ലോകത്തിലെ സകല ഫ്രാഞ്ചൈസി ട്വന്റി ട്വന്റി ടൂർണമെന്റുകളിൽ പങ്ക് എടുക്കുന്ന താരമാണ് ബെൻ കട്ടിങ്. ഇന്ത്യൻ പ്രീമിയർ ലീഗ് മുതൽ പാകിസ്ഥാൻ സൂപ്പർ ലീഗ് വരെ ഇതിൽ പെടും. സൺ റൈസേഴ്സ് ഹൈദരാബാദിന് ഒപ്പം ഇന്ത്യൻ പ്രീമിയർ ലീഗ് കിരീടം സ്വന്തമാക്കാനും അദ്ദേഹത്തിന് സാധിച്ചിട്ടുണ്ട്. മാത്രമല്ല അദ്ദേഹം മികച്ച ഒരു സിക്സ് ഹിറ്ററാണെന്ന് പല തവണ തെളിയിക്കപെട്ടിട്ടുള്ളതാണ്.
നിലവിൽ നടന്ന് കൊണ്ടിരിക്കുന്ന പാകിസ്ഥാൻ സൂപ്പർ ലീഗിലും അദ്ദേഹം തന്റെ സിക്സ് ഹിറ്റിങ് പുറത്ത് എടുത്തിരിക്കുകയാണ്. പാകിസ്ഥാൻ സൂപ്പർ ലീഗിൽ കറാച്ചി കിങ്‌സ് മുൾട്ടാൻ സുൽതാനസിനെ നേരിടുകയാണ്. അവസാന 5 പന്തിൽ കറാച്ചിക്ക്‌ ജയിക്കാൻ വേണ്ടത് 13 റൺസ്.അബ്ബാസ് ആഫ്രിദിയാണ് സുൽതാൻ വേണ്ടി ബൗൾ ചെയ്യുന്നത്.ആഫ്രിദി എറിഞ്ഞ രണ്ടാമത്തെ പന്ത് ബെൻ കട്ടിങ് സിക്സർ പറത്തി.107 മീറ്റർ അകലെയാണ് പന്ത് ചെന്ന് വീണത്.ഈ പാകിസ്ഥാൻ സൂപ്പർ ലീഗ് സീസണിലെ ഏറ്റവും നീളമേറിയ സിക്സ് ആണ് അദ്ദേഹം സ്വന്തമാക്കിയത്.
10 പന്തിൽ 12 റൺസ് കട്ടിങ് സ്വന്തമാക്കി. എന്നാൽ മൂന്നു റൺസിന് കിങ്‌സ് തോൽവി രുചിച്ചു. നേരത്തെ റിസ്‌വാൻ നേടിയ സെഞ്ച്വറി മികവിൽ സുൽതാൻസ് 193 റൺസ് സ്വന്തമാക്കുകയായിരുന്നു.മറുപടി ബാറ്റിംഗിൽ ക്യാപ്റ്റൻ ഇമാദ് വാസിമും വിൻസും തിരിച്ചു അടിച്ചെങ്കിലും മൂന്നു റൺസ് അകലെ കറാച്ചി വീണു. നിലവിൽ കറാച്ചി പോയിന്റ് ടേബിളിൽ നാലാമതും സുൽതാൻസ് ഒന്നാമതുമാണ്.