Month: December 2022

ഇന്ത്യ ബംഗ്ലാദേശ് രണ്ടാം ഏകദിനം പുരോഗമിക്കുകയാണ്. ആദ്യ ഏകദിനത്തിൽ ഇന്ത്യ നാണംകെട്ട തോൽവി ഏറ്റുവാങ്ങിയിരുന്നു. മെഹന്തി ഹസൻ മിറാസിന്റെ ബാറ്റിംഗ് മികവിൽ ആയിരുന്നു കഴിഞ്ഞ ഏകദിനത്തിൽ ഇന്ത്യ തോൽവി ഏറ്റുവാങ്ങിയത്. വാലറ്റക്കാരനായ മുസ്തഫിസുർ റഹ്മാനെ കൂട്ടുപിടിച്ച് ആയിരുന്നു മെഹന്തി ഹസന്റെ ചെറുത്തുനിൽപ്പ്. നിർണായക സമയത്ത് വാഷിംഗ്ടൺ സുന്ദർ കാച്ചിന് പോകാഞ്ഞതും കെ എൽ രാഹുൽ കയ്യിൽ വന്ന ക്യാച്ച് വിട്ടുകളഞ്ഞതും ഇന്ത്യയ്ക്ക് തിരിച്ചടിയായിരുന്നു. രണ്ടാം ഏകദിനം ഇന്ത്യയ്ക്ക് വളരെ നിർണായകമാണ്. 2016 നു ശേഷം ഒരു സീരിസ് പോലും ബംഗ്ലാദേശ് ഹോം ഗ്രൗണ്ടിൽ തോറ്റിട്ടില്ല. കഴിഞ്ഞ കളി ശക്തരായ ഇന്ത്യയെ മലർത്തി അടിച്ചതിന്റെ ആത്മവിശ്വാസവുമായാണ് ബംഗ്ലാദേശ് ഇന്ന് കളത്തിൽ ഇറങ്ങുന്നത്.

കഴിഞ്ഞ കളിയിൽ രാഹുലിനെ വിക്കറ്റ് കീപ്പർ ആക്കി ഇറക്കിയത് വിവാദങ്ങൾക്കും ചർച്ചകൾക്കും വഴി വെച്ചിരുന്നു. ഇഷാൻ കിഷൻ സ്ക്വാഡിൽ ഉണ്ടെന്നിരിക്കുകയായിരുന്നു രാഹുലിനെ വിക്കറ്റ് കീപ്പറായി നിയോഗിച്ചത്. രണ്ടാം ഏകദിനത്തിലും രാഹുൽ തന്നെയാണ് ഇന്ത്യയുടെ വിക്കറ്റ് കീപ്പർ. കഴിഞ്ഞ മത്സരത്തിൽ നിന്ന് വ്യത്യസ്തമായി രണ്ടു മാറ്റങ്ങളോടെയാണ് ഇന്ത്യ ഇന്ന് കളത്തിൽ ഇറങ്ങിയത്. ഷഹബാസ് അഹമ്മദിന് പകരം ഇടംകയ്യൻ ബാറ്റ്സ്മാനും ഓൾറൗണ്ടറുമായ അക്സർ പട്ടേലിനെ ടീമിൽ ഉൾപ്പെടുത്തി.

മിന്നുന്ന ബോളിംഗ് ഫോമിൽ ആയിരുന്നു സൗത്ത് ആഫ്രിക്കെതിരെ കളിച്ച ഏകദിനത്തിൽ അക്സർ പട്ടേൽ. അക്സർ ടീമിൽ ഉൾപ്പെടുത്തിയത് ഇന്ത്യയുടെ ബോളിൽനിരയ്ക്ക് കരുത്തുകൂട്ടും എന്നാണ് കരുതപ്പെടുന്നത്.
കഴിഞ്ഞ കളിയിൽ മിന്നുന്ന പ്രകടനം പുറത്തെടുത്ത് കുൽദീപ് സെന്നിന് പകരം ഇന്ന് ഇന്ത്യയിലെ ഏറ്റവും വേഗതയേറിയ ബോളറായ ഉമ്രാൻ മാലിക്കിനെ ഉൾപ്പെടുത്തി. ശാരീരിക ബുദ്ധിമുട്ടുകൾ കാരണമാണ് കുൽദീപ് സെൻ ഇന്നത്തെ മത്സരത്തിൽ നിന്ന് വിട്ടുനിൽക്കുന്നത്. ബംഗ്ലാദേശ് ബാറ്റിംഗ് നിരക്കെതിരെ ഊരാൻ മാലിക്കിനെ പോലുള്ള അതിവേഗ ബോളറെ ഉൾപ്പെടുത്തിയത് ഇന്ത്യയുടെ ബോളിംഗ് നിരക്ക് കൂടുതൽ കരുത്ത് പകരും എന്നാണ് കരുതപ്പെടുന്നത്. കഴിഞ്ഞ കളി പഠിക്കുക കാരണം വിട്ടുനിന്ന ബംഗ്ലാദേശി പേസർ ടസ്കിൻ അഹമ്മദ് ഇന്നും കളിക്കുന്നില്ല. തമീം ഇക്ബാലിന്റെ അഭാവത്തിൽ ലിറ്റൺ ദാസ് ആണ് ബംഗ്ലാദേശിനെ നയിക്കുന്നത്.

