ഓസ്ട്രേലിയക്കെതിരെയുള്ള ആദ്യ ക്രിക്കറ്റ് ടെസ്റ്റിൽ ഇന്ത്യ വിജയ വക്കിൽ. 536 റൺസ് വിജയലക്ഷം പിന്തുടരുന്ന ഓസീസ് 12 റൺസ് എടുക്കുന്നതിനിടയിൽ തന്നെ മൂന്ന് വിക്കറ്റ് നഷ്ടമായി. ഇന്ത്യയുടെ രണ്ടാം ഇന്നിഗ്സിലെ കൂറ്റൻ സ്കോർ ആണ് ഓസ്ട്രേലിയയിലേക്ക് ബാലികേറാമല ആയത്. ഓപ്പണർ ജെയ്‌സ്വാലിൻ്റെയും വിരാട് കോലിയുടെയും തകർപ്പൻ സെഞ്ചുറിയാണ് ഇന്ത്യക്ക് മുതൽക്കൂട്ടായത്. നാളുകൾക്ക് ശേഷം ഓസ്ട്രേലിയൻ മണ്ണിൽ തകർപ്പൻ സെഞ്ച്വറി നേടിയ വിരാട് കോലിയെ പ്രശംസിക്കുകയാണ് ഇപ്പോൾ ക്രിക്കറ്റ് ലോകം.
ഐപിഎൽ മത്സരങ്ങൾക്കിടെ പലതവണ പരസ്പരം കൊമ്പ് കോർത്തിട്ടുണ്ടെങ്കിലും ഗൗതം ഗംഭീർ ഇന്ത്യൻ കോച്ചായി സ്ഥാനം ഏറ്റെടുത്തശേഷം വിരാട് കോലിയുമായി സൗഹൃദത്തിൽ അല്ല എന്ന് പറഞ്ഞു പരത്തിയവർക്കുള്ള മറുപടിയും ഇന്ന് ലോകം കണ്ടു. സെഞ്ചുറി നേടി ഡ്രസ്സിംഗ് റൂമിൽ എത്തിയ വിരാട് കോലിയും ഗൗതം ഗംഭീറും പരസ്പരം കെട്ടിപ്പിടിക്കുന്ന ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുന്നത്. ഇരുവരും തമ്മിൽ യാതൊരു പ്രശ്നവും ഇല്ലെന്ന് തെളിയിക്കാൻ ഇതിൽപരം എന്തുവേണം. മനോഹരമായ ആ വീഡിയോ കാണാം