ഐപിഎൽ ക്രിക്കറ്റിൽ വിരാട് കോലിയും മുൻ താരം ഗൗതം ഗംഭീറും തമ്മിലുള്ള പോര് വളരെ പ്രശസ്തമാണ്. കഴിഞ്ഞ രണ്ട് സീസണുകളിലും ഇരുവരും ഗ്രൗണ്ടിൽ പരസ്യമായി കൊമ്പു കോർക്കുകയും വാക്കറ്റത്തിൽ ഏർപ്പെടുകയും ചെയ്തിരുന്നു. മാത്രമല്ല ഐപിഎൽ അച്ചടക്ക സമിതി ഇരുവരെയും ശിക്ഷിക്കാനും നിർബന്ധിതരായി. ഇന്നത്തെ മത്സരത്തിന് തൊട്ടുമുമ്പ് ആർസിബിയെ തോൽപ്പിക്കുന്നത് താൻ നിരന്തരം സ്വപ്നം കാണാറുണ്ടെന്നും ഗംഭീർ പറഞ്ഞിരുന്നു.ഇതോടെ ഇരു ടീമുകളും ഇന്ന് മൈതാനത്തിറങ്ങുമ്പോൾ ഇരു താരങ്ങളും തമ്മിൽ അടി പ്രതീക്ഷിച്ചാണ് ഏവരും എത്തിയത്.
എന്നാൽ എല്ലാവരുടെയും പ്രതീക്ഷകൾ തെറ്റിക്കുന്ന സംഭവ വികാസങ്ങളാണ് ഇന്ന് ഗ്രൗണ്ടിൽ കണ്ടത്. ഡ്രിങ്ക്സ് ബ്രേക്കിൽ കോലിയും ഗംഭീറും മൈതാനത്ത് കണ്ടുമുട്ടിയപ്പോൾ പരസ്പരം കുശലം പറയുകയും ചിരിയോടെ ആലിംഗനം ചെയ്യുന്നതും പുറത്തുവന്ന വീഡിയോയിൽ കാണാമായിരുന്നു. ഒരടി പ്രതീക്ഷിച്ചു വന്നവരെ ഒന്നടങ്കം അത്ഭുതപ്പെടുത്തുന്ന പെരുമാറ്റമായിരുന്നു ഈ രണ്ട് മുതിർന്ന താരങ്ങളുടെ ഭാഗത്തുനിന്നും ഉണ്ടായത്.വൈറലായ ആ വീഡിയോ ഇതാ
— nadeeer (@nadeeer413915) March 29, 2024