട അതേ ടീമിനെതന്നെയാണ് ഇറക്കിയിരിക്കുന്നത്.

ഒരു ലോകകപ്പ് നോക്കൗട്ടിൽ 35 വർഷങ്ങൾക്ക് ശേഷമാണ് ഇരു ടീമുകളും ഏറ്റുമുട്ടുന്നത്. 2013ലെ ഐസിസി ചാമ്പ്യൻസ് ട്രോഫിയിൽ ഏറ്റുമുട്ടിയതിന് ശേഷം ഇന്ത്യയും ഇംഗ്ലണ്ടും തമ്മിൽ കണ്ടുമുട്ടുന്ന ആദ്യ നോക്കൗട്ട് മത്സരമാണ് ഇതെന്ന പ്രത്യേകത കൂടിയുണ്ട്. 2013ലെ ചാമ്പ്യൻസ് ട്രോഫി ജേതാക്കൾ ആയതിനുശേഷം പിന്നീട് ഇതുവരെ മറ്റൊരു ഐസിസി ട്രോഫിയും ഇന്ത്യക്ക് നേടാൻ സാധിച്ചിട്ടില്ല എന്നത് മറ്റൊരു വസ്തുത.

മത്സരത്തിൽ 4 ഫോറും 5 സിക്‌സും അടക്കം വെറും 33 പന്തിൽ നിന്നും 63 റൺസ് അടിച്ചുകൂട്ടിയ പാണ്ഡ്യ ഇന്ത്യൻ ഇന്നിങ്ങ്സിന്റെ അവസാന പന്തിൽ ആയിരുന്നു പുറത്തായത്. ക്രിസ് ജോർദാൻ വിക്കറ്റ് സ്വന്തമാക്കി. ഓവറിന്റെ മൂന്നാം പന്തിൽ ഋഷഭ് പന്ത് റൺഔട്ട് ആയശേഷം നാലാം പന്തിൽ സിക്സും അഞ്ചാം പന്തിൽ ഫോറും നേടിയ പാണ്ഡ്യ അവസാന പന്തിലും ബൗണ്ടറി നേടാനുള്ള ശ്രമത്തിൽ ഹിറ്റ് വിക്കറ്റ് ആയി പുറത്താകുകയായിരുന്നു. ക്രീസിലേക്ക്‌ നന്നായി ഇറങ്ങിനിന്നു ഷോട്ട് കളിച്ച അദ്ദേഹം സ്ക്വയർ ലെഗ് ഏരിയയിലേക്ക് ബൗണ്ടറി കണ്ടെത്തിയെങ്കിലും അതിനുമുമ്പേ വിക്കറ്റിൽ ശരീരംകൊണ്ട് ബൈൽസ് വീണിരുന്നു. ഒരു ബൗണ്ടറിയോടെ ഇന്നിങ്സ് ഫിനിഷ് ചെയ്യാനുള്ള അവസരം നഷ്ടമായി…

വീഡിയൊ കാണാം :

ട്വന്റി-20 ലോകകപ്പിലെ രണ്ടാം സെമി ഫൈനലിൽ ഇന്ത്യയും ഇംഗ്ലണ്ടും ഏറ്റുമുട്ടുകയാണ്, അഡ്ലൈഡിലാണ് ഇന്നത്തെ മത്സരം നടക്കുന്നത്, ഈ മത്സരം ജയിക്കുന്നവർ നവംബർ 13 ഞായറാഴ്ച മെൽബണിൽ നടക്കുന്ന ഫൈനലിൽ പാകിസ്താനെ നേരിടും, ഇന്നലെ നടന്ന ആദ്യ സെമിഫൈനലിൽ പാകിസ്താൻ ന്യൂസിലാൻഡിനെ 7 വിക്കറ്റിന് പരാജയപ്പെടുത്തിയാണ് ഫൈനലിലേക്ക് യോഗ്യത നേടിയത്, ഇന്ത്യ ഇന്ന് ഇംഗ്ലണ്ടിനെ പരാജയപ്പെടുത്തിയാൽ ഒരു ക്ലാസ്സിക്‌ ഫൈനലിനാകും ഞായറാഴ്ച മെൽബൺ സാക്ഷ്യം വഹിക്കുക, ക്രിക്കറ്റ്‌ പ്രേമികൾ കാത്തിരിക്കുന്നതും ഇന്ത്യ-പാക്കിസ്ഥാൻ ഫൈനലിന് വേണ്ടിയാണ്.

