ഇന്ത്യൻ പാകിസ്ഥാൻ മത്സരം ആവേശകരമായി ആരംഭിച്ചിരിക്കുകയാണ്. പാകിസ്ഥാൻ ബൗളേർമാരും ഇന്ത്യൻ ബാറ്റർമാരും തമ്മിലാണ് മത്സരം എന്ന് തന്നെയായിരിക്കും ഓരോ ക്രിക്കറ്റ് പ്രേമികളും കരുതിയത്. എന്നാൽ ഇപ്പോൾ ഇന്ത്യൻ ബാറ്റർമാറേ നിഷ്പ്രഭമാക്കിയിരിക്കുകയാണ് ഷഹീൻ ഷാ ആഫ്രിദി.
ഇന്ത്യയുടെ ഏറ്റവും മികച്ച ബാറ്റർമാരായ രോഹിത് ശർമയും വിരാട് കോഹ്ലിയും കൂടാരം കയറിയിരിക്കുകയാണ്. രണ്ട് പേരെയും ബൗൾഡ് ആക്കിയത് ഷഹീനും.2021 ട്വന്റി ട്വന്റി ലോകകപ്പ് ഗ്രൂപ്പ് സ്റ്റേജിന്റെ തനിയാവർത്തനം. രോഹിത് ശർമ പുറത്തായപ്പോളാണ് ഇന്ന് കോഹ്ലി ക്രീസിലേക്കെത്തിയത്.നസീമിന്റെ പന്ത് തന്റെ ട്രേഡ്മാർക്ക് ഷോർട്ടായ കവർ ഡ്രൈവിലൂടെ അദ്ദേഹം ബൗണ്ടറി സ്വന്തമാക്കി.
ഇന്നിങ്സിലെ ആറാമത്തെ ഓവർ എറിയാൻ ഷഹീൻ എത്തുന്നു. ആദ്യ പന്തിൽ ഗിൽ സിംഗിൾ നേടുന്നു. കോഹ്ലി ഷഹീനെതിരെ, നേരിട്ട ആദ്യ പന്ത് തന്നെ കോഹ്ലി ലീവ് ചെയ്യുന്നു. രണ്ടാമത്തെ പന്ത് പ്രതിരോധിക്കാൻ ശ്രമിക്കവേ എഡ്ജ് എടുത്തു കോഹ്ലിയുടെ കുറ്റി തെറിക്കുന്നു.വെറും നാല് റണ്ണുമായി കോഹ്ലി തിരകെ ഡഗ് ഔട്ടിലേക്ക്.