Month: October 2022

ക്രിക്കറ്റ്‌ പ്രേമികൾ ആയ നമ്മൾ എല്ലാവരും തന്നെ ക്രിക്കറ്റ്‌ താരങ്ങളെ ഏറെ ആരാധനയോടും കാണുന്നവരും, അവസരം കിട്ടിയാൽ അവരുടെ കൂടെ ഒന്നിച്ചൊരു ഫോട്ടോ എടുക്കാനുമൊക്കെ ആഗ്രഹം ഉള്ളവരാണ്, പക്ഷെ ചില ആൾക്കാരുടെ സാമാന്യ ബോധമില്ലാത്ത പ്രവർത്തികൾ പലപ്പോഴും പല താരങ്ങൾക്കും അലോസരം ഉണ്ടാക്കാറുണ്ട്.

അത്തരം ഒരു സംഭവം ആണ് ഇപ്പോൾ വിരാട് കോഹ്ലി തന്റെ സോഷ്യൽ മീഡിയ പ്ലാറ്റ്ഫോമിൽ പങ്ക് വെച്ചിരിക്കുന്നത്, തന്റെ ഹോട്ടൽ റൂമിൽ കയറി റൂമും റൂമിലെ വസ്തുക്കളൊക്കെ ഷൂട്ട്‌ ചെയ്ത് അത് സമൂഹ മാധ്യമങ്ങളിൽ “king kohli’s hotel room” എന്ന തലക്കെട്ടോടു കൂടി പോസ്റ്റ്‌ ചെയ്ത ആളിന്റെ പ്രവർത്തിയാണ് കോഹ്ലിയെ അസ്വസ്ഥനാക്കിയത്, അതിരു കടന്ന ആരാധന എന്നൊക്കെ പറയുന്നതിനേക്കാൾ നല്ലത് സാമാന്യ ബോധം ഇല്ലായ്മ തന്നെയാണ് ഇത്തരം പ്രവർത്തികൾ, താരങ്ങൾ താമസിക്കുന്ന വലിയ സുരക്ഷയുള്ള സ്ഥലം ആയതിനാൽ പുറമെ നിന്നുള്ള സാധാരണക്കാരായ ആരാധകർ അല്ല ഇത് ചെയ്തിരിക്കുന്നത് എന്നത് വ്യക്തമാണ്, ഹോട്ടലുമായി ബന്ധമുള്ള സ്റ്റാഫിൽ ആരോ ചെയ്ത് വെച്ച ചെറ്റത്തരം ആണ് ഇത്.

ഓരോ വ്യക്തികൾക്കും അവർ എത്ര വലിയ സെലിബ്രിറ്റികൾ ആയാലും അവരുടേതായ പ്രൈവസിയും സ്വകാര്യ ജീവിതവും ഉണ്ട്, അത് എന്ത് ആരാധനയുടെ പുറത്ത് ആയാലും അവരുടെ സ്വകാര്യത നമ്മൾ മാനിച്ചേ മതിയാകൂ, കോഹ്ലി ഇത് സമൂഹ മാധ്യമങ്ങളിൽ പോസ്റ്റ്‌ ചെയ്തതിന് പിന്നാലെ ഇത് ചെയ്ത ആൾക്കെതിരെയാണ് എല്ലാവരും സംസാരിക്കുന്നത്, ഇത്തരം കാര്യങ്ങൾ ആരും പ്രോത്സാഹിപ്പിക്കരുതെന്നും ഷെയർ ചെയ്യരുതെന്നും പല ആരാധകരും അഭിപ്രായം പറഞ്ഞു.

വീഡിയോ കാണാം :

View this post on Instagram

A post shared by Virat Kohli (@virat.kohli)

ഇന്നലെ ഓസ്ട്രേലിയയിലെ പെർത്തിൽ നടന്ന മത്സരത്തിൽ ഇന്ത്യയെ അഞ്ച് വിക്കറ്റിന് കീഴടക്കിയ ദക്ഷിണാഫ്രിക്ക സൂപ്പർ 12 ഗ്രൂപ്പ് രണ്ടിലെ പോയിന്റ് പട്ടികയിൽ ഒന്നാമതെത്തുകയും ട്വന്റി ട്വന്റി ലോകകപ്പിന്റെ സെമിഫൈനൽ ബർത്തിലേക്ക് ഒരു കാലെടുത്ത് വയ്ക്കുകയും ചെയ്തിരിക്കുന്നു. ഇനി ബാക്കിയുള്ള മത്സരങ്ങളിൽ ബംഗ്ലാദേശ്, സിംബാബ്‌വെ എന്നീ ടീമുകളെ നേരിടാൻ പോകുന്ന ഇന്ത്യയ്ക്കും സെമിഫൈനലിൽ എത്താനുള്ള അവസരമുണ്ട്.

