Month: December 2022

ഇന്ത്യ ബംഗ്ലാദേശ് ഏകദിന പരമ്പരയിലെ മൂന്നാമത്തെ മത്സരം പുരോഗമിക്കുകയാണ്. ആദ്യ രണ്ട് മത്സരത്തിലെ തോൽവിക്ക്‌ കാരണമായി ഓപ്പണിങ് നിരയെ മാറ്റി പരീക്ഷിച്ചാണ് ഇന്ത്യ കളത്തിലേക്ക്‌ ഇറങ്ങിയത്. പരികേറ്റ രോഹിത് ശർമക്ക്‌ പകരം ഇഷാൻ കിഷനാണ് ഇന്ത്യൻ ഓപ്പണിങ് നിരയിലേക്ക് വന്നത്. ഈ ഒരു മാറ്റത്തിൽ നെറ്റിചുളിച്ച ആരാധകർക്ക് മുന്നിലേക്ക് തന്റെ കരിയറിലെ ഏറ്റവും മികച്ച ബാറ്റിംഗ് പ്രകടനം പുറത്തെടുക്കകയാണ് അദ്ദേഹം.

ലോകം കണ്ട എക്കാലത്തെയും മികച്ച ഓൾ റൗണ്ടർമാരിൽ ഒരാളായ ഷാക്കിബ് അൽ ഹസനാണ് ഇന്ന് കിഷന്റെ ബാറ്റിംഗ് ചൂട് നന്നായി അറിഞ്ഞത്.മത്സരത്തിന്റെ 27 ആം ഓവറിൽ ആരാണ് താനെന്ന് ഇന്ത്യൻ പോക്കറ്റ് ഡൈനാമോ ഷാക്കിബിന് കാണിച്ചു കൊടുക്കായിരുന്നു. ഷാക്കിബ് എറിഞ്ഞ ആദ്യ പന്തിൽ തന്റെ പവർ ഉപോയഗിച്ചു അദ്ദേഹം ഫോർ നേടി. കമന്ററി പറയുന്നത് പോലെ ഏകദിന ക്രിക്കറ്റിൽ ഒരു ട്വന്റി ട്വന്റി ഇന്നിങ്സ്. ഓവറിലെ രണ്ടാമത്തെ പന്ത് ഷാക്കിബ് കണ്ടത് ഗാലറിയിലായിരുന്നു. സിക്സർ, മൂന്നാമത്തെ പന്തിൽ ഡബിൾ നേടിയ കിഷൻ നാലാം പന്ത് ഒരിക്കൽ കൂടി ഗാലറിയിലെത്തിച്ചു.അതെ ലോകം കണ്ട എക്കാലത്തെയും മികച്ച ഓൾ റൗണ്ടർമാരിൽ ഒരാളായ ഷാക്കിബിനെ കിഷൻ എയറിൽ കയറ്റി.

അത് കൊണ്ട് ഒന്നും കിഷൻ നിർത്തിയില്ല. അഫിഫും മേഹേന്ദിയുമെല്ലാം കിഷന്റെ ബാറ്റിംഗ് ചൂട് നന്നായി അറിഞ്ഞു. നിലവിൽ ഡബിൾ സെഞ്ച്വറിയിലേക്ക് കുതിക്കുകയാണ് കിഷൻ. ആദ്യ രണ്ട് മത്സരങ്ങളും തോറ്റ ഇന്ത്യക്ക് നാണകേടിൽ നിന്ന് രക്ഷപെടാണമെങ്കിൽ വിജയം അനിവാര്യമാണ്.നിലവിലെ സാഹചര്യത്തിൽ കിഷന്റെ ചുമലിലേറി ഇന്ത്യ ശക്തമായ നിലയിലേക് മുന്നേറുകയാണ്.

4 6 6 വീഡിയോ :

