അന്താരാഷ്ട്ര ഏകദിന ക്രിക്കറ്റ്‌ ലോകക്കപ്പിലേക്ക് ഇന്ത്യൻ ടീം തിരഞ്ഞെടുത്തപ്പോൾ ഏറ്റവും കൂടുതൽ പഴികേട്ടത് സൂര്യകുമാറിന്റെ സെലക്ഷനിലായിരുന്നു. വളരെ മോശം പ്രകടനം മാത്രമാണ് അദ്ദേഹം ഏകദിന ക്രിക്കറ്റിൽ കാഴ്ച വെച്ച് കൊണ്ടിരുന്നത്.
എന്നാൽ കഴിഞ്ഞ ഓസ്ട്രേലിയക്കെതിരെയുള്ള ഏകദിന പരമ്പര എല്ലാം മാറ്റിമറിച്ചു.അവസാന ഓവറുകളിൽ ആഞ്ഞടിക്കുന്ന സൂര്യയേ ആ സീരീസിൽ കണ്ടു. കഴിഞ്ഞ ദിവസം ലോകക്കപ്പിൽ ഇംഗ്ലണ്ടിനെതിരെയും മികച്ച പ്രകടനമാണ് അദ്ദേഹം കാഴ്ച വെച്ചത്. എന്നാൽ ഇപ്പോൾ വളരെ രസകരമായ ഒരു സംഭവം സംഭവിച്ചിരിക്കുകയാണ്.
തന്റെ ബാറ്റിംഗ് പ്രകടനം എങ്ങനെയുണ്ടെന്ന് അറിയാൻ മാസ്ക് വെച്ച് മുംബൈ മറൈൻ ഡ്രൈവിലേക്ക് അദ്ദേഹം ഇറങ്ങി.ആർക്കും അദ്ദേഹത്തെ തിരിച്ചു അറിയാൻ സാധിച്ചില്ല. എന്നാൽ ഒരു ആരാധകൻ തന്റെ ബാറ്റിംഗ് നല്ല രീതിയിൽ മെച്ചപ്പെടുത്തണമെന്ന് സൂര്യ ആണെന്ന് അറിയാതെ അദ്ദേഹത്തത്തോടെ പറയുകയുണ്ടായി.ഇത് കേട്ടപ്പോൾ തനിക്ക് പൊട്ടി ചിരിക്കണമെന്നും ഉണ്ടായിരുന്നുവെന്ന് സൂര്യ പിന്നീട് വെളുപ്പെടുത്തി. രസകരമായ വീഡിയോ ഇതാ..