ബംഗ്ലാദേശിനെതിരായ മൂന്നാം ഏകദിനത്തിൽ പരിക്കേറ്റ ക്യാപ്റ്റൻ രോഹിതിന് പകരം ടീമിലെത്തിയ ഇഷാൻ കിഷൻ ഗംഭീര ബാറ്റിങ് പ്രകടനം കാഴ്ച്ചവെക്കുകയാണ്. ഏകദിനത്തിലെ ആദ്യ സെഞ്ചുറി 85 പന്തിൽ നിന്ന് കരസ്ഥമാക്കി. ധവാനോടൊപ്പം ഓപ്പണിങ്ങിൽ എത്തിയ ഇഷാൻ കിഷൻ തുടക്കം മുതൽ തന്നെ ആക്രമിച്ച് കളിക്കുകയായിരുന്നു.
ഇന്ത്യൻ ഇന്നിംഗ്‌സിന്റെ 24ആം ഓവറിലെ ആദ്യ പന്തിൽ ഫോറിലൂടെയാണ് സെഞ്ചുറി തികച്ചത്.
ആക്രോശിച്ച് കൊണ്ട് വമ്പൻ ആഘോഷവും നടത്തി. മറുവശത്ത് ഉണ്ടായിരുന്ന കോഹ്ലി ആഘോഷത്തിൽ ഒപ്പം കൂടി. 2 സിക്‌സും 14 ഫോറിന്റെയും അകമ്പടിയോടെയാണ് ഈ നേട്ടം. ഏകദിനത്തിലെ ഇഷാന്റെ ഒമ്പതാം ഇന്നിംഗ്സ് കൂടിയാണിത്.
49 പന്തിൽ നിന്ന് ഫിഫ്റ്റി പൂർത്തിയാക്കിയ ഇഷാൻ അടുത്ത 36 പന്തിൽ സെഞ്ചുറിയിലെത്തി. ഒടുവിൽ റിപ്പോർട്ട് ലഭിക്കുമ്പോൾ ഇന്ത്യ 25 ഓവറിൽ 1 വിക്കറ്റ് നഷ്ട്ടത്തിൽ 170 റൺസ് നേടിയിട്ടുണ്ട്. 93 പന്തിൽ 114 റൺസ് നേടി ഇഷാനും, 49 പന്തിൽ 47 റൺസ് നേടി കോഹ്ലിയുമാണ് ക്രീസിൽ.
8 പന്തിൽ 3 റൺസ് നേടിയ ധവാന്റെ വിക്കറ്റാണ് നഷ്ട്ടമായത്. മെഹിദി ഹസന്റെ ഡെലിവറിയിൽ എൽബിഡബ്ല്യൂവിലൂടെയാണ് പുറത്തായത്. രോഹിതിന്റെ അഭാവത്തിൽ കെഎൽ രാഹുലാണ് ടീമിനെ നയിക്കുന്നത്. നേരെത്തെ ആദ്യ 2 മത്സരത്തിലും ജയിച്ച ബംഗ്ലാദേശ് സ്വന്തമാക്കിയിരുന്നു.
ഇന്ത്യ (പ്ലേയിംഗ് ഇലവൻ): ശിഖർ ധവാൻ, ഇഷാൻ കിഷൻ, വിരാട് കോലി, ശ്രേയസ് അയ്യർ, കെ എൽ രാഹുൽ (w/c), വാഷിംഗ്ടൺ സുന്ദർ, അക്സർ പട്ടേൽ, ശാർദുൽ താക്കൂർ, കുൽദീപ് യാദവ്, മുഹമ്മദ് സിറാജ്, ഉമ്രാൻ മാലിക്
ബംഗ്ലാദേശ് (പ്ലേയിംഗ് ഇലവൻ): അനാമുൽ ഹഖ്, ലിറ്റൺ ദാസ് (സി), ഷാക്കിബ് അൽ ഹസൻ, യാസിർ അലി, മുഷ്ഫിഖുർ റഹിം (ഡബ്ല്യു), മഹ്മുദുള്ള, അഫീഫ് ഹൊസൈൻ, മെഹിദി ഹസൻ മിറാസ്, ഇബാദോട്ട് ഹൊസൈൻ, മുസ്തഫിസുർ റഹ്മാൻ, തസ്കിൻ അഹമ്മദ്