ഇതിന് മുമ്പ് 2016ലെ ലോകകപ്പിലാണ് ഇന്ത്യ അവസാനമായി സെമിഫൈനലിലേക്ക് യോഗ്യത നേടിയത് അന്ന് വെസ്റ്റ്ഇൻഡീസ് ആയിരുന്നു ഇന്ത്യയുടെ എതിരാളികൾ, അന്നത്തെ സെമിഫൈനലിൽ 7 വിക്കറ്റിന് ഇന്ത്യ വിൻഡീസിനോട് പരാജയപ്പെടുകയായിരുന്നു, മത്സരത്തിൽ ടോസ് നേടിയ ഇംഗ്ലണ്ട് ക്യാപ്റ്റൻ ജോസ് ബട്ട്‌ലർ ഇന്ത്യയെ ബാറ്റിങ്ങിന് അയക്കുകയായിരുന്നു, കഴിഞ്ഞ കളിയിലെ ടീമിനെ ഇന്ത്യ നിലനിർത്തിയപ്പോൾ ഇംഗ്ലണ്ട് രണ്ട് മാറ്റങ്ങളുമായാണ് കളത്തിലിറങ്ങിയത്, പരിക്കേറ്റ മാർക്ക്‌ വുഡിനും, ഡേവിഡ് മലാനും പകരം ക്രിസ് ജോർദാനും ഫിലിപ്പ് സാൾട്ടും ഇംഗ്ലണ്ട് നിരയിൽ സ്ഥാനം പിടിച്ചു.

മത്സരത്തിൽ തുടക്കത്തിൽ തന്നെ കെ.എൽ രാഹുലിനെ (5) ക്രിസ് വോക്ക്സ് വീഴ്ത്തിയെങ്കിലും രോഹിത് ശർമയും(27) വിരാട് കോഹ്ലിയും ഇന്ത്യയെ പതിയെ മുന്നോട്ടേക്ക് നയിച്ചു, അർധ സെഞ്ച്വറി നേടിയ കോഹ്ലിയുടെ ഇന്നിംഗ്സും അവസാന ഓവറുകളിൽ തകർത്തടിച്ച ഹാർദിക്ക് പാണ്ഡ്യയുടെയും  ഇന്നിംഗ്സ് ആണ് ഇന്ത്യയെ 168/6 എന്ന മികച്ച നിലയിൽ എത്തിച്ചത്, മത്സരത്തിൽ പതിനെട്ടാം ഓവർ എറിഞ്ഞ ക്രിസ് ജോർദാന്റെ ഓവറിലെ ആദ്യ ബോൾ ഡീപ് മിഡ്‌ വിക്കറ്റിലേക്ക് ഒരു കൂറ്റൻ സിക്സ് അടിച്ചാണ് ഹാർദിക്ക് വരവേറ്റത്, അടുത്ത ബോളിൽ  മനോഹരമായ ഒരു ഹെലികോപ്റ്റർ ഷോട്ടിലൂടെ തുടർച്ചയായി 2 സിക്സുകൾ പായിച്ച് സ്കോറിങ്ങിന്റെ വേഗത കൂട്ടി, വെറും 33 ബോളിൽ 4 ഫോറും 5 സിക്സും അടക്കമാണ് ഹാർദിക്ക് 63 റൺസ് അടിച്ച് കൂട്ടിയത്.
Written By: അഖിൽ. വി.പി. വള്ളിക്കാട്.

