Month: January 2023

ആദ്യ മത്സരത്തിലെ ത്രസപിക്കുന്ന വിജയത്തിന് ശേഷം ഇന്ത്യ ന്യൂസിലാൻഡിനെ രണ്ടാം ഏകദിനത്തിൽ നേരിട്ട് കൊണ്ടിരിക്കുകയാണ്. ടോസ് നേടി ബൗളിംഗ് തിരഞ്ഞെടുത്ത ഇന്ത്യ അതിശക്തമായ നിലയിലാണ്. ഷമിയുടെ സിറാജിന്റെയും സ്വിങ്ങും പേസും അടങ്ങുന്ന ബൗളിംഗ് നേരിടാൻ ന്യൂസിലാൻഡ് ബാറ്റർമാർ വല്ലാതെ ബുദ്ധിമുട്ടുകയാണ്.10 റൺസ് കടക്കുന്നതിന് മുന്നേ തന്നെ മൂന്നു മുൻ നിര ബാറ്റർമാർ ഡഗ് ഔട്ടിലേക്ക് തിരകെയെത്തി കഴിഞ്ഞു.

എന്നാൽ ഇന്ത്യയുടെ ബൗളിംഗ് പ്രകടനത്തിലും ചർച്ചയാകുന്നത് ടോസ്സിൽ സംഭവിച്ച രസകരമായ കാര്യങ്ങളാണ്. ടോസ് ലഭിച്ച ശേഷം രോഹിത് എന്താണ് തെരെഞ്ഞെടുക്കേണ്ടത് എന്ന് മറന്നു പോയിരുന്നു. പൊതുവെ ടീമിൽ മാറ്റങ്ങൾ വരുമ്പോൾ കളിക്കാരുടെ പേരുകൾ ക്യാപ്റ്റന്മാർ മറന്നു പോവുന്നതായി നമ്മൾ കാണാറുണ്ട്. എന്നാൽ ടോസ് ലഭിച്ച ശേഷം എന്താണ് തെരെഞ്ഞെടുക്കേണ്ടതെന്ന് ഒരു ക്യാപ്റ്റൻ മറന്നു പോവുന്നത് രസകരമായ കാഴ്ചയാണ്.

ഇപ്പോൾ ഇന്ത്യൻ പരിശീലകൻ രാഹുൽ ദ്രാവിഡിനും ഈ ഒരു സംഭവം കണ്ട് ചിരി അടക്കാൻ കഴിയുന്നില്ല. ഇന്ത്യൻ ബൗളിങ്ങിന് ഇടയിൽ റിപ്ലൈ കണ്ടപ്പോളാണ് അദ്ദേഹത്തിന് ചിരി അടക്കാൻ കഴിയാതെയിരുന്നത്.എങ്കിലും കൃത്യമായ തീരുമാനം തന്നെ രോഹിത് എടുത്തതിൽ പരിശീലകൻ രാഹുൽ ദ്രാവിഡ്‌ സംതൃപ്തനായിരിക്കണം. ആദ്യ മത്സരം ആവേശകരമായി ജയിച്ച ഇന്ത്യ ഇന്ന് കൂടി വിജയിച്ചു പരമ്പര സ്വന്തമാക്കാനാവും ശ്രമിക്കുക. കിവിസിന് ഒപ്പമെത്താൻ കൂടി ശ്രമിക്കുമ്പോൾ പോരാട്ടം കനക്കുമെന്ന് ഉറപ്പ്.