ഇന്ത്യൻ ടീം സെലക്ഷൻ എതിരെ വ്യാപക പരാതികളാണ് ഇപ്പോൾ ഉയർന്നുകൊണ്ടിരിക്കുന്നത്. അതിൽ പ്രധാനമായും ആളുകൾ സൂചിപ്പിക്കുന്നത് സഞ്ജു സാംസണെ പോലെ ഒരു കളിക്കാരനെ ടീമിൽ ഉൾപ്പെടുത്തുന്നില്ല എന്നതാണ്. ഫോമിൽ അല്ലാഞ്ഞിട്ടു കൂടി റിഷാബ്‌ പന്തിന് ആവശ്യത്തിന് അധികം അവസരങ്ങളാണ് നൽകുന്നത് എന്നുള്ള പരാതി വ്യാപകമായിരിക്കുകയാണ്. കഴിഞ്ഞ ന്യൂസിലാൻഡ് പര്യടനത്തിൽ സഞ്ജു ഇന്ത്യൻ ടീമിനൊപ്പം ഉണ്ടായിരുന്നു എങ്കിലും ഒരു കളി മാത്രമാണ് കളിക്കാനായി അവസരം നൽകിയത്. പിന്നീട് സഞ്ജുവിനെ പുറത്തിരുത്തി ഓൾറൗണ്ടറി വേണമെന്ന് പറഞ്ഞ് ദീപക്ക് ഹൂടയെ ടീമിൽ ഉൾപ്പെടുത്തിയിരുന്നു.

അപ്പോഴും ആളുകൾ ചോദിച്ച ചോദ്യം എന്താണ് എന്നാൽ ഹോം ഔട്ട് ആയ പന്തിന് പകരം എന്തിനു സഞ്ജുവിനെ പുറത്തിരുത്തി എന്നതായിരുന്നു. ന്യൂസിലാൻഡിനെതിരെയുള്ള ഏകദിന പരമ്പര ഇന്ത്യ തോറ്റിരുന്നു. ഇതിനു പിന്നാലെ ഇപ്പോൾ ബംഗ്ലാദേശ് പരമ്പര നടന്നുകൊണ്ടിരിക്കുമ്പോഴും സഞ്ജു ടീമിനൊപ്പം ഇല്ല. ബംഗ്ലാദേശിനെതിരെ ഏകദിന പരമ്പര ഇന്ത്യ തോറ്റു നിൽക്കുകയാണ്. കളിച്ച രണ്ടു മത്സരവും ഇന്ത്യ ബംഗ്ലാദേശിനെതിരെ തോൽവി ഏറ്റുവാങ്ങി.

രാജസ്ഥാൻ റോയൽസ് ക്യാപ്റ്റനായ സഞ്ജു സാംസൺ കഴിഞ്ഞ ഐപിഎല്ലിൽ മിന്നുന്ന ഫോമിൽ ആയിരുന്നു. മാത്രമല്ല ഏകദിനത്തിൽ സഞ്ജുവിന്റെ ഏവറേജ് 60 നു മുകളിലുമാണ്. പക്ഷേ തുടർച്ചയായ കളികളിൽ ടീമിൽ ഇടം പിടിക്കുവാനായി സഞ്ജുവിന് കഴിയുന്നില്ല. രവിശാസ്ത്രി അഭിപ്രായപ്പെട്ടത് 10 കളി എങ്കിലും തുടർച്ചയായി സഞ്ജുവിന് അവസരം നൽകണമെന്നാണ്. ദിനേശ് കാർത്തിക്, കൃഷ്ണമാചാരി ശ്രീകാന്ത്, അജയ് ജഡേജ, റോബിൻ ഉത്തപ്പാ തുടങ്ങി നിരവധി ആളുകൾ സഞ്ജുവിനെ പിന്തുണച്ച് രംഗത്ത് എത്തിയിട്ടുണ്ട്.

ഇപ്പോൾ പുറത്തുവന്നുകൊണ്ടിരിക്കുന്നത് മറ്റൊരു വാർത്തയാണ്. സഞ്ജുവിന് വേണ്ടത്ര അവസരം ലഭിക്കാത്തതിൽ ലോകത്ത് പല കോണിൽ നിന്നും വിമർശനം ഉയരുന്നുണ്ട്. അതിൽ പ്രധാനപ്പെട്ട വിമർശനം ഉന്നയിച്ചിരിക്കുന്നത് അയർലൻഡ് ക്രിക്കറ്റ് പ്രസിഡന്റ് ആണ്. സഞ്ജുവിനെ പോലെയുള്ള കഴിവുറ്റ കളിക്കാരനെ എത്രകാലം പുറത്തിരുത്താൻ കഴിയുമെന്നും അയർലണ്ടിന് വേണ്ടി അദ്ദേഹത്തിനെ കളിക്കാൻ ശ്രമിക്കുകയാണ് എന്നും അയർലൻഡ് പ്രസിഡന്റ് പറഞ്ഞു എന്ന വാർത്തയാണ് ഇപ്പോൾ പുറത്തുവന്നുകൊണ്ടിരിക്കുന്നത്. ഇത് അഭ്യൂഹം ആണോ സത്യമാണോ എന്നുള്ള കാര്യം ഇതുവരെ വ്യക്തമായിട്ടില്ല എങ്കിലും നിരവധി ഓൺലൈൻ പേജുകളിൽ ഈ വാർത്ത ഇപ്പോൾ പ്രത്യക്ഷപ്പെട്ടിട്ടുണ്ട്.

