Month: May 2023

ബംഗളൂരു ചിന്നസ്വാമി സ്റ്റേഡിയത്തിൽ നടക്കുന്ന ഈ സീസണിലെ അവസാനത്തെയും ഏറ്റവും നിർണായകവുമായ മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ബംഗളൂരുവിന് മികച്ച സ്കോർ. തകർപ്പൻ സെഞ്ചുറി നേടിയ വിരാട് കോഹ്‌ലിയുടെ മികവിൽ, അവർ നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 197 റൺസാണ് നേടിയിരിക്കുന്നത്. നായകൻ ഡു പ്ലെസ്സി(19 പന്തിൽ 28), മൈക്കൽ ബ്രൈസ്‌വെൽ(16 പന്തിൽ 26), അനുജ്‌ റാവത്ത്( 15 പന്തിൽ 23*) എന്നിവരും തിളങ്ങി.

ഇന്ന് നേരത്തെ നടന്ന മത്സരത്തിൽ ഹൈദരാബാദിനെ എട്ട് വിക്കറ്റിന് കീഴടക്കിയ മുംബൈ ഇന്ത്യൻസ്, 16 പോയിന്റോടെ പട്ടികയിൽ നാലാമത് എത്തിനിൽക്കുന്നു. 14 പോയിന്റ് ഉള്ള ബംഗളൂരു ഇന്ന് പരാജയപ്പെടുകയാണെങ്കിൽ, മുംബൈയ്ക്ക് പ്ലേഓഫിലേക്ക് മുന്നേറാം. വിജയം മാത്രം ലക്ഷ്യമിട്ട് ബോളിങ്ങിന് ഇറങ്ങുന്ന ബംഗളൂരുവിന് ജയിക്കാനായാൽ, മികച്ച റൺറേറ്റിന്റെ അടിസ്ഥാനത്തിൽ മുംബൈയെ മറികടന്ന് പ്ലേഓഫിൽ പ്രവേശിക്കാം.

61 പന്തിൽ നിന്നും 13 ഫോറും ഒരു സിക്സും അടക്കം 101 റൺസോടെ പുറത്താകാതെ നിന്ന വിരാട് കോഹ്‌ലി ഒരുപിടി റെക്കോർഡുകളും നേടിയിരുന്നു. ഐപിഎൽ ചരിത്രത്തിലെ ഏറ്റവും കൂടുതൽ സെഞ്ചുറി നേട്ടം(7 തവണ) എന്ന റെക്കോർഡ്, കോഹ്‌ലി ഇന്നത്തെ ഇന്നിങ്സോടെ സ്വന്തം പേരിലാക്കി. 6 സെഞ്ചുറികൾ‌ നേടിയ ക്രിസ് ഗെയിലിനെയാണ് പിന്തള്ളിയത്. മാത്രമല്ല, കഴിഞ്ഞ മത്സരത്തിലും സെഞ്ചുറി നേടിയ അദ്ദേഹം, തുടർച്ചയായ മത്സരങ്ങളിൽ സെഞ്ചുറിനേട്ടം കൊയ്യുന്ന മൂന്നാമത്തെ താരവുമായി. 2020ൽ ഡൽഹിയുടെ ശിഖർ ധവാനും, 2022ൽ രാജസ്ഥാന്റെ ജോസ് ബട്ട്‌ലറുമാണ് ഇതിനുമുൻപ് ഈ നേട്ടത്തിൽ എത്തിയത്.

സെഞ്ചുറി ഇന്നിങ്സ് വീഡിയോ..

ഐപിഎൽ ക്രിക്കറ്റിൽ ഇന്ന് ഉച്ചകഴിഞ്ഞു നടന്ന നിർണായക മത്സരത്തിൽ, 8 വിക്കറ്റ് വിജയവുമായി 16 പോയിന്റോടെ മുംബൈ ഇന്ത്യൻസ് പോയിന്റ് പട്ടികയിൽ നാലാമതെത്തി. ഇന്ന് രാത്രി നടക്കുന്ന സീസണിലെ അവസാന ലീഗ് മത്സരത്തിൽ, ഗുജറാത്ത് ബംഗളൂരുവിനെ തോൽപ്പിക്കുകയാണെങ്കിൽ മുംബൈയ്ക്ക് പ്ലേഓഫിലേക്ക് മുന്നേറാം. ബംഗളൂരു ജയിക്കുകയാണെങ്കിൽ അവർക്കും 16 പോയിന്റ് ആകുകയും, മികച്ച റൺറേറ്റ് അടിസ്ഥാനത്തിൽ അവർ പ്ലേഓഫിലേക്ക് കടക്കുകയും ചെയ്യും.

