Month: December 2022

മുറിവേറ്റ സിംഹത്തിന്റെ ശ്വാസം ഗർജ്ജനത്തെക്കാൾ ഭയാനകമായിരുന്നു. ഈ ഒരു വാക്യം ഇന്നത്തെ ദിവസം എന്ത് കൊണ്ടും രോഹിത് ശർമ്മക്ക് യോജിക്കുന്നതാണ്. ബംഗ്ലാദേശിന് എതിരെയുള്ള പരമ്പരയിൽ രണ്ടാം ഏകദിനം നടന്നു കൊണ്ടിരിക്കുകയാണ്.പരമ്പരയിൽ ഒപ്പമെത്താൻ ഇറങ്ങിയ ഇന്ത്യക്ക് ആദ്യ ബൗൾ ചെയ്യേണ്ടി വന്നു. മത്സരത്തിലെ രണ്ടാമത്തെ ഓവറിൽ ഒരു ക്യാച്ച് എടുക്കുന്നതിന് ഇടയിൽ ഇന്ത്യൻ ക്യാപ്റ്റൻ രോഹിത് ശർമക്ക്‌ പരിക്ക് ഏൽക്കുന്നു.മുറിഞ്ഞു പൊട്ടി ചോര വന്ന കൈകളുമായി രോഹിത് കളം വിടുന്നു.

കളം വിട്ട രോഹിത് നേരെ പോയത് ബംഗ്ലാദേശിലെ ഒരു ഹോസ്പിറ്റലിലേക്കാണ്. താരം തന്റെ കൈകൾക്ക് സ്കാൻ നടത്തിയ ശേഷം തിരകെ ഡ്രസിങ് റൂമിലെത്തി. രോഹിത്തിന്റെ അഭാവത്തിൽ ഫീൽഡ് ചെയ്ത ഇന്ത്യക്ക് മുന്നിലേക്ക് ബംഗ്ലാദേശ് വെച്ചത് 272 റൺസ് എന്നാ വിജയലക്ഷ്യമാണ്. വിജയം ലക്ഷ്യം പിന്തുടരാൻ ഇറങ്ങിയ ഇന്ത്യക്ക് തുടക്കത്തിൽ തന്നെ പിഴച്ചുവെങ്കിലും അയ്യറും അക്സറും ഇന്ത്യയെ വിജയത്തിലേക്കുമെന്ന് കരുതി. എന്നാൽ ഇന്ത്യക്ക് പിന്നീട് തുടരെ വിക്കറ്റുകൾ നഷ്ടമായി.ഒടുവിൽ 8 ആമത്തെ വിക്കറ്റ് നഷ്ടമാകുമ്പോൾ ദാ വരുന്നു ക്യാപ്റ്റന്റെ റീ എൻട്രി.

റീ എൻട്രിയിൽ വെറുതേയിരിക്കാൻ രോഹിത് ഒരുക്കമായിരുന്നില്ല.എബഡോത്ത് ഹോസ്സൈൻ ഹിറ്റ്മാന്റെ ബാറ്റിംഗ് ചൂട് ശെരിക്കും അറിഞ്ഞു. നേരിട്ട നാല് പന്തുകളിൽ രണ്ട് സിക്സും ഒരു ഫോ‌റും. അതും തന്റെ പ്രിയപ്പെട്ട ഷോട്ട് ആയ പുൾ ഷോട്ട് 93 മീറ്റർ അകലെ പതിക്കുകയായിരുന്നു. ഈ ഓവർ കൊണ്ടും രോഹിത് അടങ്ങിയില്ല. താരം ഇന്ത്യക്ക് വേണ്ടി ആവേശകരമായ വിജയം നേടികൊടുക്കാനുള്ള തിടുക്കത്തിലാണ്.

