ഇന്ത്യൻ പ്രീമിയർ ലീഗിൽ ഇന്നലെ നടന്ന റോയൽ ചലഞ്ചേഴ്‌സ് ബാംഗ്ലൂർ ഡൽഹി ക്യാപിറ്റൽസ് തമ്മിലുള്ള മത്സരത്തിൽ പ്രധാന ചർച്ച വിഷയം വിരാട് കോഹ്ലി തന്നെയായിരുന്നു. ആദ്യ ഇന്നിങ്സിൽ ഫിഫ്റ്റി സ്വന്തമാക്കിയ കോഹ്ലി ഫിഫ്റ്റി നേടിയ വല്ലാതെ അഗ്രെസ്സീവായി അത് ആഘോഷിക്കുകയുണ്ടായി.ഡൽഹി ക്യാപിറ്റൽസിന്റെ കോച്ചിംഗ് സ്റ്റാഫിൽ ഗാംഗുലി ഉണ്ടായിരുന്നത് കൊണ്ടാണ് ഇത്തരത്തിൽ കോഹ്ലി ആഘോഷിച്ചത് എന്നാണ് പൊതുവെ പറയപെടുന്നത്.
ഈ ഒരു കാര്യം സ്ഥിരീകരിക്കുന്ന തരത്തിലുള്ള സംഭവ വികാസങ്ങളും മത്സരത്തിന് ശേഷം സംഭവിച്ചിരുന്നു. മത്സര ശേഷം ഇരു ടീം അംഗങ്ങളും തമ്മിൽ കൈ കൊടുക്കയുണ്ടായി. എന്നാൽ ഗാംഗുലിക്ക്‌ കോഹ്ലി കൈ കൊടുക്കാതെ പോകുന്ന വീഡിയോകൾ ഇപ്പോൾ സമൂഹ മാധ്യമങ്ങളിൽ തരംഗമാണ്. ഇന്നലെ കളിക്ക് ഇടയിൽ തന്നെ കോഹ്ലിക്ക്‌ ഗാംഗുലിയോടുള്ള ദേഷ്യം പുറത്ത് കാണിക്കുന്ന മറ്റൊരു സംഭവം കൂടി സംഭവിച്ചിരുന്നു .
ഡൽഹി ക്യാപിറ്റൽസ് ഇന്നിങ്സിന്റെ 18 മത്തെ ഓവറിലായിരുന്നു സംഭവം.സിറാജ് എറിഞ്ഞ പന്ത് അമൻ ഖാൻ ബൗണ്ടറിയിലേക്ക് പായിക്കുകയാണ്. എന്നാൽ ആ പന്ത് കോഹ്ലിയുടെ കൈയിൽ വിശ്രമിച്ചു. കോഹ്ലി ഐ പി എല്ലിൽ സ്വന്തമാക്കുന്ന 99 മത്തെ ക്യാച്ച് ആണ് ഇത്.ക്യാച്ച് എടുത്ത ശേഷം ഡൽഹി ഡഗ് ഔട്ടിൽ ഇരുന്ന സൗരവ് ഗാംഗുലിയേ രൂക്ഷമായി നോക്കുന്ന കോഹ്ലിയുടെ ചിത്രവും ഇപ്പോൾ സമൂഹ മാധ്യമങ്ങളിൽ തരംഗമാണ്.മത്സരം ബാംഗ്ലൂർ 23 റൺസിന് വിജയിച്ചിരുന്നു.