Month: April 2023

ഇന്ത്യൻ പ്രീമിയർ ലീഗ് കണ്ട എക്കാലത്തെയും മികച്ച ഇന്നിങ്സുകളിൽ ഒന്നാണ് മുംബൈ ഇന്ത്യൻസ് രാജസ്ഥാൻ റോയൽസ് മത്സരത്തിൽ സംഭവിച്ചിരിക്കുന്നത്. രാജസ്ഥാന്റെ യുവ താരം യഷ്സ്വവി ജെയ്സവാളിന്റെയാണ് ഈ ഇന്നിങ്സ്.62 പന്തിൽ 124 റൺസാണ് ഈ യുവ താരം സ്വന്തമാക്കിയത്.16 ഫോറും എട്ട് സിക്സുമാണ് അദ്ദേഹം സ്വന്തമാക്കിയത്.

ജോഫ്രേ അർച്ചർ അടക്കുമുള്ള മുംബൈ ഇന്ത്യൻസിന്റെ ലോകോത്തര ബൗളേർക്ക്‌ പോലും ഈ യുവ താരത്തിന് മുന്നിൽ ഉത്തരങ്ങൾ ഉണ്ടായില്ല. ഒരു അൺ ക്യാപ്പ്ഡ് താരത്തിന്റെ ഏറ്റവും ഉയർന്ന സ്കോറാണ് അദ്ദേഹം ഇന്ന് സ്വന്തമാക്കിയത്.120 റൺസ് നേടിയ പോൾ വലതാറ്റിയുടെ റെക്കോർഡാണ് ജെയ്സ്വാൾ സ്വന്തം പേരിൽ കുറിച്ചത്.എന്നാൽ ഈ നേട്ടങ്ങൾക്ക് എല്ലാം ഉപരി ചർച്ചയാകുന്നത് ജെയ്സവാൾ പുറത്തായ രീതിയാണ്.

രാജസ്ഥാൻ റോയൽസ് ഇന്നിങ്സിന്റെ അവസാന ഓവറിലാണ് സംഭവം. മുംബൈ ഇന്ത്യൻസിന് വേണ്ടി അർഷാദാണ് പന്ത് എറിയുന്നത്.ഓവറിലെ നാലാമത്തെ പന്തിൽ അർഷാദ് ഖാൻ ഒരു ഫുൾ ടോസ് എറിയുന്നു.144 കിലോമീറ്റർ വേഗതയിൽ വന്ന ഈ പന്ത് ജെയ്സവാലിന് കൃത്യമായ രീതിയിൽ ബാറ്റിൽ കൊള്ളിക്കാൻ സാധിക്കുന്നില്ല. നേരെ പൊങ്ങുന്ന ബോൾ അർഷാദ് ഖാൻ തന്നെ ഓടി എത്തി തന്റെ കൈപിടിയിൽ ഒതുക്കുന്നു. എന്നാൽ അമ്പയർ ഇത് നോ ബോൾ ആണോ എന്ന് പരിശോധിക്കുന്നു. ഒടുവിൽ നോ ബോൾ അല്ലെന്ന് രീതിയിൽ അമ്പയറിന്റെ വിധി വരുന്നു. ജെയ്സവാൾ പുറത്താകുന്നു.

ഇന്ത്യൻ പ്രീമിയർ ലീഗിന്റെ ഏറ്റവും പുതിയ സീസൺ ആവേശകരമാവുകയാണ്. ഇന്ന് രണ്ട് മത്സരങ്ങളാണ് ഉണ്ടായിരുന്നത്.വൈകിട്ട് നടന്ന മത്സരത്തിൽ പഞ്ചാബ് കിങ്‌സ് ചെന്നൈ സൂപ്പർ കിങ്സിനെ നാല് വിക്കറ്റിന് തോൽപ്പിച്ചിരുന്നു. ഇന്നത്തെ രണ്ടാമത്തെ മത്സരത്തിൽ രാജസ്ഥാൻ റോയൽസ് മുംബൈ ഇന്ത്യൻസിനെ നേരിടുകയാണ്.ടോസ് നേടിയ രാജസ്ഥാൻ ബാറ്റിംഗ് തിരഞ്ഞെടുത്തു.