ഇവർ റിപ്പോർട്ട് ചെയ്യുന്നത് പ്രകാരം അയർലണ്ടിന് ഇപ്പോൾ ഇല്ലാത്തത് ശക്തനായ ഒരു മിഡിൽ ഓർഡർ ബാറ്റ്സ്മാൻ ആണ് എന്നും സഞ്ജു ഞങ്ങളുടെ പ്രശ്നത്തിന് പരിഹാരം ആകും എന്നും അയർലൻഡ് ക്രിക്കറ്റ് പ്രസിഡന്റ് അഭിപ്രായപ്പെട്ടു എന്നതാണ്. മാത്രമല്ല സഞ്ജുവിന് സുഖകരമായി ക്രിക്കറ്റ് കളിക്കുവാനുള്ള എല്ലാ അവസരവും അയർലൻഡിൽ ഉണ്ട് എന്നും സഞ്ജു ഇങ്ങോട്ടേക്ക് വന്നു കഴിഞ്ഞാൽ ഇവിടെ എല്ലാ മത്സരവും കളിച്ച് തങ്ങളുടെ ക്യാപ്റ്റനായി തുടരാം എന്നും അയർലൻഡ് ക്രിക്കറ്റ് പ്രസിഡന്റ് അഭിപ്രായപ്പെട്ടതായി മാധ്യമങ്ങൾ റിപ്പോർട്ട് ചെയ്യുന്നു. അയർലൻഡിൽ വച്ച് നടന്ന ട്വന്റി20 യിൽ അയർലാൻഡിനെതിരെ സഞ്ജു അർദ്ധ സെഞ്ച്വറി നേടിയിരുന്നു.

വരുന്ന ജനുവരി 15ന് ഇന്ത്യ ശ്രീലങ്ക മത്സരം സഞ്ജുവിന്റെ നാടായ തിരുവനന്തപുരത്ത് വച്ച് നടക്കുന്നുണ്ട്. ഈ മത്സരത്തിന്റെ സ്ക്വാഡ് ഇതുവരെ പ്രഖ്യാപിച്ചിട്ടില്ല. ഈ ടീമിൽ സഞ്ജു ഉൾപ്പെടുമോ എന്ന് എല്ലാവരും ആകാംക്ഷയോടെ കാത്തിരിക്കുന്ന സമയത്താണ് അയർലൻഡ് ക്രിക്കറ്റ് പ്രസിഡന്റ് ഇത്തരത്തിലൊരു അഭിപ്രായം പ്രകടനം നടത്തിയതായി മാധ്യമങ്ങൾ റിപ്പോർട്ട് ചെയ്യുന്നത്. ഏതായാലും ഈ വാർത്ത സത്യമാണോ എന്നും സഞ്ജുവിന് ഏതെങ്കിലും വിധത്തിലുള്ള പ്രതികരണം നടത്തിയോ എന്നുള്ള വിവരം ലഭ്യമല്ല എങ്കിലും സോഷ്യൽ മീഡിയയിൽ ചൂടുപിടിച്ച ചർച്ച ആവുകയാണ് സഞ്ജുവിന് ലഭിച്ച അയർലൻഡ് ക്ഷണം. പക്ഷേ വാർത്ത സത്യമായാലും സഞ്ജുവിന് അയർലൻഡിൽ ചെന്ന് ക്രിക്കറ്റ് കളിക്കുക എന്നത് അത്ര എളുപ്പമാകില്ല. ഒത്തിരി കടമ്പകൾ കടക്കേണ്ടതായും ഉണ്ട്.

