Month: November 2022

മൂന്ന് മത്സരങ്ങളടങ്ങിയ ടെസ്റ്റ് പരമ്പരയ്ക്കായി ഇംഗ്ലണ്ട് ടീം കഴിഞ്ഞ ദിവസമാണ് പാകിസ്താനിൽ എത്തിയത്. റാവൽപിണ്ടി ക്രിക്കറ്റ് സ്റ്റേഡിയത്തിൽ വ്യാഴാഴ്ച ആരംഭിക്കേണ്ടിയിരുന്ന മത്സരം ഇപ്പോൾ അനിശ്ചിതത്ത്വത്തിലാണ്. ഇംഗ്ലണ്ട് ടീമിലെ പകുതിയിലധികം പേർക്ക് പിടിപെട്ട അജ്ഞാത വൈറസ് രോഗമാണ് കാരണം. ഭക്ഷ്യവിഷബാധയാണെന്ന് ഒരുകൂട്ടർ പറയുമ്പോൾ കോവിഡ് വൈറസ് ബാധയാണെന്ന് മറ്റൊരു കൂട്ടർ വാദിക്കുന്നു. എങ്കിലും യഥാർത്ഥ കാരണം ഇതുവരെ മത്സരം സംഘടിപ്പിക്കുന്ന പാക്കിസ്ഥാൻ ക്രിക്കറ്റ് ബോർഡ് പുറത്തുവിട്ടിട്ടില്ല.

ഇരു ക്രിക്കറ്റ് ബോർഡുകളും ചർച്ചചെയ്ത് മത്സരം ആരംഭിക്കുന്ന തീയതി നീട്ടുന്ന കാര്യം തീരുമാനിക്കും എന്നാണ് പുറത്തുവരുന്ന വാർത്തകൾ. കാരണം ഇംഗ്ലണ്ട് നായകൻ ബെൻ സ്റ്റോക്സ് ഉൾപ്പെടെയുള്ള പ്രമുഖ താരങ്ങളും അസുഖബാധിതരായി തുടരുകയാണ്. ഇംഗ്ലീഷ് ക്രിക്കറ്റ് ബോർഡ് വക്താവ് അറിയിച്ചപ്രകാരം 13-14 പേരുണ്ട്. താരങ്ങളോടും സ്റ്റാഫ് അംഗങ്ങളോടും ഹോട്ടൽമുറിയിൽ നിന്നും പുറത്തിറങ്ങാതെ വിശ്രമിക്കാനായി ബോർഡ് നിർദ്ദേശം നൽകിയതായും വ്യക്തമാക്കി.

അതിനിടെ ക്രിക്കറ്റിലെ തന്റെ റോൾ മോഡലിനെ വ്യക്തമാക്കി രംഗത്തെത്തിയിരിക്കുകയാണ് പാക്കിസ്ഥാൻ ക്രിക്കറ്റ് ടീം നായകൻ ബാബർ അസം. മുൻ ഇംഗ്ലണ്ട് താരവും ഇപ്പോൾ കമന്റേറ്ററുമായ നാസർ ഹുസൈനുമായി നടത്തിയ ഒരു അഭിമുഖത്തിൽ വച്ചാണ് അദ്ദേഹം ഇത് വ്യക്തമാക്കിയത്. ‘360° ക്രിക്കറ്റർ’ എന്നറിയപ്പെടുന്ന മുൻ ദക്ഷിണാഫ്രിക്കൻ താരമായ എ ബി ഡിവില്ലിയേഴ്സാണ് തന്റെ കരിയറിലെ ഏറ്റവും സ്വാധീനിച്ച വ്യക്തി എന്ന് ബാബർ അസം പറയുന്നു.

