നോക്ക് ഔട്ടുകളിൽ വീണു പോകുന്നവൻ, സമ്മർദ്ദം താങ്ങാൻ കഴിയാത്തവൻ എന്നീ പഴികൾ വിരാട് കോഹ്ലി ഒരുപാട് കേട്ടിട്ടുണ്ട്. എന്നാൽ സെമി ഫൈനലിൽ ന്യൂസിലാൻഡിനെതിരെ വിരാട് കോഹ്ലി കാഴ്ച വെച്ചത് ലോക കപ്പ് കണ്ട എക്കാലത്തെയും മികച്ച ഇന്നിങ്സുകളിൽ ഒന്നിനാണ്. 112 പന്തിൽ 117 റൺസാണ് കോഹ്ലി സ്വന്തമാക്കിയത്.
തന്റെ ഏകദിന കരിയറിലെ 50 മത്തെ സെഞ്ച്വറിയാണ് വിരാട് ഇന്ന് സ്വന്തമാക്കിയത്. ഏകദിന ക്രിക്കറ്റ് ചരിത്രത്തിൽ ഇത്രത്തോളം സെഞ്ച്വറി സ്വന്തമാക്കിയ വേറെ ഒരു താരവുമില്ല.സെഞ്ച്വറി നേടിയ ശേഷമുള്ള വിരാടിന്റെ ആഘോഷം ഇപ്പോൾ തരംഗമാണ്.
ഫെർഗുസന്റെ ഓവറിലാണ് കോഹ്ലി സെഞ്ച്വറി സ്വന്തമാക്കുന്നത്. സെഞ്ച്വറി സ്വന്തമാക്കിയ ശേഷം തന്റെ റോൾ മോഡലായ സച്ചിനെ വണങ്ങിയാണ് കോഹ്ലി തന്റെ ആഘോഷം പൂർത്തിയാക്കിയത്.ഗാലറിയിൽ ഇരുന്ന സച്ചിനും കോഹ്ലിക്ക് വേണ്ടി കൈ അടിക്കുകയും ചെയ്തു.