മത്സരത്തിൽ ടോസ് നേടി ആദ്യം ബാറ്റ് ചെയ്ത ഇന്ത്യ ഉയർത്തിയ 134 റൺസ് വിജയലക്ഷ്യം 19.4 ഓവറിൽ അവർ അഞ്ച് വിക്കറ്റ് നഷ്ടത്തിൽ മറികടന്നു. അർദ്ധസെഞ്ചുറി നേടിയ എയ്ഡെൻ മാർക്രത്തിന്‍റെയും ഡേവിഡ് മില്ലറിന്റെയും ഇന്നിങ്സുകളാണ് അവർക്ക് അനായാസജയം സമ്മാനിച്ചത്. ക്യാച്ചുകൾ കൈവിട്ടും റൺഔട്ട് അവസരങ്ങൾ നഷ്ടപ്പെടുത്തിയും ഇന്ത്യൻ താരങ്ങൾ കൈയയച്ച് സഹായിച്ചതോടെ വലിയ സമ്മർദ്ദമില്ലാതെതന്നെ അവർക്ക് വിജയിക്കാൻ സാധിച്ചു.

മത്സരത്തിനിടെ തേർഡ് അമ്പയറുടെ ഒരു തീരുമാനത്തിൽ ഇന്ത്യൻ നായകൻ രോഹിത് ശർമ അനിഷ്ടം പ്രകടിപ്പിക്കുന്ന ദൃശ്യങ്ങൾ പുറത്തുവന്നിരുന്നു. ദക്ഷിണാഫ്രിക്കൻ ബാറ്റിങ്ങിനിടെ പേസർ മുഹമ്മദ് ഷമി എറിഞ്ഞ എട്ടാം ഓവറിലെ ആദ്യ പന്തിൽ ആയിരുന്നു സംഭവം. ഒരു മികച്ച ഇൻ-നിപ്പർ പന്തിലൂടെ ഡേവിഡ് മില്ലറിന്റെ പ്രതിരോധം ഭേദിച്ച് വിക്കറ്റിന് മുന്നിൽ കുരുക്കി അപ്പീൽ ചെയ്തെങ്കിലും അമ്പയർ നോട്ടൗട്ടുവിളിച്ചു. ഇന്ത്യ റിവ്യൂ നൽകുകയും ചെയ്തു.

പക്ഷേ പന്ത് ബാറ്റിനെ കടന്നുപോകുന്ന സമയത്തു അൾട്രാഎഡ്ജിൽ വളരെ നേർത്ത ഒരു ചലനം കണ്ടതോടെ അത് പാഡിലേക്ക് ഇൻസൈഡ് എഡ്ജ് ആണെന്ന് തേർഡ് അമ്പയർ വിധിക്കുകയും ഇന്ത്യക്ക് ഒരു റിവ്യൂ നഷ്ടമാകുകയും ചെയ്തു. അപ്പോഴാണ് അമ്പയറുടെ തീരുമാനത്തിൽ ഇരുകൈകളും മലർത്തി നായകൻ രോഹിത് പ്രതിഷേധം അറിയിച്ചത്. ശേഷം ഡേവിഡ് മില്ലർ അവസാനംവരെ നിന്ന് ഒരു അർദ്ധസെഞ്ചുറിയും നേടി ദക്ഷിണാഫ്രിക്കയെ വിജയത്തിൽ എത്തിക്കുകയായിരുന്നു.