പതിവ് പോലെ തന്നെ ജയ്സ്വാളും ജോസ് ബറ്റ്ലറും ആക്രമിച്ചു തുടങ്ങി. രാജസ്ഥാൻ റോയൽസ് ഇന്നിങ്സിന്റെ മൂന്നാമത്തെ ഓവർ,ക്യാമറൺ ഗ്രീനാണ് മുംബൈ ഇന്ത്യൻസിന് വേണ്ടി പന്ത് എറിയുന്നത്.ജോസ് ബറ്റ്ലറാണ് രാജസ്ഥാൻ റോയൽസിന് വേണ്ടി ബാറ്റ് ചെയ്യുന്നത്. ഓവറിലെ മൂന്നാമത്തെ പന്ത് ഗ്രീൻ എറിയുകയാണ്.ആദ്യ രണ്ട് പന്തുകളിലും ബറ്റ്ലർക്ക്‌ റൺസ് കണ്ടെത്താൻ കഴിഞ്ഞില്ല.

മൂന്നാമത്തെ പന്ത് ഗ്രീൻ വൈഡ് എറിയുന്നു. റീ എറിഞ്ഞ ബോൾ 143 കിലോമീറ്റർ വേഗതയിൽ വരുന്നു. ജോസ് ബറ്റ്ലറിന്റെ ലെഗ് സൈഡിലുടെ പന്ത് മുംബൈ ഇന്ത്യൻസ് കീപ്പർ ഇഷാൻ കിഷന്റെ കൈകളിലേക്ക്. മുംബൈ താരങ്ങൾ അപ്പീൽ ചെയ്യുന്നു. അമ്പയർ ഔട്ട്‌ വിളിക്കുന്നു. എന്നാൽ ജോസ് ബറ്റ്ലർ റിവ്യൂ കൊടുക്കുന്നു.എന്നാൽ ഏവരെയും ഞെട്ടിച്ചു കൊണ്ട് റീ പ്ലേ എത്തുന്നു. ജോസ് ബറ്റ്ലറിന്റെ ബാറ്റിൽ ആ ബോൾ കൊണ്ടിട്ടില്ലെന്ന് റീ പ്ലേയിൽ വ്യക്തമാകുന്നു.തേർഡ് അമ്പയർ നോട്ട് ഔട്ടും ഒപ്പം വൈഡും നൽകുന്നു.വീണ്ടും ഒരിക്കൽ കൂടി അമ്പയർ ഇത്തരത്തിലുള്ള ഒരു തെറ്റ് ആവർത്തിച്ചു.പിയുഷ് ചവള എറിഞ്ഞ ഏഴാമത്തെ ഓവർ, സഞ്ജു സാംസൺ ഒരു കൂറ്റൻ ഷോട്ടിന് ശ്രമിക്കുന്നു. ഇഷാൻ കിഷൻ പന്ത് കൈപിടിയിൽ ഒതുക്കിയ ശേഷം അപീൽ ചെയ്യുന്നു. അമ്പയർ ഔട്ട്‌ വിളിക്കുന്നു. എന്നാൽ സഞ്ജു റിവ്യൂ കൊടുക്കുന്നു. ഈ തവണയും ബാറ്റ് ബോളിൽ കൊണ്ടിട്ടിലെന്ന് വ്യക്തമാവുന്നു. തേർഡ് അമ്പയർ നോട്ട് ഔട്ട്‌ വിളിക്കുന്നു.

ഇന്ത്യൻ പ്രീമിയർ ലീഗിലെ പതിനാറാം സീസൺ ആവേശകരമായി പുരോഗമിക്കുകയാണ്. ചെന്നൈ സൂപ്പർ കിംഗ്‌സും പഞ്ചാബ് കിംഗ്‌സും തമ്മിലാണ് മത്സരം. ചെന്നൈക്ക് വേണ്ടി ആർപ്പുവിളിച്ചു കൊണ്ട് ആരാധകർ മഞ്ഞകടലാക്കിയ ചെപ്പോക്കിൽ വെച്ചായിരുന്നു മത്സരം. മത്സരത്തിൽ പഞ്ചാബ് നാല് വിക്കറ്റിന് ജയിച്ചു.20 ഓവറിലാണ് പഞ്ചാബ് 201 എന്നാ വിജയലക്ഷ്യം സ്വന്തമാക്കിയത്.