വീഡിയോ :

ഇന്ത്യ ബംഗ്ലാദേശ് ആദ്യ ഏകദിനത്തിൽ ബംഗ്ലാദേശ് ഒരു വിക്കറ്റിന് ഇന്ത്യയെ തോൽപ്പിച്ചിരുന്നു. ബംഗ്ലാദേശിലെ സംബന്ധിച്ചിടത്തോളം ഇന്ത്യയെ പോലൊരു ടീമിനെ ആദ്യ ഏകദിനത്തിൽ തന്നെ തോൽപ്പിക്കാനായത് വലിയ വാർത്തയായിരുന്നു. അവസാന വിക്കറ്റിൽ മുസ്തഫിസുർ റഹ്മാനെ കൂട്ടുപിടിച്ച് ബംഗ്ലാദേശി ഓൾറൗണ്ടർ മെഹന്തി ഹസൻ മിറാസ് നടത്തിയ ഉജ്ജ്വല ബാറ്റിംഗ് ആയിരുന്നു ബംഗ്ലാദേശിലെ വിജയത്തിലേക്ക് നയിച്ചത്. സാധാരണഗതിയിൽ ബംഗ്ലാദേശ് ഏതൊരു മത്സരത്തിലും വിജയം നേടിയാൽ ആരാധകർ അത് ആഘോഷമാക്കാറുണ്ട്.

നിർണായകനിമിഷത്തിൽ കെ എൽ രാഹുൽ വിട്ടുകളഞ്ഞ ക്യാച്ചും വാഷിംഗ്ടൺ സുന്ദർ കാച്ചിനായി ശ്രമിക്കാഞ്ഞതും ഇന്ത്യക്ക് തിരിച്ചടിയായിരുന്നു. വലിയ വിമർശനമാണ് സാമൂഹ്യ മാധ്യമങ്ങളിൽ ഇതിനെതിരെ ഉയർന്നത്. സ്പെഷലിസ്റ്റ് കീപ്പർ സ്‌ക്വാഡിൽ ഉണ്ടായിട്ടും രാഹുലിനെ വിക്കറ്റ് കീപ്പർ ആക്കിയ തീരുമാനത്തിൽ പരക്കെ വിമർശനം ഉയർത്തിയിരുന്നു. ബംഗ്ലാദേശ് ആരാധകർ സാമൂഹ്യ മാധ്യമങ്ങളിൽ ഇന്ത്യൻ ആരാധകർക്കെതിരെ ട്രോളുകളും അക്രമങ്ങളും അഴിച്ചു വിട്ടിരുന്നു.

ഇപ്പോൾ പുറത്തുവരുന്ന മറ്റൊരു രസകരമായ വാർത്ത എന്താണ് എന്നാൽ ബംഗ്ലാദേശിന്റെ വിജയം അർജന്റീനയിൽ ആഘോഷമായി എന്നതാണ്. നമുക്കെല്ലാവർക്കും അറിയാവുന്ന കാര്യം എന്താണെന്ന് വെച്ചാൽ മെസ്സിയെ പോലെ ഒരു സൂപ്പർതാരത്തിന് കേരളത്തിൽ അങ്ങോളമിങ്ങോളം ഒട്ടേറെ ആരാധകർ എന്നതാണ്. പക്ഷേ എന്തിനാവും അർജന്റീനയുടെ ആരാധകർ ഇന്ത്യയുടെ തോൽവി ആഘോഷിച്ചിട്ടുണ്ടാവുക? ബംഗ്ലാദേശിൽ ഉടനീളം ഒട്ടേറെ അർജന്റീനയുടെ ആരാധകർ ഉണ്ടത്രേ.. ഇതുതന്നെയാണ് ബംഗ്ലാദേശിലെ വിജയം ആഘോഷിക്കാൻ അർജന്റീനയുടെ ആരാധകർക്ക് പ്രേരിതമായത്.