വീഡിയോ കാണാം :

ട്വന്റി ട്വന്റി ലോകകപ്പ് രണ്ടാം സെമിഫൈനലിൽ ടോസ് നഷ്ടപ്പെട്ട് ആദ്യം ബാറ്റ് ചെയ്യുന്ന ഇന്ത്യക്ക് ഓപ്പണർ കെ എൽ രാഹുലിനെ തുടക്കത്തിൽ തന്നെ നഷ്ടമായി. മത്സരത്തിൽ ടോസ് നേടിയ ഇംഗ്ലണ്ട് നായകൻ ജോസ് ബട്ട്‌ലർ ആദ്യം ഫീൽഡിംഗ് തെരഞ്ഞെടുക്കുകയായിരുന്നു. ഇംഗ്ലണ്ട് നിരയിൽ പരുക്കേറ്റ ബാറ്റർ ഡേവിഡ് മലാനും പേസർ മാർക്ക് വുഡിനും പകരം ഫിൽ സാൾട്ടും ക്രിസ് ജോർദാനും ടീമിൽ ഇടംപിടിച്ചു. ഇന്ത്യയാകട്ടെ അവസാന മത്സരത്തിൽ സിംബാബ്‌വെയെ നേരിട്ട അതേ ടീമിനെതന്നെയാണ് ഇറക്കിയിരിക്കുന്നത്. ഇടംകൈയ്യൻ ബാറ്റർ ആണെന്ന മുൻതൂക്കം റിഷഭ് പന്തിന്‌ ടീമിൽ തുടരാൻ കാരണമായി.

ഇന്നത്തെ മത്സരം നടക്കുന്ന അഡ്‌ലൈഡ് ഓവലിൽ ഈ ട്വന്റി ട്വന്റി ലോകകപ്പിൽ ആദ്യമായാണ് ഇംഗ്ലണ്ട് കളിക്കാൻ ഇറങ്ങുന്നത്. എന്നാൽ ബംഗ്ലാദേശിനെ തകർത്ത മത്സരം ഇവിടെ കളിച്ചതിന്റെ പരിചയം ഇന്ത്യക്ക് അവകാശപ്പെടാൻ കഴിയും. ഈ വർഷം ജൂലൈയിൽ ഇരു ടീമുകളും ഏറ്റുമുട്ടിയ ട്വന്റി ട്വന്റി പരമ്പരയിൽ 2-1ന് വിജയിച്ച ആത്മവിശ്വാസവും ഇന്ത്യക്കുണ്ട്. വിവിധ വർഷങ്ങളിലായി ട്വന്റി ട്വന്റി ലോകകപ്പുകളിൽ ഏറ്റുമുട്ടിയ 3 മത്സരങ്ങളിലും 2-1 ന്റെ മുൻതൂക്കം ഇന്ത്യക്ക് ഇംഗ്ലണ്ടിനെതിരെയുണ്ട്.

പവർപ്ലേ ഓവറുകളിൽ മെല്ലെപ്പോക്ക് ബാറ്റിംഗ് കാഴ്ചവെക്കുന്ന രാഹുലിനെതിരെ ഒരുപാട് വിമർശനങ്ങൾ ഉയർന്നിരുന്നു. മിക്ക മത്സരങ്ങളിലും ആദ്യ ഓവർ മേയ്ഡൻ ആക്കുകയും ചെയ്തിരുന്നു അദ്ദേഹം. എന്നാലിന്നു മത്സരത്തിൽ നേരിട്ട ആദ്യ പന്തിൽ തന്നെ ബൗണ്ടറി നേടി ആരാധകരെ ആദ്യമൊന്ന് അമ്പരപ്പിച്ചുവെങ്കിലും രണ്ടാം ഓവറിൽ ക്രിസ് വോക്‌സിന്റെ പന്തിൽ വിക്കറ്റ് കീപ്പർ ബട്ട്ലർക്ക്‌ അനായാസ ക്യാച്ച് സമ്മാനിച്ച് മടങ്ങുകയായിരുന്നു. നിർണായകമത്സരങ്ങളിൽ പെട്ടെന്ന് പുറത്താകുന്ന പതിവ് ഒരിക്കൽ കൂടി വ്യക്തമാക്കിക്കൊണ്ട്…

വീഡിയോ കാണാം :