ഇന്ത്യ ബംഗ്ലാദേശ് ഏകദിന മത്സരങ്ങൾ ബംഗ്ലാദേശിൽ പുരോഗമിക്കുകയാണ്. അത് രണ്ടു മത്സരത്തിലും ഇന്ത്യ തോൽവി ഏറ്റുവാങ്ങിയിരുന്നു. ആദ്യ മത്സരത്തിൽ മെഹന്തി ഹസൻ മിറാജിന്റെ ബാറ്റിംഗ് മികവിൽ ആയിരുന്നു ബംഗ്ലാദേശ് ഒരു വിക്കറ്റിന്റെ ജയം കരസ്ഥമാക്കിയത്. രണ്ടാം മത്സരത്തിൽ ആവട്ടെ ബംഗ്ലാദേശ് അഞ്ചു റണ്ണിന്റെ ജയവും സ്വന്തമാക്കി. ഏറെ വിമർശനമാണ് ഇന്ത്യൻ ടീം സെലക്ഷനെതിരെയും ഇന്ത്യയുടെ ടീം പെർഫോമൻസിനെതിരെയും ഉയർന്നു വന്നുകൊണ്ടിരിക്കുന്നത്. സോഷ്യൽ മീഡിയയിൽ ഉൾപ്പെടെ പല ആളുകളും ഇന്ത്യൻ ടീമിനെതിരെ കടുത്ത വിമർശനവുമായി രംഗത്ത് എത്തിയിട്ടുണ്ട്.

അടുത്തവർഷം ഏകദിന ലോകകപ്പ് നടക്കും എന്നിരിക്കെ ഇനിയങ്ങോട്ടുള്ള എല്ലാ ഏകദിന മത്സരവും ഇന്ത്യയെ സംബന്ധിച്ചിടത്തോളം വളരെ പ്രാധാന്യമുള്ളതാണ്. ഇന്ത്യയുടെ ഏകദിന ലോകകപ്പ് ക്യാപ്റ്റൻ ആകുമെന്ന് പ്രതീക്ഷിക്കപ്പെടുന്ന രോഹിത് ശർമ കഴിഞ്ഞ മത്സരത്തിൽ കയ്യിൽ പരിക്ക് പറ്റിയ ശേഷം തുന്നിക്കെട്ടിയ കഴിയുമായി ബാറ്റ് ഏന്തിയത് ഏറെ പ്രശംസക്ക് വഴിവെക്കുകയും ചെയ്തിരുന്നു. എന്നാൽ കഴിഞ്ഞ രണ്ടു മത്സരങ്ങളിലും ഇന്ത്യയുടെ ബാറ്റിംഗ് നിര വേണ്ടത്ര നിലവാരത്തിനൊത്ത് ഉയർന്നിരുന്നില്ല.

സഞ്ജു സാംസൺ, സൂര്യകുമാർ യാദവ്, കുൽദീവ് യാദവ്, ചഹൽ, ദീപക് ഹൂട തുടങ്ങിയ താരങ്ങൾ ബംഗ്ലാദേശ് പര്യടനത്തിൽ ടീമിനൊപ്പം ഇല്ല. ആദ്യ രണ്ട് ഏകദിന മത്സരത്തിലും ഇന്ത്യയുടെ സീനിയർ താരങ്ങളായ ശിഖർ ധവാൻ, വിരാട് കോലി എന്നിവർക്ക് കാര്യമായി തിളങ്ങാൻ ആയില്ല. ഇനി അങ്ങോട്ട് ഒട്ടേറെ ഏകദിന മത്സരങ്ങൾ ഇന്ത്യ കളിക്കും. പരിക്കേറ്റ രോഹിത് ശർമ്മയ്ക്ക് എത്ര ഏകദിനങ്ങൾ നഷ്ടമാകും എന്നുള്ള കാര്യം ഇതുവരെ വ്യക്തമായിട്ടില്ല. ഏതായാലും ഇന്ത്യ ബംഗ്ലാദേശ് അവസാന ഏകദിന മത്സരത്തിൽ രോഹിത് ശർമ കളിക്കുകയില്ല. പകരം കെ എൽ രാഹുൽ ആകും ഇന്ത്യയെ നയിക്കുക. ദീപക് ചാഹറിനും കുൽദീപ് സെന്നിനും അടുത്ത ഏകദിന മത്സരം പരിക്കു കാരണം നഷ്ടമാകുമെന്ന് കോച്ച് രാഹുൽ ദ്രാവിഡ് പത്രസമ്മേളനത്തിൽ വ്യക്തമാക്കിയിട്ടുണ്ട്.

