കഴിഞ്ഞദിവസം നടന്ന ലക്നൗ പഞ്ചാബ് മത്സരത്തിൽ ലക്നൗ തോൽവി ഏറ്റുവാങ്ങിയിരുന്നു. ക്യാപ്റ്റൻ രാഹുലിന്റെ മെല്ലെ പോക്കാണ് തോൽവിക്ക് പ്രധാനമായും കാരണമായത് എന്ന് സാമൂഹ്യ മാധ്യമങ്ങളിൽ നിന്നും കനത്ത വിമർശനം ഉയർന്നുകൊണ്ടിരിക്കുകയാണ്. ഓറഞ്ച് ക്യാപ്പ് സ്വന്തമാക്കാൻ വേണ്ടിയുള്ള രാഹുലിന്റെ സ്വാർത്ഥ ശ്രമമാണ് എന്നും ഒരു വിഭാഗം ആളുകൾ പറയുന്നുണ്ട്.
മത്സരത്തിൽ രാഹുൽ 74 റൺ സ്വന്തമാക്കിയിരുന്നു എങ്കിലും 56 പന്തുകൾ നേരിട്ട് ശേഷമാണ് 74 റൺ നേടിയത്. 159 റൺസ് മാത്രമാണ് പഞ്ചാബിനെതിരെ ലക്നൗവിന് നേടാനായത്. പഞ്ചാബ് ക്യാപ്റ്റൻ ശിഖർ ധവാൻ ഇല്ലാതെയാണ് പഞ്ചാബ് മത്സരത്തിന് ഇറങ്ങിയത് എങ്കിലും സിംഭാവൻ ബാറ്റ്സ്മാൻ സിക്കന്ദർ റാസയുടെ ബാറ്റിംഗ് മികവിൽ രണ്ട് വിക്കറ്റുകൾ ശേഷിക്ക് പഞ്ചാബ് ഈ സ്കോർ മറികടന്നു. ഷാരൂഖാന്റെ ബാറ്റിംഗ് മികവും പഞ്ചാബിന് ഗുണകരമായി.
ഇപ്പോൾ പുറത്തുവരുന്നത് ക്യാപ്റ്റൻ രാഹുൽ അത്ര കൂൾ അല്ല എന്ന് തെളിയിക്കുന്ന വീഡിയോ ദൃശ്യങ്ങളാണ്. മത്സരത്തിൽ ലക്നൗ തോൽവിക്കരികിൽ നിൽക്കുന്ന സമയത്ത് സഹ കളിക്കാരനെ ഹിന്ദിയിൽ അസഭ്യം പറയുന്ന വീഡിയോ ആണ് ഇപ്പോൾ വൈറലാകുന്നത്. വലിയ രീതിയിലുള്ള വിമർശനമാണ് രാഹുലിനെതിരെ കഴിഞ്ഞ മത്സരത്തിനു ശേഷം ഉയരുന്നത്. അതിനുപുറമെയാണ് ഈ വീഡിയോ ദൃശ്യം കൂടി പുറത്തുവരുന്നത്. രാഹുൽ ചൂടാവുന്ന വീഡിയോ ദൃശ്യം കാണാം.