തൻറെ കരിയർ അവസാനിച്ചു എന്ന് എഴുതിയ ക്രിക്കറ്റ് വിദഗ്ധന്മാർക്കും പണ്ഡിതന്മാർക്കും ബാറ്റ് കൊണ്ട് ചുട്ട മറുപടി കൊടുത്ത് വിരാട് കോലി. ബോർഡർ ഗവാസ്കർ ടെസ്റ്റ് പരമ്പരയിലെ ആദ്യ മത്സരത്തിൽ 143 പന്തിൽ നിന്നും 100 റൺസെടുത്ത് അദ്ദേഹം പുറത്താകാതെ നിന്നു. ഇതിൽ 8 ബൗണ്ടറിയും രണ്ട് സിക്സറുകളും പെടുന്നു.
സ്പിന്നർ ലിയോൺ എറിഞ്ഞ പന്തിൽ ഒരു സ്വീപ്പ് ഷോട്ടിലൂടെ ബോണ്ടറി നേടിയാണ് വിരാട് കോലി തൻറെ മുപ്പതാം സെഞ്ചുറി നേടിയത്. മാത്രമല്ല ഓസ്ട്രേലിയക്കെതിരെ അദ്ദേഹത്തിൻറെ ഒമ്പതാം സെഞ്ച്വറി കൂടിയായിരുന്നു ഇത്. വിരാട് കോലിയുടെയും ജയസ്വാലിന്റെയും സെഞ്ച്വറിയുടെ മികവിൽ ഇന്ത്യ രണ്ടാ ഇന്നിംഗ്സിൽ 6 വിക്കറ്റ് നഷ്ടത്തിൽ 487 റൺസ് എടുത്തു ഡിക്ലയർ ചെയ്തു. 534 റൺസ് ആണ് ഓസ്ട്രേലിയയുടെ വിജയലക്ഷ്യം. ആദ്യ ഇന്നിംഗ്സിൽ പരാജയപ്പെട്ട വിരാട് കോലിയുടെ സെഞ്ച്വറി തന്നെയാണ് രണ്ടാം ഇന്നിംഗ്സിലെ ഇന്ത്യയുടെ ഹൈലൈറ്റ്. വീഡിയോ കാണാം