ഇന്ത്യ ബംഗ്ലാദേശ് ഏകദിന മത്സരങ്ങൾക്ക് ശേഷം ഇന്ത്യ ബംഗ്ലാദേശിൽ ടെസ്റ്റ് കളിക്കും. തുടർന്ന് ശ്രീലങ്കക്കെതിരെയുള്ള ഏകദിന മത്സരങ്ങൾ ആകും ഇന്ത്യയുടെ ഷെഡ്യൂൾ പ്രകാരമുള്ള പ്രധാന മത്സരം. ഇന്ത്യ ശ്രീലങ്ക സീരീസിന് തുടക്കമാകുക ജനുവരി മൂന്നാം തീയതിയാണ്. ശ്രീലങ്ക ഇന്ത്യയിൽ മൂന്ന് ട്വന്റി20 മത്സരങ്ങളും മൂന്ന് ഏകദിനങ്ങളും കളിക്കും. ഇരു ടീമുകൾക്കും ലോകകപ്പിനുള്ള മുന്നോടി എന്നുള്ള നിലയിൽ എല്ലാ മത്സരവും ഏറെ പ്രാധാന്യമുള്ളതാണ്. ലോകകപ്പിനു മുന്നേ ഇന്ത്യയുടെ ടീം ഏതാവണം എന്ന് കൃത്യമായി മനസ്സിലാക്കുവാൻ ഈ ഏകദിന മത്സരങ്ങൾ സഹായിക്കും. ട്വന്റി20 മത്സരങ്ങൾക്ക് സീനിയർ താരങ്ങൾക്ക് വിശ്രമം നൽകി ഹാർദിക് പാണ്ടിയയെ ക്യാപ്റ്റൻ ആക്കി പുതിയ ടീം അണിനിരത്തുമെന്നുള്ള അബ്യൂഹം ഉയർന്നിട്ടുണ്ട്. പുതിയ സെലക്ഷൻ കമ്മിറ്റി ആകും ടീമുകളെ തീരുമാനിക്കുക.

കേരളത്തിനെ സംബന്ധിച്ചിടത്തോളം ഏറ്റവും സന്തോഷം ഉള്ള വാർത്ത എന്താണ് എന്നാൽ ഇന്ത്യ – ശ്രീലങ്ക പരമ്പരയിലെ അവസാന മത്സരം തിരുവനന്തപുരത്ത് വച്ച് ആവും നടക്കുക. ജനുവരി പതിനഞ്ചാം തീയതിയാണ് ഇന്ത്യയുടെ ഏറ്റവും പുതിയ ഷെഡ്യൂൾ പ്രകാരം തിരുവനന്തപുരം കാര്യവട്ടം ഗ്രീൻഫീൽഡ് സ്റ്റേഡിയത്തിൽ വച്ച് മത്സരം നടക്കുക. ഏകദിന മത്സരമാകും ഇത് എന്നതിനാൽ ടീമിൽ ആരൊക്കെ ഉണ്ടാവും എന്നുള്ള കാര്യം ആരാധകർ ഉറ്റുനോക്കുകയാണ്.

തിരുവനന്തപുരം സ്വദേശിയായ സഞ്ജു സാംസൺ ടീമിൽ ഉണ്ടാകുമോ എന്ന് അറിയുവാനായി എല്ലാവരും ഒരേപോലെ കാത്തിരിക്കുകയാണ്. വരുംദിവസങ്ങളിൽ തന്നെ സ്ക്വാഡ് അനൗൺസ് ചെയ്യുമെന്നാണ് ലഭിക്കുന്ന വിവരം. ടീമിൽ വിക്കറ്റ് കീപ്പറായി ആരെയൊക്കെ ഉൾപ്പെടുത്തുമെന്ന് ഉള്ള കാര്യം ഇതുവരെ വ്യക്തമല്ല. വൈറ്റ് ബോൾ ക്രിക്കറ്റിൽ ഫോമിൽ അല്ലാത്ത റിഷബ് പന്തിനെ സഞ്ജുവിന് പകരം ടീമിൽ വീണ്ടും ഉൾപ്പെടുത്തിയാൽ വലിയ രീതിയിലുള്ള ആക്ഷേപം ബിസിസിഐ നേരിടേണ്ടി വന്നേക്കാം. ഇപ്പോൾതന്നെ പലയാളുകളും പല കോണിൽ നിന്നും ഇത് ഇന്ത്യൻ ടീം അല്ല ബി സി സി ഐ യുടെ ടീമാണ് എന്ന് പറഞ്ഞ് രംഗത്ത് എത്തിയിട്ടുണ്ട്. ഈ സാഹചര്യങ്ങളൊക്കെ നിലവിലുള്ളപ്പോൾ തിരുവനന്തപുരത്ത് നടക്കുന്ന ഏകദിന മത്സരത്തിൽ തിരുവനന്തപുരം കാരനായ സഞ്ജു സാംസൺ കളിക്കുമോ എന്ന ആകാംക്ഷയിലാണ് എല്ലാവരും.