മുഹമ്മദ് സിറാജ് എറിഞ്ഞ രണ്ടാം ഓവറിന്റെ നാലാം പന്ത് അനമുൾ ഹക്ക് രോഹിത്തിന് ക്യാച്ച്നൽകിയെങ്കിലും രോഹിത് ഈ ക്യാച്ച് വിട്ടു കളഞ്ഞു. സെക്കൻഡ് സ്ലിപ്പിൽ ഫീൽഡ് ചെയ്ത രോഹിത്തിന്റെ അടുക്കലേക്ക് ബോൾ എഡ്ജ് ചെയ്ത് പറന്നെത്തുകയായിരുന്നു. റിപ്ലൈയിൽ നിന്നും രോഹിത്തിന്റെ കൈ മുറിഞ്ഞതായി വ്യക്തമായി. ഇതോടെ മുറിഞ്ഞ കയ്യുമായി രോഹിത് കളം വിട്ടു. പകരക്കാരനായി രജത്ത് പട്ടീദാർ ഗ്രൗണ്ടിൽ ഇറങ്ങി. തൊട്ടടുത്ത ബോളിൽ തന്നെ സിറാജ് അനമുൾ ഹക്കിനെ എൽ ബി ഡബ്ല്യു ആക്കി പറഞ്ഞയച്ചു. 11 റണ്ണാണ് 9 പന്ത് നേരിട്ട് അനമുൾ നേടിയത്. രോഹിത് ക്യാച്ച് വിട്ടതിന്റെയും തൊട്ടടുത്ത പന്തിൽ അനമുൾ എൽ ബി ഡബ്ല്യു ആയതിന്റെയും ദൃശ്യങ്ങൾ കാണാം…

പാകിസ്ഥാൻ ക്രിക്കറ്റിലെ മികച്ച ടീമുകളിൽ ഒന്നാണ്. എന്നാൽ പാകിസ്ഥാൻ ടീമിന്റെ ആരാധകർ പലപ്പോഴും അതിരുവിട്ട് പെരുമാറുന്നത് നമ്മൾ പല തവണ കണ്ടിട്ടുണ്ട്.മാത്രമല്ല ലോകകപ്പ് മത്സരങ്ങളിൽ ക്യാച്ച് വിട്ട് കളയുക എന്നതും പാകിസ്ഥാനെ സംബന്ധിച്ചു സ്ഥിരമാണ്.അത്തരത്തിൽ ഒരു ക്യാച്ച് വിട്ട് പാകിസ്ഥാന്റെ മികച്ച ബൗളേർമാരിൽ നിന്ന് തന്റെ കരിയർ അവസാനത്തിലേക്കെത്തിയ താരമാണ് ഹസൻ അലി.എന്നാൽ ഒരു രാജ്യാന്തര താരത്തിൽ നിന്നും ഒരിക്കലും സംഭവിക്കാൻ പാടില്ലാത്ത ഒരു പ്രവർത്തി ഇപ്പോൾ ഹസൻ അലിയിൽ നിന്ന് ഉണ്ടായിരിക്കുകയാണ്.ഒരു ക്ലബ്‌ ക്രിക്കറ്റർ പോലും ഇത്തരത്തിൽ ഒരു പ്രവർത്തി ചെയ്യില്ല എന്നത് വ്യക്തമാണ്.

പാകിസ്ഥാനിൽ നടന്ന ഒരു ക്ലബ്‌ ക്രിക്കറ്റ്‌ മത്സരത്തിന് ഇടയിലാണ് സംഭവം. തന്നെ അതിയായി ആരാധകർ കളിയാക്കുന്നത് കണ്ട് ഹസൻ അലിക്ക് തന്റെ ദേഷ്യം അടക്കിനിർത്താൻ കഴിഞ്ഞില്ല. ഒടുവിൽ അദ്ദേഹം ആരാധകർക്കെതിരെ തിരിഞ്ഞു. അദ്ദേഹം ആരാധകർക്ക് നേരെ ഓടി.ക്രിക്കറ്റ്‌ മത്സരം വളരെ പെട്ടെന്ന് തന്നെ ഒരു ഗുസ്തി മത്സരമായി മാറി. ഒടുവിൽ താരത്തിന്റെ ടീം അംഗങ്ങൾ ചേർന്ന് രംഗം ശാന്തമാക്കുകയായിരുന്നു.