ഡിവില്ലിയേഴ്സിനെ ഇഷ്ടപ്പെടാൻ കാരണം അദ്ദേഹത്തിന്റെ ബാറ്റിംഗ് ശൈലിയാണ് എന്ന് പറഞ്ഞ ബാബർ,
എ ബി ഡി കളിക്കുന്ന ഓരോ ഷോട്ടുകളും തന്നെ വളരെയധികം സ്വാധീനിക്കുന്നു എന്നും വ്യക്തമാക്കി. ടിവിയിൽ അദ്ദേഹത്തിന്റെ ഓരോ വ്യത്യസ്തമായ ഷോട്ടുകൾ കണ്ട പിറ്റേദിവസം തന്നെ ഗ്രൗണ്ടിൽചെന്ന് ആ ഷോട്ട് താനും പരീക്ഷിക്കുമായിരുന്നുവെന്നും അസം പറയുന്നു. അങ്ങനെ അദ്ദേഹത്തിന്റെ ബാറ്റിംഗ് പകർത്തിയെടുത്തു പൂർണമായും അത് തങ്ങളുടെ മത്സരങ്ങളിലും ഉപയോഗിക്കാറുണ്ട് എന്നും പറഞ്ഞുകൊണ്ട് തന്റെ ആരാധനാമൂർത്തിയായ ഡിവില്ലിയേഴ്സിനെ വാഴ്ത്തുകയാണ് ബാബർ അസം.

ഇന്ത്യയും ന്യൂസിലാൻഡും തമ്മിലുള്ള ഏകദിന പരമ്പരയിലെ അവസാന മത്സരത്തിൽ ഇന്ത്യ തോൽവിയിലേക്ക് നീങ്ങുന്നു, കിവീസ് ബോളർമാർ മികച്ച രീതിയിൽ പന്തെറിഞ്ഞപ്പോൾ ആദ്യം ബാറ്റ് ചെയ്ത ഇന്ത്യക്ക് വെറും 219 റൺസ് എടുക്കാനെ സാധിച്ചുള്ളു, പരമ്പരയിലെ ആദ്യ ഏകദിനത്തിൽ ന്യൂസിലാൻഡ് 7 വിക്കറ്റിന് ജയിച്ചിരുന്നു, രണ്ടാം മത്സരം മഴ കാരണം പൂർത്തിയാക്കാൻ സാധിച്ചിരുന്നില്ല, മത്സരത്തിൽ ടോസ് നേടിയ കിവീസ്‌ ക്യാപ്റ്റൻ വില്യംസൺ ഇന്ത്യയെ ബാറ്റിംഗിന് അയക്കുകയായിരുന്നു, രണ്ടാം ഏകദിനത്തിലെ ടീമിനെ ഇന്ത്യ നിലനിർത്തിയപ്പോൾ ഒരു മാറ്റവുമായാണ് കിവീസ്‌ കളത്തിലിറങ്ങിയത്.

തുടക്കത്തിൽ തന്നെ ഓപ്പണർമാരായ ഗില്ലിനെയും (13) ക്യാപ്റ്റൻ ശിഖർ ധവാനെയും (28) വീഴ്ത്തിക്കൊണ്ട് ആദം മിൽനെ കിവീസിന് മികച്ച തുടക്കം സമ്മാനിച്ചു, പിന്നീട് ശ്രേയസ്സ് അയ്യർ ഇന്ത്യയെ മുന്നോട്ട് നയിച്ചെങ്കിലും മറുവശത്ത് ഇടവേളകളിൽ വിക്കറ്റുകൾ വീണു കൊണ്ടേയിരുന്നു, പതിവ് തെറ്റിക്കാതെ റിഷഭ് പന്ത് (10) ഈ തവണയും പെട്ടന്ന് തന്നെ മടങ്ങി, പിന്നാലെ സൂര്യകുമാർ യാദവും (6) ആദ്യ ഏകദിനത്തിന് ശേഷം സഞ്ജു സാംസണ് പകരം ടീമിൽ എത്തിയ ദീപക് ഹൂഡയും (12) പുറത്തായത്തോടെ 149/6 എന്ന നിലയിൽ ഇന്ത്യൻ മുൻനിര തകർന്നടിഞ്ഞു, 149/6 എന്ന നിലയിൽ നിന്ന് ഇന്ത്യയെ 200 കടക്കാൻ സഹായിച്ചത് വാലറ്റക്കാരെ കൂട്ട്പിടിച്ച് വാഷിംഗ്ടൺ സുന്ദർ നടത്തിയ ചെറുത്ത് നിൽപ്പാണ്, 64 ബോളിൽ 5 ഫോറും 1 സിക്സും അടക്കമാണ് താരം തന്റെ ഏകദിന കരിയറിലെ ആദ്യ അർധസെഞ്ച്വറി നേടിയത്.