പഞ്ചാബിന് വേണ്ടി ഓരോ ബാറ്റർമാരും മികച്ച രീതിയിൽ തന്നെ ബാറ്റ് ചെയ്തു.24 പന്തിൽ 42 റൺസ് നേടിയ യുവ താരം പ്രഭസിമ്രാനാണ് പഞ്ചാബിന്റെ ടോപ് സ്കോർർ. നേരത്തെ ടോസ് നേടി ബാറ്റിംഗ് തിരെഞ്ഞെടുത്ത ചെന്നൈ സൂപ്പർ കിങ്‌സ് ഓപ്പൺർ ഡെവൺ കോൺവെ സ്വന്തമാക്കിയ 92 റൺസിന്റെ മികവിലാണ് 200 ൽ എത്തിയത്.എന്നാൽ ഇപ്പോൾ ഈ ആവേശകരമായ മത്സരത്തേക്കാൾ ചർച്ചയാവുന്നത് മറ്റൊരു കാര്യമാണ്. എന്താണ് സംഭവം എന്ന് നമുക്ക് പരിശോധിക്കാം.

പഞ്ചാബ് കിങ്‌സ് ഇന്നിങ്സിന്റെ 19 മത്തെ ഓവർ.തുഷാർ ദേശ്പാണ്ടേയാണ് ചെന്നൈ സൂപ്പർ കിങ്സിന് വേണ്ടി ബൗൾ ചെയ്യുന്നത്. ഓവറിലെ നാലാമത്തെ പന്തിൽ പഞ്ചാബ് കിങ്‌സ് ബാറ്റർ ജിതേഷ് ശർമ ഓഫ്‌ സ്റ്റമ്പിന് പുറത്ത് വന്ന ഒരു സ്ലോവർ ബോൾ പൊക്കി അടിക്കുന്നു.ലോങ്ങ്‌ ഓണിൽ സബ്സ്റ്റിട്ടു ഫീൽഡർ ഷെയ്ഖ് റാഷിദ്‌ ബോൾ കൈപിടിയിൽ ഒതുക്കുന്നു. എന്നാൽ ബോൾ കൈപിടിയിൽ ഒതുക്കിയ ശേഷം താരത്തിന്റെ ബാലൻസ് നഷ്ടപെടുകയും താരം ബൗണ്ടറിയിൽ കാൽ കുത്തി എന്ന് തോന്നിപ്പിക്കുന്നു. എന്നാൽ തുടരെയുള്ള പരിശോധനകൾക്ക് ശേഷം അമ്പയർ ഔട്ട്‌ വിളിക്കുന്നു.

ഇന്ത്യൻ പ്രീമിയർ ലീഗിലെ പതിനാറാം സീസൺ ആവേശകരമായി പുരോഗമിക്കുകയാണ്. ചെന്നൈ സൂപ്പർ കിംഗ്‌സും പഞ്ചാബ് കിംഗ്‌സും തമ്മിലാണ് മത്സരം. ചെന്നൈ സൂപ്പർ കിങ്സിന്റെ മത്സരം ഉണ്ടാകുമ്പോൾ മഹേന്ദ്ര സിങ് ധോണി തന്നെയാണല്ലോ ശ്രദ്ധകേന്ദ്രം. ധോണിക്ക് വേണ്ടി ആർപ്പുവിളിച്ചു കൊണ്ട് ആരാധകർ ഗാലറി മഞ്ഞകടലാക്കി കഴിഞ്ഞു.

ഈ സീസണിൽ ഇന്നിങ്സിന്റെ അവസാന പന്തുകളിൽ വന്ന് മികച്ച സിക്സറുകൾ അടിച്ചു ഇന്നിങ്സ് ഫിനിഷ് ചെയ്യുന്ന ധോണി സ്ഥിരകാഴ്ചയായിരുന്നു. ഇന്നും ഈ കാഴ്ചക്ക്‌ മാറ്റമുണ്ടായിരുന്നില്ല. അവസാന ഓവറിൽ ഈ തവണ സാക്ഷാൽ മഹേന്ദ്ര സിങ് ധോണിയുടെ മുന്നിൽ ചെന്ന് പെട്ടത് ഇംഗ്ലണ്ടിന്റെ മികച്ച താരങ്ങളിലും ലോകത്തിലെ ഏറ്റവും മികച്ച ഓൾ റൗണ്ടർമാരിൽ ഒരാളായ സാം കറനാണ്.

