ഐപിഎൽ ക്രിക്കറ്റിൽ ഹൈദരാബാദിനോടും കൂടി തോറ്റതോടെ തുടർച്ചയായ രണ്ടു പരാജയങ്ങൾ നേരിട്ട് മുംബൈയുടെ ക്യാമ്പിൽ അസ്വസ്ഥത പുകയുന്നു.ക്യാപ്റ്റൻ ഹർദിക് പാണ്ഡ്യയുടെ അതിരുവിട്ട പെരുമാറ്റങ്ങളും മോശം ക്യാപ്റ്റൻസിയും ടീമിൻറെ തോൽവിക്ക് കാരണമായി എന്നാണ് വിമർശനങ്ങൾ. മുൻ ക്യാപ്റ്റൻ രോഹിത് ശർമയെ ഫീൽഡിങ്ങിന്റെ പേരിൽ കളിക്കളത്തിൽ പാണ്ഡ്യ അപമാനിച്ചു എന്നും സോഷ്യൽ മീഡിയ പറയുന്നു. കൂടാതെ സീനിയർ താരങ്ങളോടുള്ള ക്യാപ്റ്റന്റെ പെരുമാറ്റം വളരെ മോശമാണെന്നുംഇത് ടീമിൻറെ കെട്ടുറപ്പിനെ ബാധിക്കുന്നു എന്നും വിമർശനങ്ങൾ ഉണ്ട്. ഈ ആരോപണങ്ങൾ ശരിവെക്കുന്ന പുതിയൊരു വീഡിയോ കൂടി ഇപ്പോൾ പുറത്തുവന്നിരിക്കുകയാണ്.
ഹൈദരാബാദിനെതിരെയുള്ള മത്സരത്തിനുശേഷം ഡഗ്ഔട്ടിൽ തിരിച്ചെത്തിയ പാണ്ഡ്യ ബൗളിംഗ് കോച്ച് മല്ലിങ്കയെ തനിക്കിരിക്കാൻ കസേരയിൽ നിന്നും എഴുന്നേൽപ്പിക്കുന്നതും അദ്ദേഹം നീരസത്തോടെ എഴുന്നേറ്റ് പോകുന്നതുമായ വീഡിയോ ആണ് ഇപ്പോൾ പുറത്തുവന്നിരിക്കുന്നത്. ഇതുകണ്ട് തൊട്ടടുത്തിരുന്ന അസിസ്റ്റൻറ് കോച്ച് പൊള്ളാർഡ് അസ്വസ്ഥതയോടെ പാണ്ഡ്യയെ നോക്കുന്നതും വീഡിയോയിൽ ഉണ്ട്.വൈറലായ ആ വീഡിയോ ഇതാ
— nadeeer (@nadeeer413915) March 29, 2024