മികച്ച ഫോമിലായിരുന്നു ഇന്ത്യ ഓസ്ട്രേലിയ ഏകദിന പരമ്പരക്ക് വരുമ്പോൾ ഗിൽ. എന്നാൽ ആദ്യ രണ്ട് ഏകദിന മത്സരങ്ങളിലും താരത്തിന് തിളങ്ങാനായില്ല. മാത്രമല്ല ഈ രണ്ട് മത്സരങ്ങളിലും ഒരേ രീതിയിൽ തന്നെ ഒരു ബൗളേർക്ക് മുന്നിലാണ് ഗിൽ പുറത്തായത്.സ്റ്റാർക്കിന് മുന്നിലാണ് ഈ രണ്ട് തവണയും ഗിൽ പുറത്തായത്. ഈ ഒരു കാരണം കൊണ്ട് തന്നെ ഗില്ലിന് എതിരെ വിമർശനങ്ങൾ ഉയർന്നിരുന്നു.
ഇപ്പോൾ ഈ വിമർശനങ്ങൾ എല്ലാം ഇപ്പോൾ കാറ്റിൽ പറത്തിയിരിക്കുകയാണ് ഗിൽ. നിലവിൽ സ്റ്റാർക്കിനെതിരെ മികച്ച രീതിയിൽ താരം ബാറ്റ് ചെയ്യുകയാണ്.സ്റ്റാർക് എറിഞ്ഞ രണ്ടാമത്തെ ഓവറിൽ അടിച്ച സിക്സ് എത്രത്തോളമാണ് തന്റെ പ്രതിഭ എന്നതിന്റെ തെളിവാണെന്ന് ഗിൽ അടിവരയിടുന്നു.തുടർന്ന് വന്ന ഓവറിലും തുടർച്ചയായ ബൗണ്ടറികൾ ഗിൽ നേടി. എന്നാൽ ആ സിക്സ് വന്ന വഴി നമുക്ക് ഒന്ന് പരിശോധിക്കാം.
ഓസ്ട്രേലിയ ഉയർത്തിയ 270 റൺസ് വിജയലക്ഷ്യം പിന്തുടരാൻ ഇറങ്ങിയ ഇന്ത്യ മികച്ച രീതിയിൽ തുടങ്ങി.ഇന്നിങ്സിലെ മൂന്നാമത്തെ ഓവർ.ഓവറിലെ നാലാമത്തെ പന്ത്. സ്റ്റാർക്കിന്റെ ഒരു ഇൻ സ്വിങർ.മിഡിൽ സ്റ്റമ്പിൽ വന്ന പന്ത് ഗിൽ ഫ്ലിക്ക് ചെയ്യുന്നു.പന്ത് നിലം തൊടാതെ ഗാലറിയിലേക്ക്.ഗില്ലിന്റെ ഈ ഷോട്ട് കണ്ട ഇന്ത്യൻ നായകനും ഓസ്ട്രേലിയ നായകനും അഭിനന്ദിക്കാൻ മറന്നില്ല.താരത്തിന്റെ ഷോട്ട് കണ്ട് അന്തം വിട്ട ഇരുവരുടെയും ചിത്രം ഇപ്പോൾ സമൂഹ മാധ്യമങ്ങളിൽ തരംഗമാണ്.