ട്വന്റി-20 ലോകകപ്പിൽ സൗത്ത് ആഫ്രിക്കക്കെതിരെ ഇന്ത്യക്ക് 5 വിക്കറ്റിന്റെ തോൽവി, ഇതോടെ ഇന്ത്യയെ രണ്ടാം സ്ഥാനത്തേക്ക് പിന്തള്ളി സൗത്താഫ്രിക്ക ഗ്രൂപ്പിൽ മുന്നിലെത്തി, ഇന്ത്യയുടെ അടുത്ത മത്സരം നവംബർ 2 ന് ബംഗ്ലാദേശിനെതിരെയാണ്, സൗത്താഫ്രിക്കക്കെതിരെ ഇന്ത്യ തോറ്റതോടെ പാക്കിസ്ഥാന്റെ സെമിഫൈനൽ സാധ്യതകൾ ഏകദേശം അവസാനിച്ചു.
മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ ബാറ്റിങ് തിരഞ്ഞെടുക്കുകയായിരുന്നു, ഓരോ മാറ്റങ്ങളുമായാണ് ഇരു ടീമുകളും കളത്തിലിറങ്ങിയത് ഇന്ത്യൻ നിരയിൽ അക്സർ പട്ടേലിന് പകരം ദീപക് ഹൂഡ ഇടം പിടിച്ചപ്പോൾ സൗത്താഫ്രിക്കൻ നിരയിൽ ഷംസിക്ക് പകരം ലുങ്കി എൻഗിഡി ഇടം നേടി, മത്സരത്തിലെ അഞ്ചാം ഓവറിൽ സൗത്താഫ്രിക്കൻ പേസ് ബോളർ ലുങ്കി എൻഗിടി ഓപ്പണർണർമാരായ രോഹിത് ശർമയെയും (15) രാഹുലിനെയും (9) പുറത്താക്കിക്കൊണ്ട് ഇന്ത്യക്ക് ആദ്യ പ്രഹരം ഏൽപ്പിച്ചു, പിന്നാലെ കോഹ്ലിയും(12) ദീപക് ഹൂഡയും (0) ഹർദിക്കും(2) വീണതോടെ 49/5 എന്ന നിലയിൽ ആയി ഇന്ത്യ.
ഇന്ത്യയുടെ മുൻനിര തകർന്നടിഞ്ഞിട്ടും സൂര്യകുമാർ യാദവ് തന്റെ സ്വതസിദ്ധമായ ശൈലിയിൽ ആക്രമിച്ച് കളിച്ച് ഇന്ത്യൻ സ്കോർ മുന്നോട്ട് നയിച്ചു, 40 ബോളിൽ 6 ഫോറും 3 സിക്സും അടക്കം 68 റൺസ് നേടിയ സൂര്യകുമാറിന്റെ അവസരോചിതമായ ഇന്നിങ്ങ്സ് ആണ് ഇന്ത്യയെ മാന്യമായ സ്കോറിൽ എങ്കിലും എത്താൻ സഹായിച്ചത് ഒടുവിൽ നിശ്ചിത 20 ഓവറിൽ ഇന്ത്യ 133/9 എന്ന സ്കോറിൽ എത്തി.
134 റൺസ് വിജയലക്ഷ്യം തേടി ഇറങ്ങിയ സൗത്താഫ്രിക്കക്ക് തുടക്കത്തിൽ തന്നെ വിക്കറ്റ് കീപ്പർ ക്വിന്റൺ ഡി കോക്കിനെയും (1) റോസോയെയും (0) ക്യാപ്റ്റൻ ബവൂമയെയും(10) നഷ്ടമായെങ്കിലും പിന്നീട് അർധസെഞ്ച്വറിയുമായി മാർക്രമും (52) ഡേവിഡ് മില്ലറും 59* മുന്നിൽ നിന്ന് നയിച്ചതോടെ സൗത്താഫ്രിക്ക 2 ബോളുകൾ ശേഷിക്കെ വിജയത്തിലെത്തുകയായിരുന്നു.
മത്സരത്തിൽ ഇന്ത്യൻ ബാറ്റിംഗിനിടെ ഡ്രിങ്ക്സ് ബ്രേക്കിൽ ഇന്ത്യൻ താരം യുസ്വേന്ദ്ര ചഹലും ഫീൽഡ് അമ്പയറും തമ്മിൽ നടന്ന ചില രസകരമായ നിമിഷങ്ങൾ ആണ് ഇപ്പോൾ സമൂഹ മാധ്യമങ്ങളിൽ വൈറൽ ആയിരിക്കുന്നത്, പ്ലെയിങ് ഇലവനിൽ ഇല്ലെങ്കിലും ഇത്തരം രസകരമായ പ്രവർത്തികളിലൂടെ വാർത്തകളിൽ നിറഞ്ഞു നിൽക്കുന്ന താരമാണ് ചഹൽ.
വീഡിയോ കാണാം :