ട്വന്റി-20 ലോകകപ്പിലെ ഫൈനൽ മത്സരത്തിൽ പാകിസ്താനെതിരെ ഇംഗ്ലണ്ടിന് 5 വിക്കറ്റിന്റെ മിന്നുന്ന ജയം, ഇംഗ്ലണ്ട് ബോളർമാരുടെ മികച്ച പ്രകടനവും ബാറ്റിങ്ങിൽ അർധ സെഞ്ച്വറി നേടിക്കൊണ്ട് ഇംഗ്ലണ്ടിനെ മുന്നിൽ നിന്ന് നയിച്ച ബെൻ സ്റ്റോക്ക്സിന്റെ ഇന്നിംഗ്സും ആണ് ഇംഗ്ലണ്ടിന്റെ വിജയത്തിൽ നിർണായകമായത്, ഇംഗ്ലണ്ടിന്റെ രണ്ടാം ട്വന്റി-20 ലോകകപ്പ് കിരീടം ആണ് ഇത്, ഇതിന് മുമ്പ് ഇംഗ്ലണ്ട് ട്വന്റി-20 ലോകകപ്പ് കിരീടം നേടിയത് 2010 ൽ ആണ് അന്ന് ഓസ്ട്രേലിയയെ 7 വിക്കറ്റിന് തോൽപ്പിച്ചാണ് ഇംഗ്ലണ്ട് കുട്ടി ക്രിക്കറ്റിലെ ജേതാക്കൾ ആയത്, ഇതോടെ 2 തവണ ട്വന്റി-20 ലോകകപ്പ് നേടുന്ന ടീം എന്ന വെസ്റ്റീൻഡിസിന്റെ നേട്ടത്തിനൊപ്പം എത്താൻ ഇംഗ്ലണ്ടിനും സാധിച്ചു.
മത്സരത്തിൽ ടോസ് നേടിയ ഇംഗ്ലണ്ട് ക്യാപ്റ്റൻ ജോസ് ബട്ട്‌ലർ പാകിസ്താനെ ബാറ്റിങ്ങിന് അയക്കുകയായിരുന്നു, മികച്ച രീതിയിൽ ഇംഗ്ലണ്ട് ബോളർമാർ പന്തെറിഞ്ഞപ്പോൾ പവർപ്ലേ ഓവറുകളിൽ റൺസ് എടുക്കാൻ പാകിസ്താൻ ഓപ്പണിങ് ബാറ്റർമാർ ബുദ്ധിമുട്ടി, മുഹമ്മദ്‌ റിസ്വാനെ (15) വീഴ്ത്തി സാം കുറാൻ ആണ് ഇംഗ്ലണ്ടിന് ആദ്യ ബ്രേക്ക്‌ ത്രു സമ്മാനിച്ചത്, പിന്നാലെ മുഹമ്മദ്‌ ഹാരിസിനെ (8) ആദിൽ റഷീദ് വീഴ്ത്തിയതോടെ പാകിസ്താൻ സമ്മർദ്ദത്തിലായി.
മറുവശത്ത് പതിയെ തുടങ്ങിയ പാക്കിസ്ഥാൻ ക്യാപ്റ്റൻ ബാബർ അസം മികച്ച ഇന്നിങ്സിലേക്ക് പോകുമെന്ന് തോന്നിച്ചെങ്കിലും, പന്ത്രണ്ടാം ഓവർ ചെയ്യാനെത്തിയ റഷീദിന്റെ മികച്ച ഒരു പന്തിൽ റിട്ടേൺ ക്യാച്ചിലൂടെ ബാബർ പുറത്തായി, ഒടുവിൽ നിശ്ചിത 20 ഓവറിൽ 137/8 എന്ന സ്കോറിൽ പാകിസ്താന്റെ ഇന്നിംഗ്സ് അവസാനിച്ചു.
പാകിസ്താൻ ഉയർത്തിയ ചെറിയ വിജയലക്ഷ്യം നേടാനായി മറുപടി ബാറ്റിങ്ങിനിറങ്ങിയ ഇംഗ്ലണ്ടിന് കാര്യങ്ങൾ അത്ര എളുപ്പമായിരുന്നില്ല, പാകിസ്താൻ ഫാസ്റ്റ് ബോളർമാർ വേഗതയിലും മികച്ച ലൈനിലും ലെങ്ത്തിലും പന്തെറിഞ്ഞത്തോടെ റൺസ് കണ്ടെത്താൻ ഇംഗ്ലണ്ട് ബാറ്റർമാർ നന്നായി പാട് പെട്ടു, 45/3 എന്ന നിലയിൽ നിന്ന് ബെൻ സ്റ്റോക്സ് മത്സരം പതിയെ ഇംഗ്ലണ്ടിന്റെ വരുതിയിലേക്ക് കൊണ്ട് വന്നു, തീ പാറുന്ന പാകിസ്താൻ പേസ് ആക്രമണത്തിന് മുന്നിൽ പിടിച്ച് നിന്ന ബെൻ സ്റ്റോക്സ് 52* മൊയിൻ അലിയെ(19) കൂട്ട് പിടിച്ച് ഒരു ഓവർ ശേഷിക്കെ ഇംഗ്ലണ്ടിനെ വിജയത്തിലേക്ക് നയിക്കുകയായിരുന്നു.
മത്സരം പാക്കിസ്ഥാന്റെ കൈയിൽ നിന്ന് വഴുതി പോകുമെന്ന ഘട്ടമെത്തിയപ്പോൾ അത് വരെ ഏറെ ആവേശത്തോടെയും പ്രതീക്ഷയോടെയും മത്സരം വീക്ഷിച്ചിരുന്ന പാകിസ്താൻ ആരാധകരുടെ മുഖത്തെ സന്തോഷം മാഞ്ഞു തുടങ്ങി , 2019 ഏകദിന ലോകകപ്പിൽ പാകിസ്താൻ- ഓസ്ട്രേലിയയെ മത്സരത്തിനിടെ മുഹമ്മദ്‌ സരിം അക്തർ എന്ന പാകിസ്താൻ ആരാധകന്റെ നിരാശ ഭാവം വളരെയധികം പ്രശസ്തമായിരുന്നു, അതേ പോലെ തന്നെ ഇന്നലത്തെ മത്സരത്തിലും മറ്റൊരു പാകിസ്താൻ ആരാധകന്റ നിരാശനായ മുഖം സോഷ്യൽ മീഡിയകളിൽ വൈറൽ ആയി.