ഒരു കാലത്ത് പാകിസ്ഥാന്റെ ഭാവി താരാമെന്ന് വിശേഷപ്പിച്ച താരമായിരുന്നു ഹസൻ അലി.2021 ട്വന്റി ട്വന്റി ലോകക്കപ്പിലെ സെമി ഫൈനൽ മത്സരത്തിൽ വെയ്ഡിന്റെ ക്യാച്ച് പാഴാക്കിയതോടെ താരത്തിനെതിരെ പാകിസ്ഥാൻ ആരാധകർ തിരിഞ്ഞിരുന്നു. അതിൽ പിന്നെ താരത്തിന് പാകിസ്ഥാൻ ടീമിൽ അധികം അവസരങ്ങൾ ലഭിച്ചിരുന്നില്ല. മാത്രമല്ല പണ്ട് ഇന്ത്യയുടെ പത്തു വിക്കറ്റ് താൻ ഒറ്റക്ക് സ്വന്തമാക്കും എന്ന് വെല്ലുവിളിച്ചു അദ്ദേഹം വാർത്തകളിൽ ഇടംപിടിച്ചിരുന്നു.എന്തായാലും ഹസൻ അലിയിൽ നിന്ന് നിലവിൽ ഉണ്ടായിരിക്കുന്നത് ഒരു ക്രിക്കറ്റ്‌ താരവും ഒരിക്കലും ചെയ്യാൻ പാടില്ലാത്ത പ്രവർത്തി തന്നെയാണ്.

ഇന്ത്യ ബംഗ്ലാദേശ് ആദ്യ ഏകദിനത്തിൽ ഇന്ത്യ ബംഗ്ലാദേശിനെതിരെ കനത്ത തോൽവിയാണ് ഏറ്റുവാങ്ങിയത്. ആദ്യം ബാറ്റിംഗിന് ഇറങ്ങിയ ഇന്ത്യ 42 ഓവറിൽ തന്നെ 186 റൺസ് എടുക്കുന്നതിനിടെ ഓൾഔട്ട് ആവുകയായിരുന്നു. ഇന്ത്യക്കായി കെ എൽ രാഹുൽ 70 പന്തിൽ 73 റൺസ് നേടി. ഇന്ത്യൻ ബാറ്റിംഗ് നിരയിൽ മറ്റാർക്കും അർദ്ധ സെഞ്ച്വറി കണ്ടെത്താൻ കഴിഞ്ഞില്ല. രോഹിത് ശർമ 27 റൺസ് നേടിയപ്പോൾ ശ്രേയസ് അയ്യർ 24 റൺസ് നേടി. ഫോമിലുള്ള വിരാട് കോലിക്ക് വെറും 9 നേടാനെ കഴിഞ്ഞുള്ളൂ. ഷാക്കിബിന്റെ പന്തിൽ ദാസ് മിന്നുന്ന ക്യാച്ച് എടുത്താണ് കോലിയെ പുറത്താക്കിയത്.
വാഷിംഗ്ടൺ സുന്ദർ 11 റണ്ണെടുത്തു. ഇന്ത്യയുടെ തോൽവി ബംഗ്ലാദേശിനെതിരെ ആയതിനാൽ കടുത്ത വിമർശനമാണ് നാലു കോണിൽ നിന്നും ഉയരുന്നത്. മെഡിക്കൽ ഉപദേശം കാരണം പുറത്തുപോയ റിഷബ് പന്തിന് പകരക്കാരനെ പ്രഖ്യാപിക്കാത്തതും വിവാദങ്ങൾക്ക് വഴി വച്ചിട്ടുണ്ട്.

മറുപടി ബാറ്റിംഗിനിറങ്ങിയ ബംഗ്ലാദേശിന്റെ തുടക്കം നല്ലതായിരുന്നു എങ്കിലും പിന്നീട് തകർച്ച നേരിട്ടു. കഷ്ടിച്ചാണ് ബംഗ്ലാദേശ് ഇന്ത്യക്കെതിരെ ജയിച്ചത്. മെഹന്തി ഹസൻ മിറാജിന്റെ ബാറ്റിംഗ് മികവിൽ ഇന്ത്യ ഉയർത്തിയ ലക്ഷ്യത്തെ ബംഗ്ലാദേശ് മറികടന്നു. പതിനൊന്നാമതായി ബാറ്റിംഗിന് ഇറങ്ങിയ മുസ്തഫിസുർ റഹ്മാനെ കൂട്ടുപിടിച്ചായിരുന്നു മെഹന്തി ഹസന്റെ ചെറുത്തുനിൽപ്പ്. ബംഗ്ലാദേശ് ഒരു വിക്കറ്റിന് ഇന്ത്യയെ പരാജയപ്പെടുത്തുകയും ചെയ്തു. ഇന്ത്യക്കായി മുഹമ്മദ് സിറാജ് മൂന്ന് വിക്കറ്റ് വീഴ്ത്തി. നാല് ഓൾറൗണ്ടർ മാറായിരുന്നു ഇന്ത്യക്കായി ബാറ്റിങ്ങിന് ഇറങ്ങിയത് എങ്കിലും നാലുപേരും കാര്യമായ റൺസ് നേടിയില്ല. മധ്യനിരയിൽ ബാറ്റ്സ്മാൻമാരുടെ മോശം പ്രകടനം ഇന്ത്യയുടെ കൂട്ട തകർച്ചയ്ക്ക് കാരണമായി.