മുംബൈ വാങ്കഡെ സ്റ്റേഡിയത്തിൽ നടന്ന മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ഹൈദരാബാദ്, നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 200 റൺസാണ് നേടിയത്. ഓപ്പണർമാരായ വിവ്രാന്ത് ശർമ(69), മായങ്ക് അഗർവാൾ(83) എന്നിവർ നൽകിയ മികച്ച തുടക്കം, പിന്നീട് വന്നവർക്ക് മുതലാക്കാൻ കഴിഞ്ഞിരുന്നെങ്കിൽ അവർ 20-30 റൺസ് അധികം നേടിയേനെ. മറുപടി ബാറ്റിങ്ങിൽ 18 ഓവറിൽ വെറും 2 വിക്കറ്റ് നഷ്ടത്തിൽ മുംബൈ വിജയലക്ഷ്യം മറികടന്നു. കന്നി ട്വന്റി ട്വന്റി സെഞ്ചുറി നേടിയ ഓൾറൗണ്ടർ കാമറൂൺ ഗ്രീനിന്റെയും, അർദ്ധസെഞ്ചുറി നേടിയ നായകൻ രോഹിത് ശർമ്മയുടെയും(56) മികവിലായിരുന്നു മുന്നേറ്റം.

47 പന്ത് നേരിട്ട ഗ്രീൻ, 8 വീതം ഫോറും സിക്സും അടക്കമാണ് 100 റൺസ് നേടിയത്. സീസണിൽ സമ്മിശ്ര രീതിയിലുള്ള പ്രകടനങ്ങൾ നടത്തിയ ഗ്രീൻ, ടീമിന് ഏറ്റവും ആവശ്യമായ ഘട്ടത്തിൽ തകർപ്പൻ ഫോമിലേക്ക് എത്തുകയായിരുന്നു. ഐപിഎൽ ചരിത്രത്തിലെ ഏറ്റവും ഉയർന്ന രണ്ടാമത്തെ ലേലത്തുകയ്‌ക്കാണ് ഗ്രീൻ മുംബൈ ടീമിലെത്തിയത്. 18.5 കോടിയ്ക്ക്‌ പഞ്ചാബ് കിംഗ്സ് സ്വന്തമാക്കിയ സാം കറൻ കഴിഞ്ഞാൽ, പിന്നെ ഏറ്റവും തുക ലഭിച്ചത് 17.5 കോടി നേടിയ ഗ്രീനിന് ആയിരുന്നു. എന്തായാലും അതിനൊത്ത പ്രകടനം ഏറ്റവും നിർണായക മത്സരത്തിൽ കാഴ്ചവെക്കാൻ അദ്ദേഹത്തിന് കഴിഞ്ഞു.

ഇന്നലെ ഡൽഹിയിൽ നടന്ന പോരാട്ടത്തിൽ 77 റൺസ് വിജയത്തോടെ ചെന്നൈ സൂപ്പർ കിംഗ്സ് പ്ലേഓഫിലേക്ക്‌ മുന്നേറിയിരിക്കുകയാണ്. ഇന്നലെ നടന്ന മറ്റൊരു മത്സരത്തിൽ വിജയിച്ച ലഖ്നൗ സൂപ്പർ ജയന്റ്സിനും 17 പോയിന്റ് ഉണ്ടെങ്കിലും, മികച്ച റൺറേറ്റ് അടിസ്ഥാനത്തിൽ ചെന്നൈ രണ്ടാമതെത്തി. ഇതോടെ ചൊവ്വാഴ്ച രാത്രി നടക്കുന്ന ഒന്നാം ക്വാളിഫയർ മത്സരത്തിൽ ചെന്നൈയും ഗുജറാത്തും ഏറ്റുമുട്ടും. ചെന്നൈ ചെപ്പോക്ക്‌ സ്റ്റേഡിയത്തിലാണ് മത്സരം നടക്കുന്നതെന്ന ആനുകൂല്യം കൂടി അവർക്കുണ്ട്.

