അന്താരാഷ്ട്ര ഏകദിന ക്രിക്കറ്റ് ലോകക്കപ്പിലെ ദക്ഷിണ ആഫ്രിക്ക ഓസ്ട്രേലിയ ലോകക്കപ്പ് സെമി തീർത്തും നാടകീയമായ രീതിയിൽ തന്നെയാണ് മുന്നേറുന്നത്. ടോസ് നേടി ബൗളിംഗ് തെരെഞ്ഞെടുക്കുന്നു ദക്ഷിണ ആഫ്രിക്ക. ശേഷം സ്റ്റാർക്കിന്റെയും ഹെയ്സ്ൽവുഡിന്റെയും തീ തുപ്പുന്ന ഓപ്പണിങ് സ്പെല്ല്.
തകർന്നു പോവുമെന്ന് കരുതിയ ദക്ഷിണ ആഫ്രിക്കയേ മുന്നിൽ നിന്ന് നയിച്ച മില്ലർ ഷോ. തുടർന്ന് 213 റൺസ് ചെയ്‌സ് ചെയ്യാൻ ഇറങ്ങിയ ഓസ്ട്രേലിയക്ക് വാർണറും ഹെഡും കൊടുത്ത തകർപ്പൻ തുടക്കം.എന്നാൽ ഇതിന് എല്ലാം ഉപരി റാസി വാൻ ഡർ ദസ്സൻ സ്വന്തമാക്കിയ അവിശ്വസനീയമായ ക്യാച്ചാണ് ക്രിക്കറ്റ് പ്രേമികൾക്കിടയിലെ ചർച്ച വിഷയം.
ഓസ്ട്രേലിയ ഇന്നിങ്സിന്റെ 8 മത്തെ ഓവർ. ഓവറിലെ നാലാമത്തെ പന്ത്, റബാഡയേ കവറിന് മുകളിലൂടെ ബൗണ്ടറി കടത്താൻ മാർഷ് ശ്രമിക്കുന്നു. എന്നാൽ കവറിൽ തന്റെ വലത് ഭാഗത്തേക്ക് ചാടി അതിമനോഹരമായി റാസി ക്യാച്ച് സ്വന്തമാക്കുന്നു.