മത്സരത്തിൽ നാലാമനായി ക്രീസിലെത്തിയ റിഷഭ് പന്ത് ഇത്തവണയും നിരാശപ്പെടുത്തി, 10 റൺസ് നേടിയ താരം അനാവശ്യ ഷോട്ടിന് ശ്രമിച്ച് ഔട്ട്‌ ആവുകയായിരുന്നു, ഡാരൽ മിച്ചലിന്റെ ബോളിൽ പുൾ ഷോട്ടിന് ശ്രമിച്ച റിഷഭ് പന്തിനെ ഡീപ്പ് സ്‌ക്വയർ ലെഗിൽ ഗ്ലെൻ ഫിലിപ്പ്സ്‌ മികച്ച ക്യാച്ചിലൂടെ പുറത്താക്കുകയായിരുന്നു, വൈറ്റ് ബോളിൽ ക്രിക്കറ്റിൽ തുടർച്ചയായി മോശം പ്രകടനം നടത്തിയിട്ടും വീണ്ടും വീണ്ടും റിഷഭ് പന്തിന് അവസരം നൽകുന്നതിനെതിരെ വ്യാപകമായ പ്രതിഷേധം ആണ് സോഷ്യൽ മീഡിയകളിൽ ഉയരുന്നത്, ഔട്ട്‌ ആയതിന് ശേഷം ഡ്രസ്സിംഗ് റൂമിലെത്തിയ റിഷഭ് പന്തിനെ ടീമിന്റെ ഫിസിയോ അംഗങ്ങളിൽ ഒരാൾ മസ്സാജ് ചെയ്യുന്ന വീഡിയോ ഇതിനിടെ സമൂഹമാധ്യമങ്ങളിൽ വൈറൽ ആയി, 10 റൺസ് എടുത്തതിനാണോ ഈ മസ്സാജ് എന്നാണ് പല ക്രിക്കറ്റ്‌ ആരാധകരും പരിഹാസത്തോടെ ഈ വീഡിയോയ്ക്ക് താഴെ കമന്റ്‌ ചെയ്തിരിക്കുന്നത്.

ഇന്ത്യ-ന്യൂസിലൻഡ് ഏകദിന പരമ്പരയിലെ നിർണായകമായ മൂന്നാമത്തെയും അവസാനത്തെയും മത്സരത്തിൽ ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യക്ക് വൻ ബാറ്റിംഗ് തകർച്ച. ഒടുവിൽ വിവരം ലഭിക്കുമ്പോൾ 36.3 ഓവറിൽ 170/7 എന്ന നിലയിലാണ് ടീം. 49 റൺസ് എടുത്ത ശ്രേയസ് അയ്യരാണ് ടീമിന്റെ ടോപ് സ്കോറർ. നേരത്തെ മഴ മൂലം അൽപസമയം വൈകിയാണ് മത്സരത്തിൽ ടോസ് ഇടാൻ കഴിഞ്ഞത്. ആദ്യ മത്സരത്തിൽ പരാജയപ്പെട്ട ഇന്ത്യക്ക് പരമ്പര സമനിലയിലാക്കാൻ ഇന്ന് വിജയം അനിവാര്യമാണ്. രണ്ടാം ഏകദിനം മഴമൂലം ഉപേക്ഷിച്ചിരുന്നു.

ക്രൈസ്റ്റ് ചർച്ചിലെ ഹാഗ്ലെയ് ഓവലിൽ നടക്കുന്ന മത്സരത്തിൽ ടോസ് നേടിയ ന്യൂസിലൻഡ് നായകൻ കെയ്‌ൻ വില്യംസൺ എപ്പോഴത്തെയുംപോലെത്തന്നെ ആദ്യം ഫീൽഡിംഗ് തിരഞ്ഞെടുക്കുകയായിരുന്നു. ന്യൂസിലൻഡ് നിരയിൽ സ്പിന്നർ മൈക്കിൾ ബ്രേയ്‌സ്വെല്ലിന് പകരം പേസർ ആദം മിൽനേ ഇടംപിടിച്ചു. ടീം ഇന്ത്യയാകട്ടെ രണ്ടാം ഏകദിനം കളിച്ച അതേ ടീമിനെ തന്നെ നിലനിർത്തിയപ്പോൾ മലയാളി താരം സഞ്ജു വി സാംസണ് അവസരം ലഭിച്ചില്ല. വിക്കറ്റ് കീപ്പർ വൈസ് ക്യാപ്റ്റൻ ഋഷഭ് പന്ത് ഇന്നും നിരാശപ്പെടുത്തി, വെറും 10 റൺസ് എടുത്ത് പുറത്തായി.