ബംഗ്ലാദേശിനു വേണ്ടി ഷക്കീബ് അൽ ഹസന്റെ ബൗളിംഗ് സ്പെല്ല് ഇന്ത്യൻ ബാറ്റിംഗ് തകർത്തു. ആദ്യ ഓവറിൽ തന്നെ ഷാക്കിബ് രോഹിത്തിന് വീഴ്ത്തി.ഷാക്കിബ് അഞ്ചു വിക്കറ്റും ഇബാദത്ത് നാലു വിക്കറ്റും നേടി. ഇന്ത്യക്കായി വിക്കറ്റ് കീപ്പ് ചെയ്തത് കെ എൽ രാഹുൽ ആയിരുന്നു. നിർണായകനിമിഷത്തിൽ രാഹുൽ വിട്ടുകളഞ്ഞ ഒരു ക്യാച്ച് കളിയുടെ ഗതി മാറ്റുന്നതായിരുന്നു. രാഹുലിന് ഗ്ലൗസ് നൽകിയ ക്യാപ്റ്റൻ രോഹിത് ശർമയുടെ തീരുമാനത്തെ ഇപ്പോൾ സോഷ്യൽ മീഡിയ ചോദ്യം ചെയ്യുന്നുണ്ട്. ഇടംകയ്യൻ ബാറ്റ്സ്മാൻ ഇഷാൻ കിഷൻ ടീമിൽ സ്‌ക്വാഡിൽ ഉള്ളപ്പോഴാണ് കെഎൽ രാഹുലിന് കീപ്പിങ്ങിന് അവസരം ലഭിച്ചത് എന്നത് വിവാദങ്ങൾക്കും വിമർശനങ്ങൾക്കും വഴിവെച്ചിരിക്കുകയാണ്.

ഷാർദുൽ ടാക്കൂർ എറിഞ്ഞ 29 ആം ഓവറിൽ ബംഗ്ലാദേശിന്റെ വിക്കറ്റ് കീപ്പർ ബാറ്റ്സ്മാൻ മുഷഫിക്കർ
റഹീം നേരിട്ട പന്ത് പിച്ച് ചെയ്ത് ഫീൽഡിൽ നിന്ന കോഹ്ലിയുടെ കയ്യിൽ എത്തി. കോലി തമാശരൂപേണ ബോൾ വിക്കറ്റിന് എറിയാൻ ഓങ്ങി. പക്ഷേ എറിഞ്ഞില്ല. ഇതുകണ്ട് സ്ട്രൈക്കിൽ ബാറ്റ് ചെയ്ത മുഷ്ഫിക്കർ കോലിയെ ബോൾ വിക്കറ്റിന് നേരെ എറിയാൻ ക്ഷണിച്ചു. ഏതായാലും ഗ്രൗണ്ടിലെ സൗഹൃദപരമായ ഈ പെരുമാറ്റം എല്ലാവരിലും പുഞ്ചിരി പടർത്തി. മുഷ്ഫിക്കർ വിരാട് കോലിയെ ബോൾ വിക്കറ്റിന് എറിയാൻ ക്ഷണിക്കുന്ന വീഡിയോ കാണാം.

