ക്യാച്ചുകളാണ് ഒരു ക്രിക്കറ്റ്‌ മത്സരം മാറ്റി മറിക്കുന്നത്. മികച്ച രീതിയിലേക്ക് മുന്നേറുന്ന ഒരു ബാറ്ററേ മികച്ച ഫീൽഡിങ്ങിലൂടെ മാത്രമേ പുറത്താക്കാൻ കഴിയുകയൊള്ളു.17 മത്തെ ഐ പി എൽ സീസണിലെ ഉദ്ഘാടന മത്സരത്തിൽ സംഭവിച്ചിരിക്കുന്നതും ഇത് തന്നെയാണ്
.ചെന്നൈ സൂപ്പർ കിംഗ്‌സും റോയൽ ചലഞ്ചേഴ്‌സ് ബാംഗ്ലൂറും തമ്മിലാണ് മത്സരം. ടോസ് നേടി ബാറ്റ് ചെയ്ത ബാംഗ്ലൂർ തകരുന്നു. കോഹ്ലിയിലൂടെ ഒരു തിരിച്ചു വരവ് അവർ പ്രതീക്ഷിക്കുമ്പോളാണ് അത് സംഭവിച്ചത്.ബാംഗ്ലൂർ ഇന്നിങ്സിന്റെ 12 മത്തെ ഓവർ.മുസ്താഫിസൂരാണ് ചെന്നൈക്ക് വേണ്ടി ബൗൾ ചെയ്യുന്നത്.
കോഹ്ലി മിഡ്‌ വിക്കറ്റിലേക്ക് മുസ്താഫിസുറിനെ പറത്തി വിടുന്നു.എന്നാൽ രഹാനെ പന്ത് കൈപിടിയിൽ ഒതുക്കുന്നു.ശേഷം തനിക്ക് കണ്ട്രോൾ നഷ്ടപെടുന്നതോടെ പന്ത് രചിനിലേക്ക് എറിഞ്ഞു നൽകുന്നു. രചിന് ക്യാച്ച് കൈപിടിയിൽ ഒതുക്കുന്നു.20 പന്തിൽ 21 റൺസുമായി കോഹ്ലി മടങ്ങുകയും ചെയ്തു.