ബംഗ്ലാദേശിൽ ഉടനീളം മെസ്സി ഗോൾ അടിക്കുന്നതിനും അർജന്റീന ജയിക്കുന്നത് ഒക്കെയായി നിരവധി ആഘോഷമാണ് പൊതുവേ നടത്താറുള്ളത്. സാമൂഹ്യമാധ്യമങ്ങളിൽ കേമന്മാരായ ബംഗ്ലാദേശി ആരാധകരുടെ ഈ ആഘോഷം അർജന്റീനയുടെ ആരാധകർ അറിയുന്നുണ്ടായിരുന്നു. ഇതാണ് ബംഗ്ലാദേശിന്റെ വിജയം ആഘോഷിക്കാനായി അർജന്റീനയുടെ ആരാധകരെ പ്രേരിപ്പിച്ചത്. ബംഗ്ലാദേശിലെ വിജയത്തിൽ നിരവധി പോസ്റ്റുകളാണ് സാമൂഹ്യമാധ്യമങ്ങളിൽ കഴിഞ്ഞ ദിവസം നിറഞ്ഞത്. താരതമ്യേന കുഞ്ഞൻ ടീമായ ബംഗ്ലാദേശിന് അർജന്റീന പോലൊരു രാജ്യത്ത് നിന്ന് ലഭിക്കുന്ന പിന്തുണ വളരെ വലിയ കാര്യമാണ്. എന്തായാലും മെസ്സി ഇന്ത്യ ബംഗ്ലാദേശ് ക്രിക്കറ്റ് കളിയെക്കുറിച്ച് അറിയുന്നുണ്ടോ എന്നുള്ള കാര്യവും ചില ആളുകൾ സോഷ്യൽ മീഡിയയിൽ ചോദിച്ചിട്ടുണ്ട്. എന്തായാലും ഇന്ത്യക്കെതിരെയുള്ള ബംഗ്ലാദേശിന്റെ ജയം ആഘോഷമാക്കിയിരിക്കുകയാണ് അർജന്റീനൻ ആരാധകർ.

ക്രിക്കറ്റിലെ പല നിയമങ്ങളും ഇന്നും പല ക്രിക്കറ്റ്‌ പ്രേമികൾക്കും കൃത്യമായി അറിയില്ല എന്ന് തന്നെ പറയേണ്ടി വരും. പല കാര്യങ്ങളും ഗ്രൗണ്ടിൽ സംഭവിക്കുമ്പോൾ ആണലോ ഇത്തരത്തിലുള്ള നിയമങ്ങൾ ഉണ്ടെന്ന് അറിയുന്നത് തന്നെ. ഇപ്പോൾ നടന്നു കൊണ്ടിരിക്കുന്ന ഇന്ത്യ ബംഗ്ലാദേശ് മത്സരത്തിൽ ഇത്തരത്തിൽ രസകരമായ ഒരു കാര്യം നടന്നു കൊണ്ടിരിക്കുകയാണ്.എന്താണ് ആ സംഭവം എന്ന് നമുക്ക് പരിശോധിക്കാം.

നോ ബോളുകൾ രണ്ട് തരത്തിലാണ് പൊതുവെ നൽകുക. ഒന്നാമത്തെ തരം ബൗളേർ ബോൾ ചെയ്യുമ്പോൾ ഒരിക്കലും ക്രീസിൽ നിന്നും കാൽ മുന്നോട്ടു വെക്കരുത് എന്ന് നിയമം ലംഘിക്കുമ്പോൾ നൽകുന്നതാണ്. രണ്ടാമത്തെ നോ ബോൾ ബാറ്റസ്മാന്റെ അരക്ക് മുകളിൽ പന്ത് എറിയുമ്പോൾ നൽകുന്നത്. ഇപ്പോൾ വേറെ ഒരു തരത്തിലുള്ള നോ ബോളാണ് ഇന്ത്യ ബംഗ്ലാദേശ് മത്സരത്തിൽ സംഭവിച്ചിരിക്കുന്നത്.

ഇന്ത്യൻ ഇന്നിങ്സിന്റെ 21 ആമത്തെ ഓവറിലാണ് സംഭവം. മെഹേന്ദി ഹസന്റെ ഓവറിലെ അഞ്ചാം പന്ത് അമ്പയർ നോ ബോൾ വിധിക്കുന്നു. ബോൾ ഒരിക്കൽ പോലും ബാറ്റസ്മാന്റെ അരക്ക് മുകളിൽ പതിച്ചിട്ടുമില്ല, കൂടാതെ ബൗളേർ ക്രീസ് വിട്ട് പുറത്ത് ഇറങ്ങിയിട്ടുമില്ല. ഒടുവിൽ കമന്ററി കാര്യം വ്യക്തമാക്കി. ബൗൾ എറിയുമ്പോൾ ഒരിക്കൽ പോലും സ്റ്റമ്പ് തകരാൻ പാടില്ല. താരം പന്ത് എറിഞ്ഞപ്പോൾ അദ്ദേഹത്തിന്റെ കാൽ കൊണ്ട് നോൺ സ്ട്രൈക്ക്‌ എൻഡ് സ്റ്റമ്പ് തകർന്നിരുന്നു.ഒരു തവണ മാത്രമേ താരം ഈ തെറ്റ് ആവർത്തിക്കുമെന്ന് കരുതിയ ബംഗ്ലാ ആരാധകർക്ക് തെറ്റി. ഒരിക്കൽ കൂടി അതെ രീതിയിൽ തന്നെ നോ ബോൾ. ഒരിക്കൽ കൂടി ഫ്രീഹിറ്റ്. ഇത്തരത്തിൽ ഒരു നോ ബോൾ അന്താരാഷ്ട്ര ക്രിക്കറ്റിൽ ഇതിന് മുന്നേ സംഭവിച്ചിട്ടുണ്ടോ എന്ന് വ്യക്തമല്ല.എന്തായാലും നിലവിൽ പരമ്പരയിൽ ഒപ്പമെത്താൻ ഇന്ത്യ പൊരുതുകയാണ്.