വീഡിയോ കാണാം :

നേരത്തെ മത്സരത്തിൽ ദക്ഷിണാഫ്രിക്കൻ പേസർമാർക്ക് മുന്നിൽ ഇന്ത്യൻ ടോപ് ഓർഡർ ബാറ്റർമാർക്ക് പിടിച്ചുനിൽക്കാൻ സാധിച്ചില്ല. സ്പിന്നർ ഷാംസിക്ക് പകരം ടീമിൽ എത്തിയ പേസർ ലുങ്കിസാനി എൻഗിഡിയാണ് കൂടുതൽ അപകടകാരിയായത്. കളിയിലെ തന്റെ ആദ്യ ഓവറിൽ തന്നെ ഓപ്പണർമാരായ രോഹിതിനെയും രാഹുലിനെയും പുറത്താക്കിയ അദ്ദേഹം അടുത്ത ഓവറിൽ കോഹ്‌ലിയെയും അതുകഴിഞ്ഞുള്ള ഓവറിൽ പാണ്ഡ്യയെയും പുറത്താക്കി ഇന്ത്യൻ ബാറ്റിംഗ് നിരയെ സമ്മർദ്ദത്തിലാക്കി. എങ്കിലും ഒറ്റക്കുനിന്ന് പൊരുതിയ സൂര്യകുമാർ യാദവ് 68 റൺസ് എടുത്തു പുറത്തായി, ഇന്ത്യൻ ടോട്ടൽ 133/9 എന്ന നിലയിൽ എത്തിക്കുന്നതിൽ പ്രധാന പങ്കുവഹിച്ചു. മൂന്ന് വിക്കറ്റ് നേടിയ വെയിൻ പാർനൽ എൻഗിഡിക്ക് മികച്ച പിന്തുണ നൽകി.

ട്വന്റി ട്വന്റി ലോകകപ്പ് സൂപ്പർ 12 ഘട്ടത്തിലെ തങ്ങളുടെ മൂന്നാം മത്സരത്തിൽ ടീം ഇന്ത്യക്ക് ടൂർണമെന്റിൽ ആദ്യമായി പരാജയമധുരം. ബാറ്റിംഗ് നിരയുടെ മോശം പ്രകടനത്തെക്കൂടാതേ ഫീൽഡർമാർ ക്യാച്ച് വിട്ടുകളയുകയും, റൺഔട്ട് അവസരങ്ങൾ നഷ്ടമാക്കുകയും ചെയ്തതോടെയാണ് ഇന്ത്യ ദക്ഷിണാഫ്രിക്കയോട്‌ പൂർണപരാജയം ഏറ്റുവാങ്ങിയത്. പെർത്തിൽ നടന്ന മത്സരത്തിൽ അഞ്ച് വിക്കറ്റിന് ആയിരുന്നു ദക്ഷിണാഫ്രിക്കൻ ടീമിന്റെ വിജയം.

ടോസ് നേടി ആദ്യം ബാറ്റ് ചെയ്ത ഇന്ത്യ നിശ്ചിത 20 ഓവറിൽ 9 വിക്കറ്റ് നഷ്ടത്തിൽ 133 റൺസാണ് നേടിയത്. ഇന്ത്യൻ ബാറ്റിംഗ് നിര പ്രോടീസ് പേസർമാർക്ക്‌ മുന്നിൽ തകർന്നപ്പോൾ സൂര്യകുമാർ യാദവ് കാണിച്ച പോരാട്ടവീര്യം തോൽവിയിലും ഇന്ത്യയുടെ പ്രതീക്ഷകൾ ഉയർത്തുന്നു. ഒരു ഘട്ടത്തിൽ 49/5 ആയിരുന്ന ഇന്ത്യയെ പൊരുതാവുന്ന സ്കോറിലേക്ക്‌ എത്തിച്ചത് 68 റൺസ് നേടിയ സൂര്യയുടെ മികവിലാണ്. ഇന്നിംഗ്സിൽ 40 പന്ത് അദ്ദേഹം നേരിട്ടിരുന്നു. ബാക്കി എല്ലാവരും ചേർന്ന നേരിട്ട 80 പന്തിൽ നിന്നും ആകെ മൊത്തം 57 റൺസ് മാത്രമേ എടുക്കാൻ കഴിഞ്ഞുള്ളൂ എന്നതിൽ നിന്നുതന്നെ സൂര്യയുടെ ബാറ്റിംഗ് മികവ് മനസ്സിലാക്കാം.

