മൂന്നാമത്തെ വേൾഡ് ടെസ്റ്റ് ചാമ്പ്യൻഷിപ്പിലെ ഇന്ത്യയുടെ ആദ്യത്തെ മത്സരമാണ് ഇന്നലെ ആരംഭിച്ചത്. വെസ്റ്റ് ഇൻഡീസാണ് ഇന്ത്യയുടെ എതിരാളികൾ. തുടർച്ചയായ രണ്ട് ഫൈനലുകൾ തോറ്റ ഇന്ത്യ പുതിയ മാറ്റങ്ങളുമായിയാണ് വെസ്റ്റ് ഇൻഡീസിനെതിരെ ഇറങ്ങിയത്. യഷ്സ്വി ജെയസ്വാളിനും ഇഷൻ കിഷനും അരങ്ങേറ്റം നൽകിയതാണ് ഇതിൽ പ്രധാനം
മാത്രമല്ല ഗിൽ മൂന്നാം നമ്പറിൽ ബാറ്റ് ചെയ്യും എന്നത് മറ്റൊരു പ്രത്യേകതയാണ്. ടോസ് നേടിയ വിൻഡിസ് നായകൻ ക്രൈഗ് ബ്രാത്വെയ്റ്റ് ബാറ്റിംഗ് തിരഞ്ഞെടുത്തു. പതിവ് പോലെ തന്നെ അശ്വിൻ വിൻഡിസ് ബാറ്റിംഗ് നിരയേ തകർത്തു.60 റൺസ് വിട്ട് കൊടുത്തു 5 വിക്കറ്റാണ് അദ്ദേഹം സ്വന്തമാക്കിയത്. ജഡേജ മൂന്നു വിക്കറ്റും സ്വന്തമാക്കി.
എന്നാൽ ഇപ്പോൾ ക്രിക്കറ്റ് ആരാധകർക്ക് ഇടയിൽ ചർച്ചയായി കൊണ്ടിരിക്കുന്നത് മുഹമ്മദ് സിറാജ് എടുത്ത ഒരു ക്യാച്ചാണ്.വെസ്റ്റ് ഇൻഡീസ് ഇന്നിങ്സിന്റെ 28 മത്തെ ഓവർ. രവീന്ദ്ര ജഡേജയാണ് ഇന്ത്യക്ക് വേണ്ടി ബൗൾ ചെയ്യുന്നത്. ജർമയന് ബ്ലാക്ക്വുഡാണ് വിൻഡിസ് ബാറ്റർ. ഓവറിലെ അവസാനത്തെ പന്ത്, ഔട്ട് സൈഡ് ഓഫ് സ്റ്റമ്പിന് പുറത്ത് വന്ന ഒരു ഫുൾ ലെങ്ത് ഡെലിവറി ബ്ലാക്വുഡ് ജഡേജയുടെ തലക്ക് മീതെ അടിക്കാൻ ശ്രമിക്കുന്നു.മിഡ് ഓഫിൽ അതിമനോഹരമായ രീതിയിൽ സിറാജ് ഒരു ഡൈവിംഗ് ക്യാച്ച് പൂർത്തിയാക്കുന്നു