വിരാട് കോഹ്ലി ലോകം കണ്ട എക്കാലത്തെയും മികച്ച ക്രിക്കറ്റ്‌ താരങ്ങളിൽ ഒരാളാണ്. താരത്തിന്റെ കളത്തിന്റെ അകത്തെയും പുറത്തെയും പെരുമാറ്റങ്ങൾ ഒരുപാട് കൈയടി നേടിയെടുത്തിട്ടുണ്ട്. താരത്തിന്റെ ആക്രമണ സ്വഭാവും പ്രശസ്തമാണ്. എന്നാൽ എതിർ ടീമിന്റെ കളിക്കാരെ സഹായിക്കാനും അദ്ദേഹം ഒരിക്കൽ പോലും മറന്നിട്ടില്ല. കഴിഞ്ഞ ഏകദിന ലോകക്കപ്പിൽ സ്റ്റീവ് സ്മിത്തിനെ കൂവിയെ ആരാധകരെ കൊണ്ട് അദ്ദേഹത്തിന് വേണ്ടി കൈയടിക്കാൻ പറഞ്ഞത് ഇത്തരത്തിൽ ഒരു സംഭവമാണ്.

ഇപ്പോൾ നടന്നു കൊണ്ടിരിക്കുന്ന ഇന്ത്യ ബംഗ്ലാദേശ് ഏകദിന മത്സരത്തിലും ഇത്തരത്തിൽ ഒരു സംഭവം ഉണ്ടായിരിക്കുകയാണ്.തുടക്കത്തിലേ പതർച്ചക്ക് ശേഷം ബംഗ്ലാദേശ് നല്ല രീതിയിൽ ബാറ്റ് ചെയ്യുകയാണ്. സിറാജ് എറിഞ്ഞ മത്സരത്തിന്റെ 41 ആം ഓവർ. തകർച്ചയിൽ നിന്ന് ബംഗ്ലാദേശിനെ രക്ഷിച്ച മെഹെന്ദി ഫിഫ്റ്റി നേടി മുന്നേറുന്നു.ഓവറിലെ അഞ്ചാം ബൗളിന് മുന്നേ താരം ഡഗ് ഔട്ടിലേക്ക് ചൂടി എന്തോ പറയുന്നു. തന്റെ ബാറ്റിന്റെ ഗ്രിപ് മാറ്റാൻ വേണ്ടിയാണ് ഇത്തരത്തിൽ മെഹെന്ദി താരങ്ങളെ വിളിച്ചത് എന്ന് കണ്ട കോഹ്ലി ഉടനെ ഓടിയെത്തുന്നു.താരത്തിന്റെ ബാറ്റിന്റെ ഗ്രിപ് ഇടാൻ കോഹ്ലി സഹായിക്കുന്നു.

ഇത് കണ്ട ഗാലറിയിൽ കൈയടികൾ നിറയുന്നു.ഒടുവിൽ താരത്തെ സഹായിച്ച ശേഷം ഉടനെ തന്നെ കോഹ്ലി തന്റെ ഫീൽഡിങ് പൊസിഷനിലേക്ക് തിരകെ മടങ്ങുന്നു. തുടക്കത്തിലേ തകർച്ചക്ക് ബംഗ്ലാദേശ് ശക്തമായ തിരിച്ച് വരവ് നടത്തുകയാണ്. മെഹന്ദിക്ക് പുറമെ മുഹമ്മദുള്ളയും ബംഗ്ലാദേശിന് വേണ്ടി ഫിഫ്റ്റി നേടിയിട്ടുണ്ട്.