ക്രിക്കറ്റ്‌ മത്സരത്തത്തിന്റെ ഫലം നിർണയിക്കുന്നതിന്റെ ഏറ്റവും വലിയ ഘടകമാണ് ടോസ്. ടോസ് ലഭിച്ച ശേഷം ക്യാപ്റ്റന്മാർ എടുക്കുന്ന തീരുമാനത്തിന് വലിയ വിലയുണ്ടെന്ന് നമുക്ക് അറിയാവുന്നതാണ്. എന്നാൽ ടോസ് ലഭിച്ച ശേഷം എന്ത് തീരുമാനമാണ് താൻ എടുക്കേണ്ടത് എന്ന് ഒരു ക്യാപ്റ്റൻ മറന്നു പോയാലോ. ഇന്ത്യ ന്യൂസിലാൻഡ് രണ്ടാം ഏകദിനത്തിലും സംഭവിച്ചതും ഇത്തരത്തിൽ ഒരു കാര്യമാണ്.

ഇന്ത്യ ന്യൂസിലാൻഡ് രണ്ടാം ഏകദിനം.റായ്പൂരിലാണ് മത്സരം നടക്കുന്നത്.ഇന്ത്യൻ ക്യാപ്റ്റൻ രോഹിത് ശർമയും ന്യൂസിലാൻഡ് ക്യാപ്റ്റൻ ടോം ലാതവും ടോസ് ഇടാൻ വരുകയാണ്. മാച്ച് റഫറി ജവഗൽ ശ്രീനാഥ് രോഹിത് ശർമയോട് ടോസ് ഇടാൻ ആവശ്യപെടുന്നു.കിവിസ് ക്യാപ്റ്റൻ ലാത്തം ഹെഡ് വിളിക്കുന്നു.ഇന്ത്യക്ക് ടോസ് ലഭിക്കുന്നു. കുറച്ചു അധികം നേരം ബാറ്റൊ ബോളോ ചെയ്യേണ്ടത് എന്ന് ഓർക്കാൻ കഴിയാതെ രോഹിത്. ഒടുവിൽ ബൗളിംഗ് തെരെഞ്ഞെടുക്കുന്നു.

ടോസ് നേടിയ ശേഷം രോഹിത് പറയുന്നു. ഞാൻ തീരുമാനിച്ച വന്ന കാര്യം മറന്നു പോയി. അത് കൊണ്ട് തന്നെയാണ് ഇത്രയും സമയം എടുക്കേണ്ടി വന്നത് എന്നും.ഇരു ടീമുകളും ആദ്യ മത്സരത്തിലെ അതെ ടീമുകളെ തന്നെ രണ്ടാം മത്സരത്തിനും നിലനിർത്തി.ആദ്യ മത്സരം ഇന്ത്യ 12 റൺസിന് വിജയിച്ചിരുന്നു.മത്സരം ഉച്ചക്ക് 1.30 മുതൽ സ്റ്റാർ സ്പോർട്സ് ചാനലുകളിലും ഹോട്ട് സ്റ്റാറിലും തത്സമയം.മൂന്നു മത്സരങ്ങളുടെ പരമ്പര സ്വന്തമാക്കാൻ ഇന്ത്യയും ഒപ്പമെത്താൻ കിവിസും ശ്രമിക്കുമ്പോൾ പോരാട്ടം കനക്കുമെന്ന് ഉറപ്പ്.

വീഡിയോ :

ഇന്നലെ നടന്ന ഇന്ത്യ-ന്യൂസിലൻഡ് ഏകദിന പരമ്പരയിലെ ആദ്യ മത്സരത്തിൽ ഇന്ത്യ 12 റൺസിന്റെ ആവേശവിജയം നേടിയിരുന്നു. ടോസ് നേടി ആദ്യം ബാറ്റ് ചെയ്ത ഇന്ത്യ യുവ ഓപ്പണർ ശുഭ്മാൻ ഗില്ലിന്റെ തകർപ്പൻ ഇരട്ടസെഞ്ചുറിയുടെ(208) പിൻബലത്തിൽ നിശ്ചിത 50 ഓവറിൽ 8 വിക്കറ്റ് നഷ്ടത്തിൽ 349 റൺസ് എടുത്തു. 140 റൺസെടുത്ത മിക്കൽ ബ്രൈസ്വെല്ലിന്റെ മികവിൽ അവർ അവസാനം വരെ പൊരുതി നോക്കിയെങ്കിലും നാല് പന്ത് ശേഷിക്കെ 337 റൺസിന് ഓൾഔട്ട് ആകുകയായിരുന്നു. പേസർ മുഹമ്മദ് സിറാജ് നാല് വിക്കറ്റ് വീഴ്ത്തി.