ട്വന്റി-20 ലോകകപ്പിലെ ആദ്യ സെമിഫൈനലിൽ ന്യൂസിലാൻഡിനെതിരെ പാക്കിസ്ഥാന് 7 വിക്കറ്റ് ജയം, നാളെ നടക്കുന്ന ഇന്ത്യ- ഇംഗ്ലണ്ട് രണ്ടാം സെമി ഫൈനലിലെ വിജയികളെ പാകിസ്താൻ ഫൈനലിൽ നേരിടും, മത്സരത്തിൽ ടോസ് നേടിയ കിവീസ് ക്യാപ്റ്റൻ കെയിൻ വില്യംസൺ ബാറ്റിങ് തിരഞ്ഞെടുക്കുകയായിരുന്നു, കിവീസ് ഓപ്പണിങ് ബാറ്റർ ആയ ഫിൻ അലനെ (4) ഷഹീൻ അഫ്രിഡി തുടക്കത്തിൽ തന്നെ വിക്കറ്റിന് മുന്നിൽ കുടുക്കി, മികച്ച രീതിയിൽ കളിച്ച് കൊണ്ടിരുന്ന വിക്കറ്റ് കീപ്പർ ഡെവൺ കോൺവെയെ (21) ശദബ് ഖാൻ റൺ ഔട്ട്‌ ആക്കുകയും പിന്നാലെ മികച്ച ഫോമിലുള്ള ഗ്ലെൻ ഫിലിപ്പ്സിനെ (6) മുഹമ്മദ്‌ നവാസ് പുറത്താക്കുകയും ചെയ്തത്തോടെ ന്യൂസിലാൻഡ് 49/3 എന്ന നിലയിൽ ആയി.

എന്നാൽ പിന്നീട് ക്രീസിൽ ഒന്നിച്ച വില്യംസണും ഡാരൽ മിച്ചലും പതിയെ കിവീസിനെ മുന്നോട്ട് നയിച്ചു, നാലാം വിക്കറ്റിൽ ഇരുവരും ചേർന്ന് 68 റൺസിന്റെ കൂട്ട്കെട്ട് പടുത്തുയർത്തി, അർധ സെഞ്ച്വറി നേടിയ മിച്ചലിന്റെ പ്രകടനം ആണ് കിവീസിനെ 150 കടക്കാൻ സഹായിച്ചത്, പാകിസ്താൻ ബോളർമാർ മികച്ച രീതിയിൽ പന്തെറിഞ്ഞപ്പോൾ അവസാന ഓവറുകളിൽ തകർത്തടിച്ച് റൺ നിരക്ക് ഉയർത്താൻ കിവീസിന് സാധിച്ചില്ല, ഒടുവിൽ നിശ്ചിത 20 ഓവറിൽ 152/4 എന്ന നിലയിൽ ന്യൂസിലാൻഡിന്റെ ഇന്നിംഗ്സ് അവസാനിച്ചു.

മറുപടി ബാറ്റിങ്ങിനിറങ്ങിയ പാകിസ്താന് മികച്ച തുടക്കമാണ് ഓപ്പണർമാരായ ബാബർ അസമും റിസ്വാനും സമ്മാനിച്ചത്, ഇരുവരും അർധ സെഞ്ച്വറികളുമായി മുന്നിൽ നിന്ന് നയിച്ചപ്പോൾ താരതമ്യേന ചെറിയ വിജയ ലക്ഷ്യം പാകിസ്താൻ 5 ബോളുകൾ ശേഷിക്കെ അനായാസം മറി കടന്നു, മത്സരത്തിൽ മിച്ചൽ സാൻട്നർ എറിഞ്ഞ ഏഴാം ഓവറിലെ അവസാന ബോളിൽ വിക്കറ്റിന് മുന്നിൽ ബാബർ അസം കുടുങ്ങിയെങ്കിലും ഫീൽഡ് അമ്പയർ ഔട്ട്‌ അനുവദിച്ചില്ല, തീരുമാനം പുനപരിശോധിക്കാൻ ന്യൂസിലാന്റ് തേർഡ് അമ്പയർക്ക് നൽകിയെങ്കിലും വിക്കറ്റിൽ പതിക്കാതെ ബോൾ ബൗൺസ് ചെയ്ത് പോകുന്നു എന്നാണ് കണ്ടെത്തിയത്, പക്ഷെ സ്പിൻ ബോളറായ മിച്ചൽ സാൻട്നറുടെ ബോൾ ഇത്രത്തോളം ബൗൺസ് ചെയ്യുമെന്നത് അവിശ്വസനീയമായ കാര്യമാണെന്നും ഇത് ഉറപ്പായും ഔട്ട്‌ ആണെന്നും ആണ് ഒരു കൂട്ടം ആരാധകർ പറയുന്നത്.