ഇന്നലെ നടന്ന പോരാട്ടത്തിൽ ടോസ് നേടി ആദ്യം ബാറ്റ് ചെയ്ത ചെന്നൈ, നിശ്ചിത 20 ഓവറിൽ 223/3 എന്ന കൂറ്റൻ സ്കോറാണ് നേടിയത്. കളിയിലെ താരമായ ഋതുരാജ് ഗായക്വാദ്‌(50 പന്തിൽ 79), സഹഓപ്പണർ ഡെവോൺ കോൺവെ(52 പന്തിൽ 87) എന്നിവരുടെ മികവിൽ മികച്ച തുടക്കം കുറിച്ച ചെന്നൈ, ശിവം ദുബേ(9 പന്തിൽ 22), രവീന്ദ്ര ജഡേജ(7 പന്തിൽ 20) എന്നിവരുടെ മികച്ച ഫിനിഷിങ്ങിലൂടെ കൂറ്റൻ ടോട്ടൽ നേടുകയായിരുന്നു. മറുപടി ബാറ്റിങ്ങിൽ 58 പന്തിൽ 86 റൺസെടുത്ത നായകൻ ഡേവിഡ് വാർണറിന്‌ മാത്രമേ ചെന്നൈ ബോളർമാർക്ക് മുന്നിൽ പിടിച്ചുനിൽക്കാൻ കഴിഞ്ഞുള്ളൂ. അതോടെ അവരുടെ ഇന്നിങ്സ് 20 ഓവറിൽ 146/9 എന്ന നിലയിൽ അവസാനിച്ചു.

അതിനിടെ ചെന്നൈ ബോളിങ് സമയത്ത് നായകൻ മഹേന്ദ്ര സിംഗ് ധോണിയ്‌ക്ക് തന്റെ നിയന്ത്രണം നഷ്ടപ്പെടുന്ന ഒരു നിമിഷമുണ്ടായി. ഡൽഹി ഇന്നിങ്സ് 14 ഓവറിൽ 110/5 എന്ന നിലയിൽ ഉള്ളപ്പോൾ സ്ട്രറ്റജിക് ടൈംഔട്ട് സമയത്താണ്, ധോണി അമ്പയർ ക്രിസ് ഗഫാനിയോട് കയർത്തു സംസാരിച്ചത്. പന്തിന്റെ അവസ്ഥ മോശമായതിനു പിന്നാലെ, അതുമാറ്റി വേറെ പന്ത് എടുക്കുന്നതിനെക്കുറിച്ചായിരുന്നു തർക്കം ഉടലെടുത്തത്. സാധാരണ അങ്ങനെ മറ്റൊരു പന്ത് എടുക്കുമ്പോൾ, മുൻപ് വേറെ മത്സരത്തിൽ ഉപയോഗിച്ച പഴയ പന്താണ് എടുക്കേണ്ടത്. എന്നാൽ ഇന്നലെ നല്ല പുത്തൻ പന്താണ്‌ അമ്പയർ കൊണ്ടുവന്നത്. ഇത് ബാറ്റിംഗ് ടീമിന് അനായാസം റൺസ് നേടാൻ സഹായിക്കും എന്നതായിരുന്നു ധോണിയുടെ പരാതി.

കൊൽക്കത്ത ഈഡൻ ഗാർഡൻസിൽ ശനിയാഴ്ച രാത്രി നടന്ന ഇഞ്ചോടിഞ്ച് പോരാട്ടത്തിനൊടുവിൽ 1 റൺസിന് വിജയിച്ച ലഖ്നൗ സൂപ്പർ ജയന്റ്സ്, ഐപിഎൽ പ്ലേഓഫിൽ പ്രവേശിച്ചിരിക്കുകയാണ്. മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ലഖ്നൗ, നിശ്ചിത 20 ഓവറിൽ 8 വിക്കറ്റ് നഷ്ടത്തിൽ 176 റൺസാണ് നേടിയത്. 30 പന്തിൽ 58 റൺസെടുത്ത പുരനായിരുന്നു ടോപ് സ്കോറർ. മറുപടി ബാറ്റിങ്ങിൽ കൊൽക്കത്തയുടെ ഇന്നിങ്സ് 175/7 എന്ന നിലയിൽ അവസാനിക്കുകയായിരുന്നു. 33 പന്തിൽ 67 റൺസോടെ പുറത്താകാതെ നിന്ന റിങ്കു സിംഗിന്റെ പോരാട്ടം പാഴായി.