മത്സരം ആരംഭിക്കുന്നതിന് മുൻപ് അവതാരകരായ ആശിഷ് നെഹ്റ, ഗൗരവ് കപൂർ, മുഹമ്മദ് കൈഫ് എന്നിവർ നടത്തിയ സംവാദത്തിനിടെ ഇന്ത്യൻ സ്പിന്നർ ചാഹലിന്റെ പ്രവർത്തി എല്ലാവരിലും ചിരിപടർത്തി. ഓൾറൗണ്ടർ ആയി ദീപക് ഹൂഡ ടീമിൽ ഉൾപ്പെട്ടത് ചർച്ച ചെയ്യുമ്പോൾ ആയിരുന്നു അദ്ദേഹത്തിന്റെ വരവ്. പതുങ്ങിപതുങ്ങിവന്നു നെഹ്റയുടെ പുറകിൽ ഒളിച്ചുനിന്ന അദ്ദേഹത്തെ ഗൗരവ് കപൂർ ചൂണ്ടിക്കാണിച്ചപ്പോൾ ചഹാലിനേയും ഇന്ത്യയുടെ മികച്ച ‘ഓൾറൗണ്ടർ’ എന്ന് വിശേഷിപ്പിച്ച് പുകഴ്ത്തിവിടുകയായിരുന്നു നെഹ്റ. ഈ ദൃശ്യങ്ങൾ സമൂഹമാധ്യമങ്ങളിൽ വൈറൽ ആയിമാറിയിരിക്കുകയാണ്.

ക്രൈസ്റ്റ് ചർച്ചിലെ ഹാഗ്ലെയ് ഓവലിൽ നടക്കുന്ന ഇന്ത്യ-ന്യൂസിലൻഡ് ഏകദിന പരമ്പരയിലെ മൂന്നാമത്തെയും അവസാനത്തെയും മത്സരത്തിൽ ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ 12 ഓവറിൽ 52/1 എന്ന നിലയിലാണ്. 22 പന്തിൽ 13 റൺസ് എടുത്ത ശുഭ്മൻ ഗിലിന്റെ വിക്കറ്റാണ് ഇന്ത്യക്ക് നഷ്ടമായത്. നേരത്തെ മഴ മൂലം അൽപസമയം വൈകിയാണ് മത്സരത്തിൽ ടോസ് ഇടാൻ കഴിഞ്ഞത്. ആദ്യ മത്സരത്തിൽ പരാജയപ്പെട്ട ഇന്ത്യക്ക് പരമ്പര സമനിലയിലാക്കാൻ ഇന്ന് വിജയം അനിവാര്യമാണ്. രണ്ടാം ഏകദിനം മഴമൂലം ഉപേക്ഷിച്ചിരുന്നു.

തുടർച്ചയായി മൂന്നാം മത്സരത്തിലും ടോസ് നേടിയ ന്യൂസിലൻഡ് നായകൻ കെയ്‌ൻ വില്യംസൺ എപ്പോഴത്തെയുംപോലെത്തന്നെ ആദ്യം ഫീൽഡിംഗ് തിരഞ്ഞെടുക്കുകയായിരുന്നു. ന്യൂസിലൻഡ് നിരയിൽ സ്പിന്നർ മൈക്കിൾ ബ്രേയ്‌സ്വെല്ലിന് പകരം പേസർ ആദം മിൽനേ ഇടംപിടിച്ചു. ടീം ഇന്ത്യയാകട്ടെ കഴിഞ്ഞ മത്സരത്തിൽ വരുത്തിയ രണ്ട് മാറ്റങ്ങൾ ഇന്നും തുടരാൻ തീരുമാനിച്ചു. മലയാളി താരം സഞ്ജു വി സാംസണ് പകരം ദീപക് ഹൂഡയും, പേസർ ശർദുൽ താക്കൂറിന് പകരം ദീപക് ചഹറുമാണ് കഴിഞ്ഞ മത്സരത്തിൽ ടീമിൽ ഇടംനേടിയത്.

