ഇന്ത്യൻ പ്രീമിയർ ലീഗിൽ ബാംഗ്ലൂരിനു വേണ്ടി തന്റെ തകർപ്പൻ ഫോം തുടരുകയാണ് ഇന്ത്യയുടെ സ്റ്റാർ ബാറ്റ്സ്മാൻ വിരാട് കോലി. ഐപിഎല്ലിൽ ബാംഗ്ലൂരിന്റെ സാധ്യതകൾ മങ്ങിയിട്ടുണ്ടെങ്കിലും അടുത്തമാസത്തെ ലോകകപ്പിനായി ഒരുങ്ങുന്ന ഇന്ത്യൻ ടീമിന് അദ്ദേഹത്തിൻറെ ഈ ഫോം വലിയ പ്രതീക്ഷകളാണ് നൽകുന്നത്. സ്ട്രൈക്ക് റൈറ്റിന്റെ കാര്യത്തിൽ ഗവാസ്കർ അടക്കമുള്ള ക്രിക്കറ്റ് വിദഗ്ധർ തന്നെ വിമർശിക്കുമ്പോഴും ബാറ്റ് കൊണ്ട് മറുപടി കൊടുക്കുന്ന തൻറെ ശീലം തുടരുകയാണ് വിരാട് കോലി.
ഇന്നലെ നടന്ന ഗുജറാത്തിന് എതിരായ മത്സരത്തിൽ 27 പന്തിൽ 42 അടിച്ചെടുത്ത കോലി തൻറെ സ്ട്രൈക്ക് റേറ്റിനെ കുറ്റം പറഞ്ഞവർക്ക് ചുട്ട മറുപടി കൊടുത്തു. മാത്രമല്ല ഋതുരാജ് ഗക്ക്വാതിൽ നിന്നും ഓറഞ്ച് ക്യാപ്പ് തിരിച്ചുപിടിക്കുകയും ചെയ്തു കോലി. 11 മത്സരങ്ങളിൽ നിന്നും 542 റൺസ് ആണ് താരം ഈ ഐപിഎല്ലിൽ ഇതുവരെ അടിച്ചെടുത്തത്.എന്നാൽ മത്സരശേഷം ഓറഞ്ച് ക്യാപ്പ് സ്വീകരിക്കുമ്പോൾ വിരാട് കോലി കാണിച്ച ഒരു കുസൃതിയാണ് ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുന്നത്. ബാംഗ്ലൂരിലെ സീനിയർ താരം ദിനേശ് കാർത്തികിൽ നിന്നും ഓറഞ്ച് ക്യാപ് സ്വീകരിക്കുമ്പോൾ ബുദ്ധിസ്റ്റ് സ്റ്റൈലിൽ കാർത്തികിനെ വണങ്ങുന്ന വിരാട് കോലിയുടെ വീഡിയോ ആണ് ഇപ്പോൾ വൈറലായി കൊണ്ടിരിക്കുന്നത്. ഏവരെയും ചിരിപ്പിച്ച രസകരമായ ആ വൈറൽ വീഡിയോ ഇതാ.
— nadeer500 (@nadeer50048205) May 5, 2024