18 ഓവറിൽ 136/7 എന്ന നിലയിലായിരുന്ന കൊൽക്കത്തയെ അവിസ്മരണീയ വിജയത്തിന്റെ വക്കോളം എത്തിച്ചത് റിങ്കുവിന്റെ ഒറ്റയാൾ പോരാട്ടമായിരുന്നു. നവീൻ ഉൾ ഹഖ് എറിഞ്ഞ പത്തൊമ്പതാം ഓവറിൽ 4,4,4,2,6,0 എന്നിങ്ങനെ നേടിയ റിങ്കു, അവസാന ഓവറിലേക്ക് 21 റൺസായി വിജയലക്ഷ്യം കുറച്ചു. പതിനേഴാം ഓവറിൽ വെറും 5 റൺസ് മാത്രം വഴങ്ങി മികച്ചുനിൽക്കുകയായിരുന്നു നവീൻ ഉൾ ഹഖ്. എങ്കിലും അദ്ദേഹം തന്റെ അവസാന ഓവറിൽ റിങ്കു സിങ്ങിന്റെ ബാറ്റിന്റെ ചൂടറിഞ്ഞു. ഇരുപതാം ഓവർ എറിയാൻ എത്തിയത് പേസർ യാഷ് താക്കൂർ ആയിരുന്നു.

ആദ്യ പന്തിൽ തന്നെ ലോങ് ഓണിലേക്ക് കളിച്ച് സിംഗിൾ നേടിയ വൈഭവ് അറോറ റിങ്കുവിന് സ്ട്രൈക്ക് കൈമാറി. റിങ്കു നേരിട്ട ആദ്യ പന്ത് വൈഡ്, പിന്നീട് എറിഞ്ഞപ്പോൾ ബൗൺസർ ആയിപ്പോയതുകൊണ്ട് റിങ്കുവിന് ഒന്നും ചെയ്യാനായില്ല. മൂന്നാം പന്തിൽ ഡീപ് മിഡ് വിക്കറ്റിലേക്ക് കളിച്ചെങ്കിലും, സിംഗിൾ മാത്രമേയുള്ളൂ എന്നു കരുതി അദ്ദേഹം റൺ ഓടാൻ കൂട്ടാക്കിയില്ല. പക്ഷേ യഥാർത്ഥത്തിൽ ഡീപ് ബൗണ്ടറിയിൽ രണ്ട് ഫീൽഡർമാർക്ക് ഇടയിൽ പോയ പന്തിൽ, അനായാസം ഡബിൾ ഓടിയെടുക്കാമായിരുന്നു.

അതോടെ അവസാന മൂന്നു പന്തിൽ 19 റൺസ് എന്ന വിജയലക്ഷ്യമായി. എങ്കിലും അടുത്ത പന്തിൽ യാഷ് താക്കൂർ മറ്റൊരു വൈഡ് എറിഞ്ഞതോടെ 3 പന്തിൽ 18 റൺസായി. നാലാം പന്ത് ഡീപ് മിഡ് വിക്കറ്റിലേക്ക് സിക്സ് പറത്തിയ റിങ്കു, കൊൽക്കത്ത ആരാധകരെ ഉണർത്തി. ഗുജറാത്ത് ടൈറ്റൻസിനെതിരായ മത്സരത്തിൽ പേസർ യാഷ് ദയാലിനെ അവസാന 5 പന്തുകളിൽ സിക്സ് പറത്തിക്കൊണ്ട് റിങ്കു സിംഗ് നേടിയെടുത്ത അവിസ്മരണീയ വിജയം എല്ലാവരുടെയും മനസ്സിലേക്കു കയറിവരുന്നു. എങ്കിലും ശേഷിച്ച രണ്ട് പന്തുകളിൽ ഫോറും സിക്‌സുമാണ് നേടാനായത്. അതോടെ ഒരു റൺ അകലെ വിജയം നഷ്ടമായി.