വീഡിയോ :

ക്രിക്കറ്റ്‌ എന്നും അതിയായ ആവേശം നൽകുന്ന ഒരു മത്സരമാണ്. അത് പോലെ തന്നെ ബാറ്റിംഗ് ബൌളിംഗ് പോലെ വളരെ പ്രധാനപെട്ടതാണ് ഫീൽഡിങ്ങും. പല മത്സരങ്ങളും ഫീൽഡിങ് മികവ് കൊണ്ട് ജയിക്കുന്നത് നാം പല തവണ കണ്ടിട്ടുള്ളതാണ്. കഴിഞ്ഞ ട്വന്റി ട്വന്റി ലോകക്കപ്പിൽ ലിട്ടൺ ദാസിനെ റൺ ഔട്ട്‌ ആക്കിയ കെ എൽ രാഹുൽ ഇതിന് ഒരു ഉദാഹരണമാണ്. ഇത്തരത്തിൽ ഫീൽഡിങ് മികവ് കൊണ്ട് വിജയങ്ങൾ കൊയ്യുമ്പോഴും ഫീൽഡിങ്ങിൽ അതി രസകരമായ സംഭവങ്ങൾ ഉണ്ടാവാറുണ്ട്.

ഇപ്പോൾ നടന്നു കൊണ്ടിരിക്കുന്ന ഇന്ത്യ ബംഗ്ലാദേശ് രണ്ടാം ഏകദിന മത്സരത്തിലും അത്തരത്തിൽ ഒരു സംഭവം അരങ്ങേറിയിരിക്കുകയാണ്.മത്സരത്തിന്റെ 17 ആമത്തെ ഓവറിലാണ് സംഭവം. സുന്ദറിന്റെ ഓവറിന്റെ അവസാന പന്ത്, ഷാക്കിബ് സ്വീപ് ചെയ്യുന്നു. ടൈമിംഗ് തെറ്റിയ ഷോർട്ട് ഉയരത്തിലേക്ക്. സ്ലിപ്പിൽ ഉണ്ടായിരുന്ന ധവാനും മറ്റു ഒരു ഫീൽഡരായിരുന്ന സിറാജും ക്യാച്ചിന് വേണ്ടി ഓടി.ഒടുവിൽ ഇരുവരും കൂട്ടിയിടിക്കുമെന്ന് കരുതി. എന്നാൽ ധവാൻ ക്യാച്ചിനായി തന്റെ കൈകൾ നീട്ടി. തന്റെ കൈകളിലൂടെ ബോൾ നിലത്തേക്ക് എന്ന് കരുതിയെങ്കിലും കാൽ വെച്ച് അദ്ദേഹം പന്ത് അനായാസമായി പിടികൂടി.

അതെ, ചിലർക്ക് ക്യാച്ച് പിടിക്കാൻ കൈ തന്നെ വേണമെന്ന് ഇല്ലാലോ. സംഭവിക്കുന്നത് എന്ത് എന്ന് അറിയാതെ സുന്ദർ നിലത്തു വീണു.ഒടുവിൽ ക്യാച്ച് സ്വന്തമാക്കിയ ശേഷം തന്റെ സ്ഥിരം ശൈലിയിൽ ധവാൻ അത് ആഘോഷിച്ചു. മത്സരത്തിൽ ഉടനീളം ബംഗ്ലാദേശിനെ ഇന്ത്യ വലിഞ്ഞു മുറക്കിയിരിക്കുകയാണ്.ആദ്യ തോൽവിക്ക് പകരം ചോദിക്കാൻ തന്നെയാണ് ഇന്ത്യ കച്ചകെട്ടി ഇറങ്ങിയിരിക്കുന്നത് എന്ന് വ്യക്തം. ആദ്യ മത്സരത്തിൽ ബംഗ്ലാദേശ് ഒരു വിക്കറ്റിന്റെ ത്രസിപ്പിക്കുന്ന വിജയം സ്വന്തമാക്കിയിരുന്നു.

ക്യാച്ച് വീഡിയോ :