ഇന്ത്യയും ബംഗ്ലാദേശും തമ്മിലുള്ള ഏകദിന പരമ്പരയിലെ രണ്ടാം മത്സരത്തിൽ ഇന്ത്യക്ക് 5 റൺസിന്റെ തോൽവി ഇതോടെ 3 മത്സരങ്ങടങ്ങിയ പരമ്പര 1 മത്സരം ശേഷിക്കെ 2-0 ന് ബംഗ്ലാദേശ് സ്വന്തമാക്കി, മത്സരത്തിൽ ടോസ് നേടിയ ബംഗ്ലാദേശ് ക്യാപ്റ്റൻ ലിട്ടൺ ദാസ് ബാറ്റിങ് തിരഞ്ഞെടുക്കുകയായിരുന്നു, അവസാന നിമിഷം വരെ ജയ പരാജയങ്ങൾ മാറി മറഞ്ഞ ആദ്യ മത്സരത്തിൽ പുറത്താകാതെ 39* റൺസുമായി മെഹന്തി ഹസൻ മിറാസ് ആണ് ബംഗ്ലാദേശിനെ അവിശ്വസനീയമായ വിജയത്തിലേക്ക് നയിച്ചത്, 136/9 എന്ന നിലയിൽ തോൽവി മുന്നിൽ കണ്ട ബംഗ്ലാദേശിനെ അവസാന വിക്കറ്റിൽ മുസ്താഫിസുർ റഹ്മാനുമൊത്ത് 51 റൺസിന്റെ കൂട്ട് കെട്ട് ഉണ്ടാക്കിയാണ് മെഹന്തി ഹസൻ വിജയം ഇന്ത്യയിൽ നിന്നും പിടിച്ചെടുത്തത്, രണ്ടാം ഏകദിനത്തിലും ആദ്യം ബാറ്റ് ചെയ്ത ബംഗ്ലാദേശിനെ സെഞ്ച്വറിയുമായി മുന്നിൽ നിന്ന് നയിച്ചതും മെഹന്തി ഹസൻ തന്നെ ആയിരുന്നു.

രണ്ട് മാറ്റങ്ങളുമായാണ് ഇന്ത്യ കളത്തിലിറങ്ങിയത് കുൽദീപ് സെന്നിന് പകരം ഉമ്രാൻ മാലിക്കും ഷഹബാസ്‌ അഹമ്മദിന് പകരം അക്സർ പട്ടേലും ഇന്ത്യൻ നിരയിൽ ഇടം നേടി, മറുവശത്ത് ബംഗ്ലാദേശ് നിരയിൽ ഹസൻ മഹമൂദിന് പകരം നാസും അഹമ്മദ്  ടീമിൽ എത്തി, ഇന്ത്യൻ ബോളർമാർ തുടക്കത്തിൽ തന്നെ വിക്കറ്റുകൾ വീഴ്ത്തിയപ്പോൾ ബംഗ്ലാദേശിന്റെ മുൻ നിര തകർന്നു, 69/6 എന്ന നിലയിൽ ആയ ബംഗ്ലാദേശിന് രക്ഷകൻ ആയത് ആദ്യ കളിയിലെ വിജയശില്പി ആയ മെഹന്തി ഹസൻ തന്നെ ആയിരുന്നു, ഏഴാം വിക്കറ്റിൽ മുഹമ്മദുല്ലയുമൊത്ത് 148 റൺസിന്റെ കൂട്ട്കെട്ട് പടുത്തുയർത്തി ബംഗ്ലാദേശിനെ തകർച്ചയിൽ നിന്ന് കരകയറ്റി, ഏകദിന കരിയറിലെ തന്റെ ആദ്യ സെഞ്ച്വറിയുമായി മെഹന്തി ഹസൻ മുന്നിൽ നിന്ന് ജയിച്ചപ്പോൾ ബംഗ്ലാദേശ് നിശ്ചിത 50 ഓവറിൽ 271/7 എന്ന മികച്ച നിലയിൽ എത്തി.