ഇന്ത്യൻ പ്രീമിയർ ലീഗിലെ 41 മത്തെ മത്സരം. കോൺവേയുടെ ഗംഭീര ഇന്നിങ്സ് സാം കറൻ എറിഞ്ഞ അവസാന ഓവറിൽ അവസാനിക്കുകയാണ്.അവസാന ഓവറിലെ നാലാമത്തെ പന്തിൽ അവസാനിക്കുകയാണ്.92 റൺസാണ് കോൺവേയുടെ സമ്പാദ്യം. അവസാന രണ്ട് പന്തുകൾ നേരിടാൻ സാക്ഷാൽ ധോണി. ആദ്യം ഒരു വൈഡ് ബൗണസർ, ധോണി അത് അപ്പർ കട്ട്‌ ചെയ്തു പോയിന്റിന് മുകളിലൂടെ സിക്സ് നേടുന്നു.ഇന്നിങ്സിലെ അവസാന പന്ത് ഒരു ലോ ഫുൾ ടോസ്, ഈ തവണ ബോൾ ചെന്ന് വീണത് ദീപ് മിഡ്‌ വിക്കറ്റിന് മുകളിലൂടെ ഗാലറിയിലേക്ക്.ധോണി 4 പന്തിൽ 13 റൺസും ചെന്നൈ 20 ഓവറിൽ 4 വിക്കറ്റ് നഷ്ടത്തിൽ 200 റൺസും.

ഇന്ത്യൻ പ്രീമിയർ ലീഗിന്റെ പതിനാറാം സീസൺ ആവേശകരമായി പുരോഗമിക്കുകയാണ്. ലീഗിലെ 40 മത്തെ മത്സരത്തിൽ സൺ രൈസേഴ്സ് ഹൈദരാബാദ് ഡൽഹി ക്യാപിറ്റൽസിനെ നേരിടുകയാണ്.ടോസ് നേടിയ സൺ രൈസേഴ്സ് ഹൈദരാബാദ് ക്യാപ്റ്റൻ ഐഡൻ മാർക്രം ബാറ്റിംഗ് തിരഞ്ഞെടുത്തു. ഡൽഹിയുടെ ഹോം ഗ്രൗണ്ടിലാണ് മത്സരം.

ക്യാപ്റ്റന്റെ തീരുമാനം കാത്തു കൊണ്ട് തന്നെ ഹൈദരാബാദ് ബാറ്റർമാർ ബാറ്റ് വീശി.യുവ താരം അഭിഷേക് ശർമ ഹൈദരാബാദിന് തകർപ്പൻ തുടക്കം നൽകി.36 പന്തിൽ 67 റൺസ് അഭിഷേക് ശർമ സ്വന്തമാക്കിയത്. അഭിഷേകിന്റെ തുടക്കവും ക്ലാസന്റെ ഫിനിഷിങ് കൂടിയായപ്പോ ഹൈദരാബാദ് 6 വിക്കറ്റ് നഷ്ടത്തിൽ 197 റൺസ് സ്വന്തമാക്കി.ക്ലാസൻ 27 പന്തിൽ 53 റൺസാണ് സ്വന്തമാക്കിയത്.മറുപടി ബാറ്റിങ്ങിന് ഇറങ്ങിയ ഡൽഹിക്ക്‌ തുടക്കത്തിൽ തന്നെ വാർണറിനെ നഷ്ടമായി. എന്നാൽ ഇപ്പോൾ ചർച്ചയാക്കുന്നത് സൺ രൈസേഴ്സ് ഹൈദരാബാദ് താരം ഹാരി ബ്രൂക്ക്സ് നടത്തിയ ഒരു അസാമാന്യ ഫീൽഡിങ് പ്രകടനമാണ്

.മത്സരത്തിൽ ഉടനീളം മികച്ച പ്രകടനം നടത്തുന്ന മിച്ചൽ മാർഷിന്റെ ബാറ്റിൽ നിന്ന് പിറന്ന ഒരു സിക്സർ എന്ന് ഉറപ്പിച്ച ഒരു ഷോട്ടാണ് അസാമാന്യമായ രീതിയിൽ ബ്രൂക്ക്സ് സ്വന്തമാക്കിയത്. ഡൽഹി ഇന്നിങ്സിന്റെ ഒൻപതാമത്തെ ഓവറിലാണ് സംഭവം. മാർക്കണ്ടേ എറിഞ്ഞ ഓവറിലെ ആദ്യത്തെ പന്തിൽ മാർഷ് ഒരു ലോഫ്റ്റഡ് ഷോട്ട് അടിക്കുന്നു. എന്നാൽ സിക്സ് പ്രതീക്ഷിച്ച മാർഷിന്റെ ഷോട്ട് അസാമാന്യമായ രീതിയിൽ ബ്രൂക്ക്സ് ഒറ്റ കൈ കൊണ്ട് പന്ത് കൈപിടിയിൽ ഒതുക്കിയേ ശേഷം ബൗണ്ടറി രക്ഷപ്പെടുത്തുന്നു.