ഹൈദരാബാദിലെ രാജീവ് ഗാന്ധി അന്താരാഷ്ട്ര സ്റ്റേഡിയത്തിൽ നടന്ന മത്സരത്തിൽ ഇന്ത്യക്കായി ‌നായകൻ രോഹിത് ശർമ 4 ഫോറും 2 സിക്സും അടിച്ച് നന്നായി തുടങ്ങിയെങ്കിലും 34 റൺസിൽ പുറത്താവുകയായിരുന്നു. പിന്നീട് വന്ന വിരാട് കോഹ്‌ലി 8 റൺസും വിക്കറ്റ് കീപ്പർ ഇഷാൻ കിഷൻ 5 റൺസും എടുത്ത് നിരാശപ്പെടുത്തി. സൂര്യകുമാർ യാദവും വൈസ് ക്യാപ്റ്റൻ ഹാർദിക് പാണ്ഡ്യയും ആകട്ടെ യഥാക്രമം 31, 28 റൺസ് എടുത്ത് പുറത്തായി. ഒരറ്റത്ത് വിക്കറ്റുകൾ വീണുകൊണ്ടിരുന്നപ്പോഴും ഗിൽ തന്റെ സ്വതസിദ്ധമായ ശൈലിയിൽ കളി തുടർന്നുകൊണ്ട് ഇന്ത്യക്ക് മികച്ച ടോട്ടൽ സമ്മാനിച്ചു.

മത്സരത്തിൽ ഇന്ത്യയുടെ വിജയത്തിനും ഗില്ലിന്റെ ഇരട്ടസെഞ്ചുറി നേട്ടത്തിനും ഒരു നിർണായക വഴിത്തിരിവായത് ശർദൂൾ താക്കൂറിന്റെ വിലപ്പെട്ട ഒരു ത്യാഗമായിരുന്നു. ഇന്ത്യൻ ബാറ്റിങ്ങിന്റെ 47ആം ഓവറിൽ ആയിരുന്നു താക്കൂർ തന്റെ വിക്കറ്റ് സ്വയം സമർപ്പിച്ച് റൺഔട്ടായത്. ലോക്കി ഫെർഗൂസൻ എറിഞ്ഞ ഓവറിന്റെ നാലാം പന്തിൽ സ്ട്രൈക്കിൽ ഉണ്ടായിരുന്ന ഗിൽ കവറിലേക്ക് കളിച്ച് സിംഗിൾ എടുക്കാനായി ഓടി. താക്കൂർ ആകട്ടെ പന്ത് പോകുന്നത് നോക്കിനിന്നു. മുപ്പതുവാര കടക്കാതെ പന്ത് ഫീൽഡറുടെ കൈകളിൽ എത്തിയപ്പോഴേക്കും ഗിൽ നോൺ സ്ട്രൈക്കർ എൻഡിൽ എത്തിയിരുന്നു. അതോടെ താക്കൂർ മുന്നോട്ട് നടന്ന് സ്ട്രൈക്കർ എൻഡിൽ റൺഔട്ട് ആയി മടങ്ങി.