മറുപടി ബാറ്റിങ്ങിന് ഇറങ്ങിയ ഇന്ത്യക്ക് കാര്യങ്ങൾ അത്ര എളുപ്പമായിരുന്നില്ല, രോഹിത് ശർമയ്ക്ക് പരിക്കേറ്റതിനാൽ ശിഖർ ധവാനൊനൊപ്പം കോഹ്ലി ആയിരുന്നു ഓപ്പണിങ്ങിൽ ഇറങ്ങിയത്, എന്നാൽ ഇരുവരെയും പെട്ടന്ന് തന്നെ ബംഗ്ലാദേശ് ബോളർമാർ മടക്കി അയച്ചു, ഇടവേളകളിൽ വിക്കറ്റ് വീണതോടെ 69/4 എന്ന നിലയിൽ തകർച്ചയെ മുന്നിൽ കണ്ടു ഇന്ത്യ, അഞ്ചാം വിക്കറ്റിൽ ശ്രേയസ് അയ്യറും (82) അക്സർ പട്ടേലും (56) ചേർന്ന് 107 റൺസിന്റെ കൂട്ട് കെട്ട് ഉണ്ടാക്കി ഇന്ത്യയെ മുന്നോട്ട് നയിച്ചെങ്കിലും ബംഗ്ലാദേശ് ഉയർത്തിയ വിജയ ലക്ഷ്യം മറി കടക്കാൻ അതൊന്നും മതിയാകുമായിരുന്നില്ല, അവസാന ഓവറുകളിൽ പരിക്കേറ്റ കൈയ്യുമായി രോഹിത് ശർമ 51* പൊരുതി നോക്കിയെങ്കിലും 5 റൺസ് അകലെ ഇന്ത്യൻ പോരാട്ടം അവസാനിക്കുകയായിരുന്നു.

മത്സരത്തിലെ നാൽപത്തി മൂന്നാം ഓവറിൽ ഷക്കിബുൾ ഹസ്സനെതിരെ ക്രീസിൽ നിന്ന് സ്റ്റെപ് ഔട്ട്‌ ചെയ്ത് ഷോട്ടിന് ശ്രമിച്ച ശാർദുൾ താക്കൂറിന്റെ ശ്രമം പരാജയപ്പെട്ടു, ക്രീസിൽ നിന്ന് സ്റ്റെപ് ഔട്ട്‌ ചെയ്ത തന്റെ തീരുമാനം തെറ്റായിപ്പോയി എന്ന് തോന്നിയ താക്കൂർ അവസാന നിമിഷം ഡിഫെൻസ് ഷോട്ടിന് ശ്രമിച്ചെങ്കിലും ടേൺ ചെയ്ത ബോൾ അപ്പോഴേക്കും വിക്കറ്റ് കീപ്പറുടെ കൈകളിൽ എത്തിയിരുന്നു, 23 പന്തുകൾ നേരിട്ട ശാർദുൾ താക്കൂറിന് 7 റൺസ് മാത്രമാണ് നേടാൻ സാധിച്ചത്.
Written By: അഖിൽ. വി.പി. വള്ളിക്കാട്.

വീഡിയോ ;

പരമ്പരയിലെ രണ്ടാം ഏകദിനമത്സരത്തിലും ഇന്ത്യയെ കീഴടക്കി സ്വന്തം മണ്ണിൽ മറ്റൊരു പരമ്പര സ്വന്തമാക്കി കരുത്തുകാട്ടി ബംഗ്ലാ കടുവകൾ. 2016 ഒക്ടോബറിന് ശേഷം ബംഗ്ലാദേശിൽവച്ച് നടന്ന എല്ലാ ഏകദിനപരമ്പരകളും നേടിയ ബംഗ്ലാദേശ്, അടുത്ത വർഷം ഇന്ത്യയിൽവച്ച് നടക്കുന്ന ഏകദിന ലോകകപ്പ് ടൂർണമെന്റിന് മികച്ച ഒരുക്കങ്ങൾ നടത്തുന്നു എന്ന് പറയാം. ഇന്ന് ധാക്കയിലെ ഷേർ ഇ ബംഗ്ലാ സ്റ്റേഡിയത്തിൽ നടന്ന മത്സരത്തിൽ 5 റൺസിനായിരുന്നു അവരുടെ വിജയം. അവസാന പന്തുവരെ ആവേശം നിറഞ്ഞുനിന്ന പോരാട്ടത്തിൽ 272 റൺസ് വിജയലക്ഷ്യം പിന്തുടർന്ന ഇന്ത്യക്ക് 266 റൺസ് എടുക്കാനേ കഴിഞ്ഞുള്ളൂ.