ഈയിടെയായി തുടർച്ചയായി മോശം പ്രകടനങ്ങൾ കാഴ്ചവെക്കുന്ന ഇന്ത്യൻ വിക്കറ്റ് കീപ്പർ ഋഷഭ് പന്ത് മത്സരം ആരംഭിക്കുന്നതിന് മുൻപ് ഒരു അഭിമുഖം നൽകിയിരുന്നു. ട്വന്റി ട്വന്റിയിൽ ടോപ് ഓർഡർ, ഏകദിനത്തിൽ 4-5 സ്ഥാനങ്ങൾ, ടെസ്റ്റിൽ അഞ്ചാമത് എന്നിങ്ങനെ ബാറ്റ് ചെയ്യാനാണ് തനിക്കിഷ്ട്ടം എന്ന് അദ്ദേഹം വ്യക്തമാക്കി. എങ്കിലും ടീമിന്റെ വിജയത്തിനായി ഏത് പൊസിഷനിൽ ഇറക്കിയാലും കളിക്കുമെന്നും അദ്ദേഹം കൂട്ടിച്ചേർത്തു. താൻ സാധാരണ കളിക്കണക്കുകൾ നോക്കാറില്ലെന്ന് പറഞ്ഞ അദ്ദേഹം, എങ്കിലും ട്വന്റി ട്വന്റി ക്രിക്കറ്റിൽ തന്റെ റെക്കോർഡ് വളരെ മോശമാണെന്ന് തുറന്നുസമ്മതിക്കുകയും ചെയ്യുന്നുണ്ട്. വെറും 24 വയസ്സ് മാത്രം പ്രായമുള്ള തന്നെ മറ്റുള്ളവരുമായി താരതമ്യപ്പെടുത്താനുള്ള സമയമായിട്ടില്ലെന്നും പന്ത് പറയുന്നു. തനിക്ക് ഇനി വിശ്രമിക്കാൻ പോലുമുള്ള സമയമില്ല, ഇവിടെനിന്ന് നേരെ ബംഗ്ലാദേശിലെക്ക് പോകുകയാണെന്നും അദ്ദേഹം പറഞ്ഞു.

വിജയ് ഹസാരെ ട്രോഫിയിൽ രണ്ടാം ക്വാർട്ടർ ഫൈനലിൽ ഉത്തർ പ്രദേശിനെതിരെ മഹാരാഷ്ട്രയ്ക്ക് റിതുരാജ് ഗെയ്ക്ക്വാദ് നേടിയ ഇരട്ട സെഞ്ച്വറിയുടെ പിൻ ബലത്തിൽ കൂറ്റൻ സ്കോർ,  മത്സരത്തിൽ ആദ്യം ബാറ്റ് ചെയ്ത മഹാരാഷ്ട ക്യാപ്റ്റൻ റിതുരാജ് ഗെയ്ക്ക്വാദ് പുറത്താകാതെ നേടിയ ഇരട്ട സെഞ്ച്വറിയുടെ കരുത്തിൽ 330/5 എന്ന നിലയിൽ എത്തി.

ഓപ്പണറായി ഇറങ്ങിയ റിതുരാജ് ഗെയ്ക്ക്വാദ് വെറും 159 ബോളിൽ 10 ഫോറും 16 സിക്സും അടക്കമാണ് 220* റൺസ് അടിച്ച് കൂട്ടിയത്, മത്സരത്തിൽ നാൽപത്തി ഒമ്പതാം ഓവർ ചെയ്യാനെത്തിയ ശിവ സിങ്ങിനെ ആ ഓവറിൽ 7 സിക്സ് അടിച്ചാണ് റിതുരാജ് വരവേറ്റത്, ഒരു നോ ബോളിൽ അടക്കമാണ് 7 സിക്സ് അടിച്ച് താരം റെക്കോർഡ് ഇട്ടത്.