ഇന്ത്യ 302 റൺസ് എടുത്ത് നിൽക്കുമ്പോഴായിരുന്നു അത്. ഗിൽ ആകട്ടെ 168 റൺസിലും. താക്കൂർ നോൺ സ്ട്രൈക്കർ എൻഡിൽ നിലയുറപ്പിച്ചിരുന്നുവെങ്കിൽ ഗിൽ സ്ട്രൈക്കർ എൻഡിൽ പുറത്താകുമായിരുന്നു. തുടർന്ന് അടിച്ചുതകർത്ത ഗിൽ തന്റെയും ഇന്ത്യയുടെയും സ്കോർ മുന്നോട്ട് നീക്കി. തുടരെ മൂന്ന് സിക്സ് പായിച്ചാണ് അദ്ദേഹം ഇരട്ടസെഞ്ചുറി നേട്ടം പൂർത്തിയാക്കിയത്. ഏകദിന ക്രിക്കറ്റ് ചരിത്രത്തിലെ ഏറ്റവും പ്രായം കുറഞ്ഞ ഇരട്ടസെഞ്ചുറി നേട്ടത്തിനുള്ള റെക്കോർഡും സ്വന്തം പേരിലാക്കിയ ഗിൽ തന്നെയാണ് കളിയിലെ താരമായി തിരഞ്ഞെടുക്കപ്പെട്ടതും.

ഇന്ത്യ ന്യൂസിലാൻഡ് ഏകദിന മത്സരം ആവേശകരമായി പുരോഗമിക്കുകയാണ്. ഇന്ത്യയുടെ 350 റൺസ് എന്നാ വിജയലക്ഷ്യം പിന്തുടരുന്ന കിവിസ് പൊരുതുകയാണ്. ഇന്ത്യൻ ഓപ്പണർ നേടിയ ശുഭമാൻ ഗില്ലിന്റെ ഡബിൾ സെഞ്ച്വറി മികവിലാണ് ഇന്ത്യ കൂറ്റൻ സ്കോർ കണ്ടെത്തിയത്. എന്നാൽ ഇന്ത്യൻ ഇന്നിങ്സിൽ ഏറ്റവും വിവാദമായത് ഹാർദിക്കിന്റെ പുറത്താകലാണ്.

കിവിസ് ക്യാപ്റ്റനും അവരുടെ വിക്കറ്റ് കീപ്പറുമായ ടോം ലാത്തം ഹാർദിക് പാന്ധ്യ ബാറ്റ് ചെയ്തപ്പോൾ ബെയ്ൽസ് തന്റെ കൈ കൊണ്ട് തട്ടിയിടുകയുണ്ടായി.അമ്പയർ ഇത് ഔട്ട്‌ കൊടുക്കുകയും ചെയ്തു. സമാനമായി തന്നെ ഗിൽ ബാറ്റ് ചെയ്തപ്പോളും ബെയ്ൽസ് തട്ടിയിട്ട് ലാത്തം അപ്പീൽ ചെയ്യുകയുണ്ടായി.എന്നാൽ അമ്പയർ ഇത് നോട്ട് ഔട്ട്‌ വിളിക്കുകയുണ്ടായി. ഇപ്പോൾ ഇതിനെല്ലാം രസകരമായ രീതിയിൽ തന്നെ ഇന്ത്യൻ വിക്കറ്റ് കീപ്പർ ഇഷൻ കിഷൻ പ്രതികാരം ചെയ്തിരിക്കുകയാണ്.

കിവിസ് ഇന്നിങ്സിന്റെ 16 മത്തെ ഓവർ.മൂന്നാമത്തെ പന്തിൽ നിക്കോളസിനെ കുൽദീപ് പുറത്താക്കുന്നു.തൊട്ട് അടുത്ത പന്തിൽ ലാത്തം ക്രീസിലേക്ക്. ആദ്യ പന്തിൽ തന്നെ സ്റ്റെപ് ഔട്ട്‌ ചെയ്ത ലാത്തം കാണുന്നത് തന്റെ ബെയ്ൽസ് തെറിക്കുന്നതാണ്. ഇന്ത്യ താരങ്ങൾ എല്ലാം അപ്പീൽ ചെയ്യുന്നു. തേർഡ് അമ്പയർ ദൃശ്യങ്ങൾ പരിശോധിക്കുന്നു.ദൃശ്യത്തിൽ കിഷൻ മനഃപൂർവം തന്റെ കൈ കൊണ്ട് ബെയ്ൽസ് തട്ടിതെറിപ്പിക്കുന്നതായി കാണുന്നു.അമ്പയർ നോട്ട് ഔട്ട്‌ വിളിക്കുന്നു. മത്സരത്തിൽ നിലവിൽ കിവിസ് പൊരുതുകയാണ്. ക്യാപ്റ്റൻ ലാത്താവും ഫിലിപ്സുമാണ് ഇപ്പോൾ ക്രീസിൽ. മത്സരം ആവേശകരമായി പുരോഗമിച്ചു കൊണ്ടിരിക്കുകയാണ്.