ഇന്ത്യ ബംഗ്ലാദേശ് ആദ്യ ഏകദിനത്തിൽ ഇന്ത്യ ഒരു വിക്കറ്റ് തോൽവി ഏറ്റുവാങ്ങിയിരുന്നു. ആദ്യം ബാറ്റിംഗിന് ഇറങ്ങിയ ഇന്ത്യ 42 ഓവറിൽ തന്നെ 186 റൺസ് എടുക്കുന്നതിനിടെ ഓൾഔട്ട് ആവുകയായിരുന്നു. ഇന്ത്യക്കായി കെ എൽ രാഹുൽ 70 പന്തിൽ 73 റൺസ് നേടി. ഇന്ത്യൻ ബാറ്റിംഗ് നിരയിൽ മറ്റാർക്കും അർദ്ധ സെഞ്ച്വറി കണ്ടെത്താൻ കഴിഞ്ഞില്ല. രോഹിത് ശർമ 27 റൺസ് നേടിയപ്പോൾ ശ്രേയസ് അയ്യർ 24 റൺസ് നേടി. ഫോമിലുള്ള വിരാട് കോലിക്ക് വെറും 9 നേടാനെ കഴിഞ്ഞുള്ളൂ. വാഷിംഗ്ടൺ സുന്ദർ 11 റണ്ണെടുത്തു. ഇന്ത്യയുടെ തോൽവി ബംഗ്ലാദേശിനെതിരെ ആയതിനാൽ കടുത്ത വിമർശനമാണ് നാലു കോണിൽ നിന്നും ഉയരുന്നത്. പരിക്കേറ്റ് സ്ക്വാഡിൽ നിന്നും പുറത്തുപോയ റിഷബ് പന്തിന് പകരക്കാരനെ പ്രഖ്യാപിക്കാത്തതും വിവാദങ്ങൾക്ക് വഴി വച്ചിട്ടുണ്ട്.

മറുപടി ബാറ്റിംഗിനിറങ്ങിയ ബംഗ്ലാദേശ് ഇന്ത്യയെ പോലെ തന്നെ ബാറ്റിംഗ് തകർച്ച നേരിട്ടുവെങ്കിലും മെഹന്തി ഹസൻ മിറാജിന്റെ ബാറ്റിംഗ് മികവിൽ ഇന്ത്യ ഉയർത്തിയ ലക്ഷ്യത്തെ മറികടന്നു. പതിനൊന്നാമതായി ബാറ്റിംഗിന് ഇറങ്ങിയ മുസ്തഫിസുർ റഹ്മാനെ കൂട്ടുപിടിച്ചായിരുന്നു മെഹന്തി ഹസന്റെ ചെറുത്തുനിൽപ്പ്. ബംഗ്ലാദേശ് ഒരു വിക്കറ്റിന് ഇന്ത്യയെ പരാജയപ്പെടുത്തുകയും ചെയ്തു. ഇന്ത്യക്കായി മുഹമ്മദ് സിറാജ് മൂന്ന് വിക്കറ്റ് വീഴ്ത്തി. നാല് ഓൾറൗണ്ടർ മാറായിരുന്നു ഇന്ത്യക്കായി ബാറ്റിങ്ങിന് ഇറങ്ങിയത് എങ്കിലും നാലുപേരും കാര്യമായ റൺസ് നേടിയില്ല. മധ്യനിരയിൽ ബാറ്റ്സ്മാൻമാരുടെ മോശം പ്രകടനം ഇന്ത്യയുടെ കൂട്ട തകർച്ചയ്ക്ക് കാരണമായി.

ഷക്കീബ് അൽ ഹസന്റെ ബൗളിംഗ് ആയിരുന്നു ഇന്ത്യൻ ബാറ്റിംഗ് തകർത്തത്. ഷാക്കിബ് അഞ്ചു വിക്കറ്റും ഇബാദത്ത് നാലു വിക്കറ്റും നേടി. ഇന്ത്യക്കായി വിക്കറ്റ് കീപ്പ് ചെയ്തത് കെ എൽ രാഹുൽ ആയിരുന്നു. നിർണായകനിമിഷത്തിൽ രാഹുൽ വിട്ടുകളഞ്ഞ ഒരു ക്യാച്ച് കളിയുടെ ഗതി മാറ്റുന്നതായിരുന്നു. രാഹുലിന് ഗ്ലൗസ് നൽകിയ ക്യാപ്റ്റൻ രോഹിത് ശർമയുടെ തീരുമാനത്തെ ഇപ്പോൾ സോഷ്യൽ മീഡിയ ചോദ്യം ചെയ്യുന്നുണ്ട്. ഇടംകയ്യൻ ബാറ്റ്സ്മാൻ ഇഷാൻ കിഷൻ ടീമിൽ സ്‌ക്വാഡിൽ ഉള്ളപ്പോഴാണ് കെഎൽ രാഹുലിന് കീപ്പിങ്ങിന് അവസരം ലഭിച്ചത് എന്നതാണ് വിവാദങ്ങൾക്ക് വഴിവെച്ചിരിക്കുന്നത്.