മത്സരത്തിൽ ടോസ് നേടി ആദ്യം ബാറ്റിംഗ് തെരഞ്ഞെടുത്ത അവർക്ക് തുടക്കം തകർച്ചയോടെയായിരുന്നു. രണ്ട് ഓപ്പണർമാരെയും സിറാജ് പുറത്താക്കി. കുൽദീപ് സെനിന് പകരം ടീമിൽ ഇടംപിടിച്ച ഉമ്രാൻ മാലിക്ക് വേഗമേറിയ പന്തുകൾകൊണ്ട് അവരെ വിറപ്പിച്ചു. സ്പിന്നർ വാഷിങ്ടൺ സുന്ദർ കൂടി തിളങ്ങിയതോടെ ഒരു ഘട്ടത്തിൽ 69/6 എന്ന നിലയിലേക്ക് കൂപ്പുകുത്തി ടീം ബംഗ്ലാദേശ്. എങ്കിലും ഏഴാം വിക്കറ്റിൽ ഒത്തുചേർന്ന സീനിയർ താരം മഹമ്മദുള്ളയും കഴിഞ്ഞ മത്സരത്തിലെ ഹീറോ മേഹധി ഹസനും ചേർന്ന് അവരെ കരകയറ്റി. മഹമ്മദുള്ള 77 റൺസ് നേടി പുറത്തായി. ഹസൻ സെഞ്ചുറി തികച്ച് പുറത്താകാതെ നിന്നപ്പോൾ അവർ നിശ്ചിത 50 ഓവറിൽ 7 വിക്കറ്റ് നഷ്ടത്തിൽ 271 റൺസ് എടുത്തു.

ഫീൽഡിംഗിനിടെ പരുക്കേറ്റ നായകൻ രോഹിത് ശർമ്മക്ക് പകരം കോഹ്‌ലിയും ധവാനും ചേർന്നാണ് ഇന്നിങ്സ് ഓപ്പൺ ചെയ്തത്. എങ്കിലും ഇരുവരും ഒറ്റയക്ക സ്കോറിന് പുറത്തായി. പിന്നീട് വന്ന സുന്ദറും രാഹുലും കൂടി ചെറിയ സ്കോറിൽ മടങ്ങിയതോടെ 18 ഓവറിൽ 65/4 എന്ന നിലയിൽ പ്രതിസന്ധിയിൽ ആയിരുന്നു ഇന്ത്യ. എങ്കിലും അഞ്ചാം വിക്കറ്റിന് ശ്രേയസ് അയ്യരും അക്സർ പട്ടേലും ചേർന്ന കൂട്ടുകെട്ട് ഇന്ത്യയുടെ വിജയപ്രതീക്ഷകൾ തിരികെകൊണ്ടുവന്നു. 82 റൺസ് എടുത്ത അയ്യരും 56 റൺസ് എടുത്ത പട്ടേലും പുറത്തായതോടെ വീണ്ടും ഇന്ത്യ പ്രതിസന്ധിയിലായി.

ഓൾറൗണ്ടർമാരായ ഷർദൂൾ താകൂറും ദീപക് ചാഹാറും കൂടി പുറത്തായതോടെ രോഹിത് ഇറങ്ങേണ്ടി വന്നു. ഇന്ത്യ ഫീൽഡ് ചെയ്യുകയായിരുന്ന സമയത്ത് സ്ലിപ്പിൽ ഒരു ക്യാച്ച് എടുക്കാനുള്ള ശ്രമത്തിൽ കയ്യിൽ നിന്നും ചോര വാർന്ന് മൈതാനം വിട്ടതായിരുന്നു രോഹിത്. ഒടുവിൽ രണ്ടും കൽപ്പിച്ചു ഇറങ്ങിയ രോഹിത് അവസാന പന്തുവരേ ഇന്ത്യയെ വിജയത്തിൽ എത്തിക്കുമെന്ന് തോന്നിപ്പിച്ചിരുന്നു. 28 പന്തിൽ നിന്നും 3 ഫോറും 5 സിക്സുമടക്കം 51 റൺസ് നേടി തന്റെ ഫോം ഇപ്പോഴും അവസാനിച്ചിട്ടില്ല എന്ന് തെളിയിക്കാൻ അദ്ദേഹത്തിന് സാധിച്ചു. ഇന്ത്യയെ മത്സരത്തിൽ വിജയിപ്പിക്കാൻ കഴിഞ്ഞില്ല എന്ന സങ്കടം മാത്രം ബാക്കി. മുസ്തഫീസൂർ റഹ്മാൻ എറിഞ്ഞ അവസാന ഓവറിൽ ജയിക്കാൻ 20 റൺസ് വേണമെന്നിരിക്കെ രണ്ട് ഫോറും ഒരു സിക്‌സുമാണ് അദ്ദേഹത്തിന് നേടാൻ കഴിഞ്ഞത്.

വീഡിയോ :