അവർക്കുവേണ്ടി പേസർമാരായ ലുങ്കി എൻഗിഡി നാല് വിക്കറ്റ് വീഴ്ത്തിയപ്പോൾ വൈൻ പർണൽ മൂന്ന് വിക്കറ്റും വീഴ്ത്തി. മറുപടി ബാറ്റിംഗിനിറങ്ങിയ ദക്ഷിണാഫ്രിക്ക 19.4 ഓവറിൽ വിജയലക്ഷ്യം മറികടന്നു. 52 റൺസ് എടുത്ത മാർക്രത്തിന്റെയും 59 റൺസ് എടുത്ത് പുറത്താകാതെ നിന്ന ഡേവിഡ് മില്ലറിന്‍റെയും ഇന്നിങ്സുകൾ അവരുടെ വിജയം എളുപ്പമാക്കി. ഒരു ഘട്ടത്തിൽ 5.4 ഓവറിൽ 24/3 എന്ന നിലയിൽ തകർച്ച നേരിട്ട അവരെ ഇരുവരും ചേർന്ന് 76 റൺസിന്റെ കൂട്ടുകെട്ട് സൃഷ്ടിച്ചു കരകയറ്റി. ഇന്ത്യക്കായി അർഷദീപ് സിംഗ് രണ്ട് വിക്കറ്റും ഷമി, പാണ്ഡ്യ, അശ്വിൻ എന്നിവർ ഓരോ വിക്കറ്റും വീതം വീഴ്ത്തി.

മത്സരത്തിലെ പതിമൂന്നാം ഓവറിൽ മാർക്രത്തിനെ റൺഔട്ട് ആക്കാനുള്ള ഒരു സുവർണാവസരം ഇന്ത്യൻ നായകൻ രോഹിത് ശർമ കളഞ്ഞുകുളിച്ചിരുന്നു. മുഹമ്മദ് ഷമി എറിഞ്ഞ ഓവറിന്റെ അഞ്ചാം പന്തിൽ ആയിരുന്നു അത്. ഡേവിഡ് മില്ലർ ആയിരുന്നു സ്ട്രൈക്കർ. ഷോർട്ട് പിച്ച് ആയിവന്ന പന്ത് അദ്ദേഹത്തിന്റെ ബാറ്റിന്റെ പിടിയിലോ/ഗ്ലവ്സിലോ തട്ടിയശേഷം കവർ ഏരിയയിലേക്ക് പോയി. മൂന്ന് സ്‌റ്റമ്പും മുന്നിൽ കാൺകെ ലഭിച്ച അനായാസ അവസരത്തിൽ ഒരു അണ്ടർആം ത്രോയിലൂടെ രോഹിത് വിക്കറ്റിൽ കൊള്ളിക്കാൻ നോക്കിയെങ്കിലും സാധിച്ചില്ല. അന്നേരം മാർക്രമോ, ഫ്രെയിമിൽ പോലും ഉണ്ടായിരുന്നില്ല. തുടർന്നും കളി തുടർന്ന അദ്ദേഹം അർദ്ധസെഞ്ചുറി പൂർത്തിയാക്കിയ ശേഷമാണ് പുറത്തായത്.

അശ്വിൻ എറിഞ്ഞ തൊട്ടുമുമ്പത്തെ പന്ത്രണ്ടാം ഓവറിലെ അഞ്ചാം പന്തിൽ മാർക്രം നൽകിയ ഈസി ക്യാച്ച് വിരാട് കോഹ്‌ലിയും നിലത്തിട്ടിരുന്നു. ക്രീസിൽ നിന്നും ഇറങ്ങിവന്ന് ഡീപ് മിഡ് വിക്കറ്റിലേക്ക് അദ്ദേഹം ഷോട്ട് കളിച്ചപ്പോൾ പന്ത് നേരെ വന്നത് കോഹ്‌ലിയുടെ കൈകളിലേക്കായിരുന്നുവെങ്കിലും അത് ക്യാച്ച് ആയി കൺവേർട്ട് ചെയ്യാൻ കഴിഞ്ഞിരുന്നില്ല. അതുപോലെ തന്നെ ഹാർദിക് പാണ്ഡ്യ എറിഞ്ഞ ഒൻപതാം ഓവറിന്റെ അഞ്ചാം പന്തിലും മാർക്രത്തിന്റെ ഒരു റൺഔട്ട് അവസരം രോഹിത് ശ്രമിച്ചെങ്കിലും അത് അൽപം ദുഷ്കരമായ ചാൻസ് ആയിരുന്നു.