ഏതായാലും ഇപ്പോൾ സോഷ്യൽ മീഡിയയിൽ തരംഗം ആകുന്നത് മറ്റൊരു വീഡിയോ ആണ്. മറുപടി ബാറ്റിങ്ങിനായി ബംഗ്ലാദേശ് ഇറങ്ങിയ സമയത്ത് ക്യാപ്റ്റൻ ലിറ്റൺ ദാസ് കുൽദീവ് സെൻ എറിഞ്ഞ ഷോർട്ട് ബോൾ പുറത്തേക്ക് അടിച്ച് 6 റൺ നേടിയിരുന്നു. ദാസിന്റെ സിക്സ് കണ്ട്‌ സ്റ്റേഡിയത്തിൽ ഉണ്ടായിരുന്ന ബംഗ്ലാദേശി ആരാധകർ ഒന്നിച്ച് ആരവം മുഴക്കി. ഈ സമയം ക്യാമറ കണ്ണുകൾ ഒപ്പിയെടുത്തത് മറ്റൊരു വ്യക്തിയെ ആയിരുന്നു. റോയൽ ചലഞ്ചേഴ്സ് ബാംഗ്ലൂരിന്റെ ജേഴ്സി അണിഞ്ഞ് കയ്യിൽ ബംഗ്ലാദേശി പതാകയും ഉയർത്തി നിൽക്കുന്ന വ്യക്തി. ഇയാൾ ദാസിന്റെ സിക്സ് കണ്ടു തുള്ളിച്ചാടി. ഈ സമയം കയ്യിൽ ഉയർത്തിപ്പിടിച്ചിരുന്ന പതാക അയാളുടെ തലയിൽ തന്നെ വീണു. ഇത് ഗ്രൗണ്ടിൽ ഒന്നടങ്കം ചിരി പടർത്തി. ഒരേസമയം ആർ സി ബി യുടെയും ബംഗ്ലാദേശിന്റെയും ആരാധകനായ ആ യുവാവിന്റെ സെലിബ്രേഷൻ വീഡിയോ കാണാം…

ഇന്ത്യയുടെ തോൽവിക്ക് പിറകെ ചൂടായി രോഹിത്. വാഷിംഗ്ടൺ സുന്ദറിന്റെ ഫീൽഡിങ് മിസ്റ്റേക്ക് നേരെയാണ് രോഹിത് കലിപ്പൻ ആയത്. ഇന്ത്യ ബംഗ്ലാദേശ് ആദ്യ ഏകദിനം ബംഗ്ലാദേശിന് ബാറ്റിംഗ് തകർച്ച നേരിട്ടുവെങ്കിലും ഒരു വിക്കറ്റിന് കളി കൈപ്പിടിയിൽ ആക്കി. ടോസ് നഷ്ടപ്പെട്ട് ബാറ്റിംഗിന് ആയിക്കപ്പെട്ട ഇന്ത്യ ബാറ്റിംഗ് തകർച്ച നേരിട്ടിരുന്നു. 187 റണ്ണാണ് ഇന്ത്യ നേടിയത്. ഇന്ത്യക്കുവേണ്ടി അഞ്ചാമനായി ഇറങ്ങിയ കെ എൽ രാഹുൽ 70 പന്ത് നേരിട്ട് 73 നേടിയിരുന്നു. ഇന്ത്യക്ക് വേണ്ടി മറ്റാരും അർദ്ധ സെഞ്ച്വറി നേടിയില്ല. രോഹിത് ശർമ 27ഉം ശ്രേയസ് അയ്യർ 24ഉം വാഷിംഗ്ടൺ സുന്ദർ 11ഉം റൺ നേടി. ഫോമിലുള്ള വിരാട് കോഹ്ലി ഒമ്പത് റൺ നേടി നിൽക്കെ ഷാക്കിബ് അൽ ഹസ്സന്റെ പന്തിൽ ലിറ്റൺ ദാസിന് ക്യാച്ച് നൽകി പുറത്തായി.