ഐപിഎല്ലിൽ ശനിയാഴ്ച ഉച്ചകഴിഞ്ഞ് നടന്ന മത്സരത്തിൽ ‍ഡൽഹി ക്യാപിറ്റൽസിനെ 77 റൺസിന് തോൽപ്പിച്ച്, ചെന്നൈ സൂപ്പർ കിംഗ്സ് പ്ലേഓഫ് ഉറപ്പാക്കിയിരുന്നു. ഡൽഹിയിൽ നടന്ന പോരാട്ടത്തിൽ ടോസ് നേടി ആദ്യം ബാറ്റ് ചെയ്ത ചെന്നൈ, നിശ്ചിത 20 ഓവറിൽ 223/3 എന്ന കൂറ്റൻ സ്കോറാണ് നേടിയത്. മറുപടിയായി ‍ഡൽഹിക്ക് 20 ഓവറിൽ 9 വിക്കറ്റ് നഷ്ടത്തിൽ 146 റൺസ് എടുക്കാനേ കഴിഞ്ഞുള്ളൂ. 58 പന്തിൽ 86 റൺസോടെ നായകൻ ഡേവിഡ് വാർണർ ഒറ്റയാൾ പോരാട്ടം നടത്തിയെങ്കിലും, മറുവശത്ത് പിന്തുണ നൽകാൻ ആരുമുണ്ടായില്ല.

നേരത്തെ ആദ്യ ബാറ്റിങ്ങിൽ കളിയിലെ താരമായ ഋതുരാജ് ഗായക്വാദ്‌(50 പന്തിൽ 79), സഹഓപ്പണർ ഡെവോൺ കോൺവെ(52 പന്തിൽ 87) എന്നിവരുടെ മികവിൽ മികച്ച തുടക്കം കുറിച്ച ചെന്നൈ, ശിവം ദുബേ(9 പന്തിൽ 22), രവീന്ദ്ര ജഡേജ(7 പന്തിൽ 20) എന്നിവരുടെ മികച്ച ഫിനിഷിങ്ങിലൂടെ കൂറ്റൻ ടോട്ടൽ നേടുകയായിരുന്നു. നായകൻ മഹേന്ദ്രസിംഗ് ധോണി 4 പന്തിൽ 5 റൺസോടെ പുറത്താകാതെ നിന്നു.

അതിനിടെ ഏതാനും ദിവസങ്ങൾക്കുമുമ്പ് നടന്ന ഒരു സംഭവത്തിന്റെ പേരിൽ ധോണിക്ക് ഒരുപാട് വിമർശനങ്ങൾ നേരിടേണ്ടിവന്നിരുന്നു. ചെന്നൈ ചെപ്പോക്ക്‌ സ്റ്റേഡിയത്തിൽ അവരുടെ ഈ സീസണിലെ അവസാന ഹോം മത്സരത്തിൽ കൊൽക്കത്തയോട്‌ 6 വിക്കറ്റിന് തോറ്റശേഷം നടന്നതാണ് ഈ സംഭവം. സീസണിൽ ഉടനീളം തങ്ങളെ അകമഴിഞ്ഞ് സ്നേഹിക്കുകയും പ്രോത്സാഹിപ്പിക്കുകയും ചെയ്ത ആരാധകരോട് നന്ദി അറിയിക്കാനായി ധോണിയുടെ നേതൃത്വത്തിൽ ചെന്നൈ ടീം ഒന്നടങ്കം ഗ്രൗണ്ടിനുചുറ്റും വലംവച്ചിരുന്നു.

അതിനിടെ ധോണിയോട് മൈക്കുമായി സംസാരിക്കാനെത്തിയ സ്റ്റാർ സ്പോർട്സ് തമിഴ് ചാനലിന്റെ പ്രതിനിധിയെ ധോണി തട്ടിമാറ്റുന്ന വീഡിയോ വൈറലായിരുന്നു. ധോണി ചെയ്ത ഈ പ്രവർത്തി മോശമായിപ്പോയി എന്ന് ഒരുപാട് പേർ സമൂഹമാധ്യമങ്ങളിൽ അഭിപ്രായപ്പെട്ടിരുന്നു. എന്നാലിപ്പോൾ പുറത്തുവന്നിരിക്കുന്ന മറ്റൊരു വീഡിയോയിൽ അതിനുശേഷം എന്താണ് നടന്നത് എന്ന് കാണാം. ഗാലറിയിലേക്ക് ചെന്നൈ ജേഴ്സികൾ എറിഞ്ഞു കൊടുത്തുകൊണ്ടിരുന്ന ധോണി, പിന്തിരിഞ്ഞ് ഇദ്ദേഹത്തിനും ഒരെണ്ണം എറിഞ്ഞു നൽകുന്നതാണ് വീഡിയോയിൽ. തന്റെ പ്രിയപ്പെട്ട താരത്തിന്റെ കയ്യിൽനിന്നും അത് ലഭിച്ചതിന്റെ സന്തോഷം അയാളിൽ കാണാം.

