കഴിഞ്ഞ ഏകദിന മത്സരത്തിൽ ഇന്ത്യയുടെ തോൽവിയുടെ ഏറ്റവും വലിയ കാരണമായിരുന്നു കെ എൽ രാഹുൽ. അന്ന് മെഹേന്ദി ഹസന്റെ ക്യാച്ച് രാഹുലിന് കൈപിടിയിൽ ഒതുക്കാൻ കഴിഞ്ഞിരുന്നില്ല. അവസരം മുതലെടുത്ത മെഹന്ദി ഹസൻ ബംഗ്ലാദേശിന് ത്രസിപ്പിക്കുന്ന വിജയം സ്വന്തമാക്കി കൊടുത്തിരുന്നു.ഇപ്പോൾ നടന്നു കൊണ്ടിരിക്കുന്ന ഇന്ത്യ ബംഗ്ലാദേശ് രണ്ടാം ഏകദിന മത്സരത്തിൽ കഴിഞ്ഞ മത്സരത്തിന് തക്കതായ പ്രായശ്ചിത്തം ചെയ്തിരിക്കുക്കയാണ് കെ എൽ രാഹുൽ.
ബംഗ്ലാദേശ് ഇന്നിങ്സിന്റെ 47 ഓവറിലാണ് സംഭവം.6 വിക്കറ്റ് നഷ്ടത്തിൽ 69 റൺസ് എന്നാ നിലയിൽ നിന്ന് മഹമ്മദുള്ളയും മെഹേന്ദിയും ചേർന്നു ബംഗ്ലാദേശിനെ അതിശകതമായ നിലയിലേക്ക് എത്തിച്ചു കൊണ്ടിരിക്കുകയാണ്.സ്റ്റാൻഡ് ഇൻ ക്യാപ്റ്റനായ രാഹുൽ ഉമ്രാൻ മാലിക്കിനെ പന്ത് ഏല്പിച്ചു.ആദ്യ പന്തിൽ തന്നെ മഹമ്മദുള്ളയെ തന്റെ വലത്തേക്ക് ചാടി കെ എൽ രാഹുൽ അതിമനോഹരമായി ഒറ്റ കൈ കൊണ്ട് കൈപിടിയിൽ ഒതുക്കുകയായിരുന്നു.96 പന്തിൽ 77 റൺസായിരുന്നു മഹമ്മദുള്ള സ്വന്തമാക്കിയത്.
മത്സരത്തിന്റെ തുടക്കത്തിൽ തന്നെ കൈക്ക് പരിക്കേറ്റു രോഹിത് കളം വിട്ടിരുന്നു. നിലവിൽ ഇന്ത്യയെ നയിക്കുന്നത് രാഹുലാണ്.പരമ്പരയിലെ ആദ്യ മത്സരത്തിന് മുന്നേ ഇന്ത്യയുടെ സ്ഥിരവിക്കറ്റ് കീപ്പറായിരുന്ന പന്തിന് പരിക്ക് ഏറ്റിരുന്നു. അത് കൊണ്ട് തന്നെ രാഹുൽ കീപ്പിങ് ഗ്ലോവ്സ് സ്വീ‌കരിക്കുകയായിരുന്നു.നിലവിൽ ഇത് വരെ മികച്ച പ്രകടനം തന്നെയാണ് രാഹുൽ കീപ്പർ എന്നാ നിലയിൽ കാഴ്ച വെക്കുന്നത്.