ഇന്ത്യൻ പ്രീമിയർ ലീഗ് വാശിയേറിയ എലിമിനേറ്ററിൽ രാജസ്ഥാൻ ബാംഗ്ലൂർ മത്സരം പുരോഗമിക്കുകയാണ്. ടോസ് നേടിയ രാജസ്ഥാൻ ക്യാപ്റ്റൻ സഞ്ജു ജോൺസൺ ബാംഗ്ലൂരിനെ ബാറ്റിംഗിന് അയച്ചു. 20 ഓവറിൽ ബാംഗ്ലൂർ എട്ട് വിക്കറ്റിന് 172 റൺസ് എടുത്തു.മറുപടി ബാറ്റിംഗിന് ഇറങ്ങിയ രാജസ്ഥാന് ഓപ്പണർമാർ മികച്ച തുടക്കം നൽകി. പക്ഷേ സ്കോർ 46 നിൽക്കുമ്പോൾ രാജസ്ഥാന് ആദ്യ വിക്കറ്റ് നഷ്ടമായി. 20 റൺസ് എടുത്ത കാഡ്മോർ പുറത്തായി. പക്ഷേ തുടർന്ന് ബാറ്റിംഗിന് ഇറങ്ങിയ സഞ്ജു സാംസൺ ഉജ്വലമായി ബാറ്റിംഗ് തുടർന്നു. എന്നാൽ അപകടകാരിയായ സഞ്ജുവിനെ പുറത്താക്കാൻ ബാംഗ്ലൂരിന് കിട്ടിയ ഒരു സുവർണാവസരം കളഞ്ഞു കുളിച്ചതിന്റെ വീഡിയോ ആണ് ഇപ്പോൾ വൈറലായി കൊണ്ടിരിക്കുന്നത്.
എട്ടാം ഓവറിലെ രണ്ടാം പന്തിൽ കരൺ ശർമ എറിഞ്ഞ പന്ത് സ്വീപ്പർ കവറിൽ സഞ്ജു തട്ടിയിട്ട് റൺസിനായി ഓടി. ആദ്യ റൺ ഓടി രണ്ടാം റൺ പൂർത്തിയാക്കും മുമ്പ് ഫീൽഡറുടെ കയ്യിൽ പന്ത് എത്തുകയും സഞ്ജു തിരിഞ്ഞോടുകയും ചെയ്തു. ഈ സമയം ക്രീസിനു പുറത്തായിരുന്ന സഞ്ജുവിനെ ഔട്ടാക്കാൻ കിട്ടിയ സുവർണാവസരം ബോളർ കരൺ ശർമ്മ കളഞ്ഞു കുളിച്ചു. പന്ത് ശ്രദ്ധിക്കാതെ ഇരുന്ന ബോളർ സഞ്ജു ക്രിസിന് പുറത്താണ് എന്നുള്ളത് ശ്രദ്ധിച്ചില്ല. ഭാഗ്യം കൊണ്ട് സഞ്ജു രക്ഷപ്പെട്ടു. കവറിൽ ഫീൽഡ് ചെയ്യുകയായിരുന്നു വിരാട് കോലി ബൗളറോട് ചാൻസ് മിസ്സ് ആക്കിയതിൽ ദേഷ്യപ്പെടുന്നതും കാണാമായിരുന്നു. വൈറലായ ആ വീഡിയോ കാണാം
— nadeer500 (@nadeer50048205) May 22, 2024