ക്യാച്ചുകൾ ഒരു മത്സരത്തെ എത്രത്തോളം മാറ്റിമറിക്കുമെന്ന് നമ്മൾ കണ്ടിട്ടുള്ളതാണ്. ഇന്ത്യൻ പ്രീമിയർ ലീഗിൽ അവിശ്വസനീയമായ രീതിയിൽ ഫീൽഡർമാർ ക്യാച്ചുകൾ നേടാറുണ്ട്. ബൗണ്ടറി ലൈനിലാണ് ഇത്തരത്തിലുള്ള ക്യാച്ചുകൾ പൊതുവെ കാണുക.എന്നാൽ ഇപ്പോൾ നടന്ന് കൊണ്ടിരിക്കുന്ന റോയൽ ചലഞ്ചഴ്‌സ് ബാംഗ്ലൂർ ഡൽഹി ക്യാപിറ്റൽസ് മത്സരത്തിൽ ഇത്തരത്തിൽ ഒരു ക്യാച്ച് പിറവി എടുത്തിരിക്കുകയാണ്.
വിരാട് കോഹ്ലിയും ഫാഫ് ഡ്യൂ പ്ലസ്സിസും അടങ്ങിയ ബാറ്റിംഗ് നിര മികച്ച രീതിയിൽ ബാറ്റ് ചെയ്യുകയാണ്. റൺ റേറ്റ് തടയാൻ ഡൽഹി ബൗളേർമാർ വല്ലാതെ കഷ്ടപെടുന്നു.ഡൽഹി ക്യാപിറ്റൽസിന് വേണ്ടി അഞ്ചാമത്തെ ഓവർ എറിയാൻ മിച്ചൽ മാർഷ് എത്തുന്നു.ഓവറിലെ ആദ്യത്തെ പന്തിൽ കോഹ്ലി ബൗണ്ടറി സ്വന്തമാക്കി. തുടർന്ന് ഫാഫിന് സ്ട്രൈക്ക് നൽകുന്നു.
നേരിട്ട ആദ്യ പന്തിൽ തന്നെ ഫാഫ് മിഡ്‌ ഓഫീലൂടെ ബൗണ്ടറി നേടുന്നു.അടുത്ത പന്തിൽ മിഡ്‌ വിക്കറ്റിലൂടെ ബൗണ്ടറി നേടാൻ ബാംഗ്ലൂർ നായകൻ ഫാഫ് ഡ്യൂ പ്ലസ്സിസ് ശ്രമിക്കുന്നു.ചിന്നസ്വാമിയിൽ കാണികളും കോഹ്ലിയും ഡൽഹി ഫീൽഡർമാരും ബൗണ്ടറി പോകുമെന്ന് കരുതി. എന്നാൽ മിഡ്‌ വിക്കറ്റിൽ ഫീൽഡ് ചെയ്തു കൊണ്ടിരുന്ന അമൻ ഖാൻ അങ്ങനെ കരുതാൻ തയ്യാറായില്ല. പന്തിന് വേണ്ടി ചാടുന്നു. ഒരൊറ്റ കൈ കൊണ്ട് തന്നെ അദ്ദേഹം പന്ത് കൈപിടിയിൽ ഒതുക്കുന്നു.സീസണിലെ ഏറ്റവും മികച്ച ക്യാച്ചുകളിൽ ഒന്ന് തന്നെയാണ് ഇത്.