സീസണിലെ തങ്ങളുടെ അവസാന മത്സരത്തിൽ ‍ഡൽഹി ക്യാപിറ്റൽസിനെ 77 റൺസിന് കീഴടക്കിയ ചെന്നൈ സൂപ്പർ കിംഗ്സ് പ്ലേഓഫിലേക്ക് കടന്നിരിക്കുകയാണ്. ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിൽ നടന്ന മത്സരത്തിൽ ടോസ് നേടി ആദ്യം ബാറ്റിംഗിനിറങ്ങിയ ചെന്നൈ, നിശ്ചിത 20 ഓവറിൽ 3 വിക്കറ്റ് നഷ്ടത്തിൽ 223 റൺസാണ് നേടിയത്. ഡൽഹിയുടെ മറുപടി 20 ഓവറിൽ വെറും 142/9 എന്ന നിലയിൽ അവസാനിക്കുകയായിരുന്നു. നായകൻ ഡേവിഡ് വാർണർ 86 റൺസുമായി പൊരുതിനോക്കിയെങ്കിലും, മറ്റാർക്കും പിന്തുണ നൽകാൻ സാധിച്ചില്ല.

3 വിക്കറ്റ് വീഴ്ത്തിയ പേസർ ദീപക് ചഹാറും, രണ്ട് വിക്കറ്റ് വീതം വീഴ്ത്തിയ ശ്രീലങ്കൻ താരങ്ങളായ തീക്ഷണയും പതിരാനയും ചെന്നൈയുടെ വിജയം എളുപ്പമാക്കി. നേരത്തെ ആദ്യ ബാറ്റിങ്ങിൽ ഒന്നാം വിക്കറ്റിൽ കോൺവെയും ഋതുരാജും 141 റൺസിന്റെ കൂട്ടുകെട്ട് സൃഷ്ടിച്ചു ചെന്നൈയ്ക്ക് മികച്ച തുടക്കം നൽകി. ഋതുരാജ് 79 റൺസും കോൺവെ 87 റൺസും എടുത്തു. പിന്നീടെത്തിയ ശിവം ദുബേ(9 പന്തിൽ 22), രവീന്ദ്ര ജഡേജ(7 പന്തിൽ 20) എന്നിവരുടെ മികവിൽ ചെന്നൈ കൂറ്റൻ സ്കോർ കണ്ടെത്തി.

അതിനിടെ ‍ഡൽഹിയുടെ ബാറ്റിങ്ങിന് ഇടയിൽവെച്ച് വാർണറും ജഡേജയും തമ്മിൽ നടന്ന ഒരു സൗഹൃദനിമിഷത്തിന്റെ വീഡിയോയാണ് ഇന്റർനെറ്റിൽ തരംഗമായി മാറിയിരിക്കുന്നത്. പേസർ ദീപക് ചഹാർ എറിഞ്ഞ അഞ്ചാം ഓവറിന്റെ മൂന്നാം പന്തിൽ ആയിരുന്നു സംഭവം. കവറിലേക്ക് കളിച്ച വാർണർ ഒരു ബുദ്ധിമുട്ടേറിയ സിംഗിൾ ഓടിയെടുത്തു. ബോളിങ് എൻഡിലേക്ക് മൊയീൻ അലി എറിഞ്ഞ പന്ത് വിക്കറ്റിൽ കൊണ്ടിരുന്നുവെങ്കിൽ വാർണർ തീർച്ചയായും പുറത്തായേനെ. പന്ത് നേരെ പോയത് അപ്പുറത്ത് നിന്നിരുന്ന രഹാനെയുടെ കൈകളിലേക്ക്.