ഇപ്പോൾ സാമൂഹ്യ മാധ്യമങ്ങളിൽ ഇന്ത്യയുടെ തോൽവിക്ക് നേരെ രൂക്ഷമായ ട്രോളുകളാണ് ഉയരുന്നത്. കളിയിൽ മറുപടി ബാറ്റിംഗിന് ഇറങ്ങിയ ബംഗ്ലാദേശിന്റെ തുടക്കം ശക്തമായിരുന്നു എങ്കിലും ബംഗ്ലാദേശും ബാറ്റിംഗ് തകർച്ച നേരിട്ടു. പക്ഷേ മെഹന്തി ഹസൻ മിറാജിന്റെ തകർപ്പൻ ബാറ്റിംഗ് ബംഗ്ലാദേശിന് ഒരു വിക്കറ്റ് വിജയം സമ്മാനിച്ചു. സ്പിന്നിനേയും ഫാസ്റ്റ് ബോളിങ്ങിനെയും ഒരുപോലെ തുണയ്ക്കുന്ന പിച്ചാണ് ബംഗ്ലാദേശിൽ ക്യൂറേറ്റർ ഒരുക്കിയത്. ബംഗ്ലാദേശിനായി ഷാക്കിബ് അൽ ഹസൻ അഞ്ച് വിക്കറ്റും ഇബാദത്ത് ഹുസൈൻ നാലു വിക്കറ്റും നേടി. വിക്കറ്റ് കീപ്പറായി ടീമിൽ ഉണ്ടായിരുന്ന റിഷാബ്‌ പന്തിനു പകരം കെഎൽ രാഹുലാണ് വിക്കറ്റിനു പിന്നിൽ ഇന്ത്യക്കായി കീപ് ചെയ്തത്. പന്തിനു പകരം സഞ്ജുവിനെ ടീമിൽ ഉൾപ്പെടുത്താത്തത് വിമർശനങ്ങൾ നേരിട്ടിരുന്നു. കളിയിൽ വഴിത്തിരിവായത് അവസാന വിക്കറ്റിൽ മുസ്തഫിസുർ റഹ്മാനുമായി ചേർന്ന് മെഹന്തി ഹസൻ പടുത്തുയർത്തിയ പാർട്ണർഷിപ്പ് ആയിരുന്നു. ഇന്ത്യയ്ക്കായി മുഹമ്മദ് സിറാജ് മൂന്ന് വിക്കറ്റും കുൽദീപ് സെൻ വാഷിംഗ്ടൺ സുന്ദർ എന്നിവർ രണ്ട് വിക്കറ്റും വീഴ്ത്തി.

പോസ്റ്റ് മാച്ച് പ്രസന്റേഷൻ സമയത്ത് ഇന്ത്യയുടെ തോൽവിക്ക് കാരണം ബാറ്റിങ്ങിലെ പിഴവാണ് എന്ന് രോഹിത് തുറന്നു സമ്മതിച്ചു. ഇത്തരത്തിലുള്ള പിച്ചുകളിൽ കളിക്കുവാൻ ട്രെയിനിങ് കിട്ടിയ ബാറ്റ്സ്മാന്മാറാണ് ടീമിൽ ഉള്ളത് എന്നും കുറച്ചുകൂടി സൂക്ഷിച്ച് താൻ ഉൾപ്പെടെയുള്ള ബാറ്റ്സ്മാൻമാർ കളിക്കണം ആയിരുന്നു എന്നും രോഹിത് പറഞ്ഞു. ഇന്ത്യ ഇത്തരത്തിലുള്ള പിച്ചുകളിൽ കളിച്ച് ശീലം ഉള്ളതാണ് എന്നും അടുത്ത മത്സരത്തിൽ ഈ കളിയിലെ വീഴ്ച പരിഹരിക്കും എന്നും രോഹിത് പറഞ്ഞു.

നേരത്തെ കെ എൽ രാഹുൽ ക്യാച്ച് വിട്ടുകളഞ്ഞ വീഡിയോ വൈറൽ ആയിരുന്നു. ഇതിന് തൊട്ടു പിന്നാലെയാണ് വാഷിംഗ്ടൺ സുന്ദറിന് നേരെ രോഹിത് രോഷാകുലനായത്. കളി കൈവിട്ടു പോകാൻ രാഹുൽ വിട്ടുകളഞ്ഞ ക്യാച്ച് കാരണമായിരുന്നു. ഇതിന് പിന്നാലെ ആയിരുന്നു വാഷിംഗ്ടൺ സുന്ദർ ഫീൽഡിൽ അലസനായി നിന്നത്. അലസനായ നിന്ന് തന്റെ ടീം മെയ്റ്റിനു നേരെ ക്യാപ്റ്റൻ രോഹിത് തെറി വിളിക്കാനും മറന്നില്ല. സാമൂഹ്യ മാധ്യമങ്ങളിൽ രോഹിത്തിന്റെ ഈ പ്രവർത്തിക്കുനേരെ രൂക്ഷ വിമർശനമാണ് ഇപ്പോൾ ഉയർന്നിരിക്കുന്നത്. തന്റെ ടീമിലെ ഒരു കളിക്കാരനെ നേരെ ചാടി കടിക്കുന്നത്. ഏഷ്യാകപ്പിൽ പാക്കിസ്ഥാൻ കളിക്കാരന്റെ ക്യാച്ച് വിട്ടതിന്റെ പേരിൽ അർഷദീപിന് നേരെയും രോഹിത് ചൂടായിരുന്നു. ആ സമയത്ത് ഈ പ്രവർത്തി വിവാദങ്ങൾക്ക് വഴിവെച്ചിരുന്നു. രോഹിത് വാഷിംഗ്ടൺ സുന്ദറിനെ ഫീൽഡിൽ കാണിച്ച അബദ്ധത്തിന്റെ പേരിൽ തെറി വിളിക്കുന്ന വീഡിയോ ദൃശ്യം കാണാം;