ട്വന്റി ട്വന്റി ലോകകപ്പ് സൂപ്പർ 12 ഘട്ടത്തിലെ നിർണായക പോരാട്ടത്തിൽ ദക്ഷിണാഫ്രിക്കയെ നേരിടുന്ന ടീം ഇന്ത്യക്ക് വൻ ബാറ്റിംഗ് തകർച്ച. 8.3 ഓവറിൽ വെറും 49 റൺസ് എടുക്കുന്നതിനിടെ ഇന്ത്യക്ക് 5 മുൻനിര വിക്കറ്റുകൾ നഷ്ടമായി. നാല് ഓവറിൽ 29 റൺസ് വഴങ്ങി നാല് വിക്കറ്റ് വീഴ്ത്തിയ ലുങ്കി എൻഗിടിയുടെ ബോളിംഗാണ് മത്സരത്തിൽ ദക്ഷിണാഫ്രിക്കയ്ക്ക് മേൽക്കൈ സമ്മാനിച്ചത്. മത്സരത്തിന്റെ അഞ്ചാം ഓവറിൽ പന്തേറിയാൻ എത്തിയ അദ്ദേഹം തന്റെ ആദ്യ ഓവറിൽ തന്നെ രണ്ട് ഇന്ത്യൻ ഓപ്പണർമാരെയും മടക്കി.

ഏഴാം ഓവറിൽ മികച്ച ഫോമിലുള്ള ഇന്ത്യൻ സൂപ്പർ താരം വിരാട് കോഹ്‌ലിയുടെ വിക്കറ്റും അദ്ദേഹം സ്വന്തമാക്കി. ഓവറിലെ ആദ്യ രണ്ട് പന്തുകളിലും കോഹ്‌ലി തുടരെ ബൗണ്ടറി കണ്ടെത്തിയിരുന്നു. അടുത്ത രണ്ട് പന്തുകളും ഡോട്ട് ബോൾ ആക്കിയ ശേഷമായിരുന്നു അഞ്ചാം പന്തിൽ വിക്കറ്റ്. ഷോർട്ട് ബോളിൽ കോഹ്‌ലി പുൾ ഷോട്ട് കളിക്കാൻ ശ്രമിക്കുകയായിരുന്നു. എന്നാൽ ടോപ് എഡ്ജ് ആയിപ്പോയ പന്ത് ലോംഗ് ലെഗിലെക്ക് സിക്സ് ആകുമെന്നാണ് എല്ലാവരും കരുതിയത്. പക്ഷേ ഒരു മികച്ച റണ്ണിംഗ് ക്യാച്ചിലൂടെ കഗിസോ റബാദ ഇന്ത്യൻ പ്രതീക്ഷകൾ തല്ലിക്കെടുത്തി.

നേരത്തെ മത്സരത്തിൽ ടോസ് നേടിയ ഇന്ത്യൻ നായകൻ രോഹിത് ശർമ ബാറ്റിംഗ് തിരഞ്ഞെടുക്കുകയായിരുന്നു. ഒരു മാറ്റവുമായാണ് ഇന്ത്യ ഇന്ന് ഇറങ്ങിയിരിക്കുന്നത്. സ്പിന്നർ അക്സർ പട്ടേലിന് പകരം ഓൾറൗണ്ടർ ദീപക് ഹൂഡ ആദ്യമായി ടീമിൽ ഇടംനേടി. പാക്കിസ്ഥാനും നെതെർലൻഡ്‌സിനും എതിരെ നടന്ന രണ്ട് മത്സരങ്ങളിലും ഇന്ത്യ ഒരേ ടീമിനെയാണ് കളിപ്പിച്ചിരുന്നത്. ദക്ഷിണാഫ്രിക്കയാകട്ടേ സ്പിന്നർ ഷംസിക്കുപകരം പേസർ ലുങ്കി എൻഗിടിയെ ടീമിലുൾപ്പെടുത്തി.

ടൂർണമെന്റിൽ കളിച്ച രണ്ട് മത്സരങ്ങളും വിജയിച്ച ടീം ഇന്ത്യ പോയിന്റ് പട്ടികയിൽ ഒന്നാമതാണ്. മറുവശത്ത് ദക്ഷിണാഫ്രിക്ക ഒരു മത്സരത്തിൽ ബംഗ്ലാദേശിനെ പരാജയപ്പെടുത്തിയപ്പൊൾ സിംബാബ്‌വെക്ക് എതിരെ നടന്ന മത്സരം മഴമൂലം ഉപേക്ഷിക്കുകയാണ് ഉണ്ടായത്. മൂന്ന് പോയിന്റുമായി പട്ടികയിൽ മൂന്നാമതാണ് അവർ. ഇന്ന് ജയിക്കുന്ന ടീം ഒന്നാം സ്ഥാനം നേടും. പെർത്ത് സ്റ്റേഡിയത്തിലാണ് മത്സരം നടക്കുന്നത്.