ന്യുസിലാൻഡിനെതിരായ 3 മത്സരങ്ങൾ അടങ്ങുന്ന ഏകദിന പരമ്പരയ്ക്ക് ഹൈദരാബാദിൽ വെച്ച തുടക്കമായി. ആദ്യ മത്സരത്തിൽ ടോസ് നേടിയ ഇന്ത്യ ബാറ്റിങ് തിരഞ്ഞെടുത്തിട്ടുണ്ട്. ഇന്ത്യൻ ഇന്നിംഗ്സ് 19 ഓവർ പിന്നിട്ടപ്പോൾ ഇന്ത്യ 2 വിക്കറ്റ് നഷ്ട്ടത്തിൽ 105 റൺസ് നേടിയിട്ടുണ്ട്. ഫിഫ്റ്റിയുമായി ഗിലും (53 പന്തിൽ 53), 13 പന്തിൽ 5 റൺസുമായി ഇഷാൻ കിഷനുമാണ് ക്രീസിൽ.
ഇന്ത്യൻ ക്യാപ്റ്റൻ രോഹിത് (34), വിരാട് കോഹ്ലി (8) എന്നിവരുടെ വിക്കറ്റുകളാണ് നഷ്ട്ടമായത്. ഇന്ത്യൻ സ്‌കോർ 60ൽ നിൽക്കെയാണ് 34 റൺസ് നേടിയ രോഹിത് ക്യാച്ചിലൂടെ പുറത്തായത്. ടിക്നർക്കാണ് വിക്കറ്റ്.
പിന്നാലെ ക്രീസിൽ എത്തിയ തകർപ്പൻ ഫോമിലുള്ള കോഹ്ലി ഇത്തവണ നിരാശപ്പെടുത്തി. 16ആം ഓവറിലെ രണ്ടാം പന്തിൽ സാന്റ്നറുടെ ഡെലിവറിയിലാണ് ബൗൾഡായത്.
ഡെലിവറിയുടെ ലെങ്തിൽ കണക്ക് പിഴച്ച കോഹ്ലിയുടെ ഓഫ് സ്റ്റംപ് ഇളക്കിയാണ് പന്ത് കടന്ന് പോയത്. ഡെലിവറി കോഹ്ലിയെ ആശ്ചര്യപ്പെടുത്തിയെന്നത് മുഖഭാവങ്ങളിൽ നിന്ന് വ്യക്തമാണ്. കഴിഞ്ഞ മത്സരത്തിൽ ശ്രീലങ്കയ്ക്കെതിരെ 110 പന്തിൽ നിന്ന് കോഹ്ലി 8 സിക്സ് അടക്കം 166 റൺസ് സ്‌കോർ ചെയ്തിരുന്നു.
ഇന്ത്യ പ്ലെയിംഗ് ഇലവൻ – രോഹിത് ശർമ്മ, സുബ്മാൻ ഗിൽ, വിരാട് കോലി, സൂര്യകുമാർ യാദവ്, ഇഷാൻ കിഷൻ, ഹാർദിക് പാണ്ഡ്യ, വാഷിംഗ്ടൺ സുന്ദർ, ഷാർദുൽ താക്കൂർ, കുൽദീപ് യാദവ്, മുഹമ്മദ് ഷമി, മുഹമ്മദ് സിറാജ്
ന്യൂസിലൻഡ് – ഫിൻ അലൻ, ഡെവൺ കോൺവേ, ഹെൻറി നിക്കോൾസ്, ഡാരിൽ മിച്ചൽ, ടോം ലാതം, ഗ്ലെൻ ഫിലിപ്‌സ്, മൈക്കൽ ബ്രേസ്‌വെൽ, മിച്ചൽ സാന്റ്‌നർ, ഹെൻറി ഷിപ്ലി, ലോക്കി ഫെർഗൂസൺ, ബ്ലെയർ ടിക്‌നർ.