കെ എൽ രാഹുലിന്റെ മികച്ച ഏകദിന ഇന്നിങ്സുകളിൽ ഒന്ന്. ഷാക്കിബ് അൽ ഹസൻ ഒരിക്കൽ കൂടി താൻ എന്ത് കൊണ്ട് തന്റെ തലമുറയിലെ ഏറ്റവും മികച്ച സ്പിന്നർമാരിൽ ഒരാളായി എന്ന് ഒരിക്കൽ കൂടി തെളിയിക്കുന്നു. ഒടുവിൽ ക്രിക്കറ്റിലെ ക്ലിഷേ വാചകം ഒരിക്കൽ കൂടി ഓർമിപ്പിക്കുന്ന രാഹുലിന്റെ ഡ്രോപ്പ് ക്യാച്ച്. ഒടുവിൽ ഏകദിന ക്രിക്കറ്റ്‌ ഇനിയില്ല എന്ന് വിധി എഴുതിയവർക്ക് മുന്നിൽ ഏകദിന ക്രിക്കറ്റിലെ ഏറ്റവും മികച്ച മത്സരങ്ങളിൽ ഒന്ന്. ഇനിയും ഒട്ടേറെ വിശേഷണങ്ങൾ അർഹിക്കുന്ന കിടിലൻ മത്സരം.

ക്രിക്കറ്റ്‌ ആരാധകരെ ആവേശത്തിന്റെ കൊടുമുടിയിൽ എത്തിച്ച 46 ആം ഓവർ. ബംഗ്ലാദേശിന് ജയിക്കാൻ 30 പന്തിൽ വേണ്ടത് എട്ടു റൺസ്.രോഹിത് ചാഹാറിനെ പന്ത് ഏല്പിക്കുന്നു. ആദ്യ പന്തിൽ ഓഫ്‌ സ്റ്റമ്പിന് പുറത്ത് വന്ന പന്ത് കട്ട്‌ ചെയ്ത് മെഹന്ദി ബൗണ്ടറി പായിക്കുന്നു.രണ്ടാം പന്തിൽ കൃത്യമായ മറുപടിയുമായി ചാഹാർ, ഷോർട്ട് ബോൾ. അനാവശ്യ തിടുക്കം കാണിക്കാതെ ആ ബോൾ ലീവ് ചെയ്യുന്നു.മൂന്നാം പന്ത് ഒരിക്കൽ കൂടി ഓഫ്‌ സ്റ്റമ്പിന് പുറത്ത് വീണ്ടും റൺസ് കണ്ടെത്താനാകാതെ മെഹന്ദി.നാലാം പന്തിൽ മെഹന്ദി സിംഗിൾ എടുക്കുന്നു. പക്ഷെ വീണ്ടും ട്വിസ്റ്റ്‌, നോ ബോൾ,ജയിക്കാൻ രണ്ട് റൺ മാത്രം ബാക്കി.മുസ്താഫിസുർ ക്രീസിൽ, അദ്ദേഹത്തിന് റൺസ് കണ്ടെത്താൻ കഴിഞ്ഞില്ല.

അഞ്ചാം പന്തിൽ മുസ്താഫിസുർ സിംഗിൾ എടുക്കുന്നു. ഓവറിന്റെ അവസാന പന്ത്, ചരിത്ര വിജയത്തിലേക്ക് ഒരു റൺസ് അകലെ മാത്രം ബംഗ്ലാദേശ്.ഓഫ്‌ സ്റ്റമ്പിന് പുറത്തു വന്ന ബൗൾ ഒരിക്കൽ കൂടി കവറിലൂടെ ഒരു സിംഗിൾ കൂടി നേടി ബംഗ്ലാദേശിന് അവരുടെ ചരിത്രവിജയം അദ്ദേഹം സ്വന്തമാക്കി കൊടുത്തിരിക്കുന്നു. ഒടുവിൽ ചരിത്രം വിജയം ആഘോഷിച്ചു ബംഗ്ലാ കടുവകൾ. നാഗനൃത്തം ഇന്ത്യൻ താരങ്ങൾക്ക് മേൽ ചവിട്ടി ഓടി ഒരിക്കൽ കൂടി ബംഗ്ലാദേശ്.നേരത്തെ ടോസ് നഷ്ടപെട്ട് ബാറ്റിങ്ങിന് ഇറങ്ങിയ ഇന്ത്യയെ ഷാകിബിന്റെ മികവിൽ ബംഗ്ലാദേശ് 186 റൺസിന് ഒതുക്കിയിരുന്നു. ഷാക്കിബ് അഞ്ചു വിക്കറ്റ് സ്വന്തമാക്കിയിരുന്നു.73 റൺസ് നേടിയ രാഹുലാണ് ഇന്ത്യയുടെ ടോപ് സ്കോർർ.