അപ്പോൾ തമാശരൂപേണ വീണ്ടും റൺ ഓടുന്ന തരത്തിൽ വാർണർ ക്രീസിൽ നിന്നും മുന്നോട്ട് കയറിനിന്നു. അതോടെ രഹാനെയും പന്ത് വിക്കറ്റിൽ എറിഞ്ഞ് കൊള്ളിക്കാൻ നോക്കി. ഇത്തവണയും കൊണ്ടില്ല, പന്ത് പിന്നീട് പോയത് ജഡേജയുടെ കൈകളിലേക്ക്. വീണ്ടും ഒരിക്കൽകൂടി വാർണർ ക്രീസിൽ നിന്നും മുന്നോട്ട് കയറിവരുന്നു. അതോടെ ജഡേജ വിക്കറ്റിലേക്ക് ലക്ഷ്യം വയ്ക്കുന്ന പോലെയുള്ള ആംഗ്യം കാണിച്ചു. അന്നേരം ജഡേജയുടെ തനത് ശൈലിയിൽ ബാറ്റ് ചുഴറ്റിയുള്ള സെലിബ്രേഷൻ വാർണർ അനുകരിക്കുന്നു. അതോടെ ചിരിയടക്കാൻ കഴിയാതെ ജഡേജ, പന്ത് വിക്കറ്റിലേക്ക് എറിയാതെ മടങ്ങുകയാണ്.

ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിൽ നടക്കുന്ന ഇന്നത്തെ ഐപിഎൽ പോരാട്ടത്തിൽ ചെന്നൈ സൂപ്പർ കിംഗ്സിന്‌ കൂറ്റൻ സ്കോർ. മത്സരത്തിൽ ടോസ് നേടി ആദ്യം ബാറ്റിംഗിനിറങ്ങിയ അവർ നിശ്ചിത 20 ഓവറിൽ 3 വിക്കറ്റ് നഷ്ടത്തിൽ 223 റൺസാണ് നേടിയത്. ഇന്ന് വിജയിക്കുകയാണെങ്കിൽ ചെന്നൈയ്‌ക്ക് പ്ലേഓഫിലേക്ക് മുന്നേറാം. അഥവാ പരാജയപ്പെട്ടാൽ, മറ്റ് ടീമുകളുടെ കൂടെ മത്സരഫലത്തെ ആശ്രയിച്ചിരിക്കും ചെന്നൈയുടെ സാധ്യതകൾ.

പതിവുപോലെ ഓപ്പണർമാരായ കൊൺവെയും ഋതുരാജും ചേർന്ന് വെടിക്കെട്ട് തുടക്കമാണ് അവർക്ക് സമ്മാനിച്ചത്. ഓവറിൽ 10 റൺസ് ശരാശരിക്ക് മുകളിൽ ബാറ്റ് ചെയ്ത ഇരുവരും, ‍ഡൽഹി ബോളർമാരെ തലങ്ങും വിലങ്ങുമായി പ്രഹരിച്ചു. ചേതൻ സകരിയ എറിഞ്ഞ പതിനഞ്ചാം ഓവറിന്റെ മൂന്നാം പന്തിലാണ് ആദ്യ വിക്കറ്റ് വീഴുന്നത്. 50 പന്തിൽ 79 റൺസെടുത്ത ഋതുരാജാണ് പുറത്തായത്. പിന്നീടെത്തിയ ശിവം ദുബേ അതിവേഗം 9 പന്തിൽ 22 റൺസ് എടുത്തു പുറത്തായി. 87 റൺസെടുത്ത കോൺവെയും അതേ സ്കോറിൽ മടങ്ങി. 7 പന്തിൽ 20 റൺസെടുത്ത ജഡേജയും 4 പന്തിൽ 5 റൺസെടുത്ത ധോണിയും പുറത്താകാതെ നിന്നു.

അതിനിടെ മത്സരത്തിന് മുൻപ് നടന്ന ഒരു സംഭവത്തിന്റെ വീഡിയോയാണ് ഇപ്പോൾ ഇന്റർനെറ്റിൽ തരംഗമായി മാറിയിരിക്കുന്നത്. ഡൽഹിയിലെ ബഹദൂർ ഷാ സഫർ മാർഗിലൂടെ, ചെന്നൈയുടെ ടീം ബസ് സ്റ്റേഡിയത്തിലേക്ക് അടുക്കുമ്പോൾ, മഞ്ഞ ജേഴ്സി ധരിച്ച ആരാധകരുടെ തള്ളിക്കയറ്റത്തിൽ ഗതാഗതം തടസപ്പെടുന്ന കാഴ്ചയാണ് കാണാൻ കഴിഞ്ഞത്. എല്ലാവരുടെയും പ്രിയപ്പെട്ട തല ധോണിയെ ഒരുനോക്ക് കാണാനും ചിത്രമെടുക്കാനും വഴിനീളെ ആരാധകർ തിരക്കുകൂട്ടി. ഏറെ പണിപ്പെട്ടാണ് ടീം ബസുകൾക്ക് അതുവഴി കടന്നുപോകാൻ കഴിഞ്ഞത്.