നിങ്ങൾക്ക് ഒരു ബാറ്ററേ പുറത്താക്കാൻ ഒരു മികച്ച അവസരം ലഭിക്കുകയാണ്. എന്നാൽ നിങ്ങൾ ആ അവസരം പാഴാക്കുന്നു. പിന്നീട് അതെ ബാറ്റർ തന്നെ നിങ്ങളുടെ ടീമിനെ തകർക്കുന്നു. ക്രിക്കറ്റിൽ ഒരുപാട് തവണ കണ്ട പ്രവണതകളിൽ ഒന്നാണ് ഇത്. ഇപ്പോൾ നടന്നു കൊണ്ടിരിക്കുന്ന ഇന്ത്യ ന്യൂസിലാൻഡ് മത്സരത്തിലും ഇത്തരത്തിൽ ഒരു സംഭവം സംഭവിച്ചിരിക്കുകയാണ്. എന്താണ് ആ സംഭവം എന്ന് നമുക്ക് പരിശോധിക്കാം.

ഇന്ത്യ ന്യൂസിലാൻഡ് ഏകദിന പരമ്പരയിലെ ഒന്നാം ഏകദിനം. മത്സരത്തിലെ 19 മത്തെ ഓവർ. ന്യൂസിലാനണ്ടിന് വേണ്ടി പന്ത് എറിയുന്നത് ബ്രേസ്വെലാണ്. ഇന്ത്യക്ക് വേണ്ടി ക്രീസിൽ ശുഭമാൻ ഗില്ലും.ഗിൽ ഈ സമയം 45 റൺസിലാണ്.ബ്രേസ്വെല്ലിന്റെ ആദ്യ പന്തിൽ നിന്ന് ഗിൽ സ്റ്റെപ് ഔട്ട്‌ ചെയ്യുന്നു. ബാറ്റിൽ തട്ടിയ പന്ത് കീപ്പറും കിവിസ് ക്യാപ്റ്റനായ ലാത്തത്തിന്റെ കയ്യിലേക്ക്.ക്യാച്ച് വിട്ട് കളഞ്ഞ ലാത്താം സ്റ്റമ്പ് ചെയ്യാനുള്ള സുവർണവസരവും പാഴാക്കുന്നു.

നിലവിൽ ഗിൽ സെഞ്ച്വറി നേടി മുന്നേറുകയാണ്. തുടർച്ചയായ രണ്ടാമത്തെ സെഞ്ച്വറിയാണ് ഗിൽ സ്വന്തമാക്കുന്നത്. മാത്രമല്ല 2021മുതൽ ഏകദിന ക്രിക്കറ്റിൽ ഏറ്റവും കൂടുതൽ റൺസ് നേടുന്ന താരമായി ഗിൽ മാറി.ടോസ് നേടി ബാറ്റിംഗ് തിരഞ്ഞെടുത്ത ഇന്ത്യക്ക് വേണ്ടി ക്യാപ്റ്റൻ രോഹിത്തും ഗില്ലും മികച്ച തുടക്കം നൽകി. എന്നാൽ രോഹിത് പുറത്തായതിന് ശേഷം തുടരെ വിക്കറ്റുകൾ വീണെകിലും ഒരു വശത്തു ഗിൽ ഉറച്ചു നിൽക്കുകയായിരുന്നു.