ഐപി‌എൽ 2023 സീസൺ അതിന്റെ അവസാനത്തിലേക്ക് നീങ്ങുമ്പോൾ, പ്ലേഓഫ് സ്പോട്ടിനായി പോര് മുറുകുകയാണ്. ഇതുവരെ ഔദ്യോഗികമായി പോയിന്റ് പട്ടികയിൽ, ഒന്നാമത് നിൽക്കുന്ന ഗുജറാത്ത് മാത്രമാണ് പ്ലേഓഫ് ഉറപ്പിച്ചത്. ശേഷിക്കുന്ന 3 സ്ഥാനങ്ങളിലേക്ക് 6 ടീമുകൾക്ക് ഇനിയും സാധ്യതയുണ്ട്. മഹേന്ദ്രസിംഗ് ധോണിയുടെ നേതൃത്വത്തിൽ ഇറങ്ങുന്ന ചെന്നൈയ്ക്ക് ഇന്നത്തെ മത്സരത്തിൽ ‍ഡൽഹിയെ തോൽപ്പിക്കാൻ കഴിഞ്ഞാൽ അവർക്ക് പ്ലേഓഫിൽ പ്രവേശിക്കാം.

ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിൽ നടക്കുന്ന മത്സരത്തിൽ, ടോസ് നേടിയ ധോണി ആദ്യം ബാറ്റിംഗ് തിരഞ്ഞെടുത്തിരിക്കുകയാണ്. ടൂർണമെന്റിൽ നിന്നും നേരത്തെതന്നെ പുറത്തായ ‍ഡൽഹിക്ക് ഇനി നഷ്ടപ്പെടാൻ ഒന്നുമില്ല. അതുകൊണ്ട് തന്നെ തങ്ങളുടെ അവസാന മത്സരത്തിൽ ഒരു വിജയത്തോടെ വിടവാങ്ങാൻ ആഗ്രഹിച്ചാണ് അവർ ഇറങ്ങുന്നത്. മറുവശത്ത് ജയിച്ചാൽ പ്ലേഓഫ് ഉറപ്പുള്ള ചെന്നൈയ്ക്ക്, തോറ്റാൽ മറ്റ് ടീമുകളുടെയും ഫലം കൂടി ആശ്രയിക്കേണ്ടി വരും.

അതിനിടെ സമൂഹമാധ്യമങ്ങളിൽ ചെന്നൈ നായകൻ ധോണിയുടെ ഒരു വീഡിയോ ഇപ്പോൾ തരംഗമായി മാറിയിട്ടുണ്ട്. കൊൽക്കത്തയ്‌ക്കെതിരെ ചെപ്പോക്കിൽ കളിച്ച മത്സരം സീസണിലെ അവരുടെ അവസാന ഹോംമത്സരമായിരുന്നു. മത്സരത്തിൽ 6 വിക്കറ്റിന് പരാജയപ്പെട്ടുവെങ്കിലും, മത്സരം കഴിഞ്ഞ് തങ്ങളെ പിന്തുണച്ച ആരാധകർക്ക് നന്ദി പറയാനായി ധോണിയുടെ നേതൃത്വത്തിൽ ടീമംഗങ്ങൾ എല്ലാവരും ഗ്രൗണ്ടിന് ചുറ്റും വലംവച്ചിരുന്നു. അതിനിടെ ധോണിയോട് എന്തോ ചോദ്യം ചോദിക്കാനായി മൈക്കുമായി എത്തിയ, സ്റ്റാർ സ്പോർട്സ് തമിഴ് ചാനലിന്റെ പ്രവർത്തകനെ തട്ടിമാറ്റുന്ന ധോണിയുടെ പ്രവർത്തി ചോദ്യംചെയ്താണ് ക്രിക്കറ്റ് ആരാധകർ രംഗത്തെത്തിയിരിക്കുന്നത്.

വീഡിയോ കാണാം..