ഇന്ത്യൻ പ്രീമിയർ ലീഗിൽ വീണ്ടും ടോസ് വിവാദം. ഈ സീസണിലെ മുമ്പ് നടന്ന മുംബൈ ഇന്ത്യൻസ്-റോയൽ ചലഞ്ചേഴ്സ് ബാംഗ്ലൂർ മത്സരത്തിൽ ആയിരുന്നു ആദ്യ ടോസ് വിവാദം. ഹർദിക് പാണ്ഡ്യ കോയൻ ഇട്ട ശേഷം ഉടനെ മാച്ച് റഫറി ജവകൽ ശ്രീനാഥ് കോയൻ കയ്യിലെടുക്കുകയും മുംബൈക്ക് അനുകൂലമായി ടോസ് അനുവദിക്കുകയും ചെയ്തിരുന്നു. ആർക്കാണ് ടോസ് അന്ന് വീണത് എന്ന് വ്യക്തമായില്ലായിരുന്നു എന്നാണ് അന്നത്തെ വിവാദം. പിന്നീട് ഹൈദരാബാദ് ക്യാപ്റ്റൻ പാറ്റ് കമ്മിൻസും ബാംഗ്ലൂർ ക്യാപ്റ്റൻ ഡുപ്ലേസിസും തമ്മിൽ നടന്ന ടോസിനെ പറ്റിയുള്ള സംഭാഷണ വീഡിയോ പുറത്തായതും വിവാദമായിരുന്നു.
ഇപ്പോഴിതാ ഇന്നലെ നടന്ന മത്സരത്തിലും ടോസ് വിവാദം ഉയർന്നു വന്നിരിക്കുന്നു. ഗുജറാത്ത് ടൈറ്റാൻസിനെതിരെയുള്ള മത്സരത്തിൽ ബാംഗ്ലൂർ ക്യാപ്റ്റൻ ഡുപ്ലേസിസ് ടോസിന്റെ സമയത്ത് കോയിൻ നിലത്ത് വീണ ഉടനെ ക്യാമറ കോയനിലേക്ക് സൂം ചെയ്യുന്നതിൻറെ മുമ്പ് തന്നെ കോയിൻ കയ്യിലെടുത്തതാണ് ഇപ്പോൾ വിവാദമായിക്കൊണ്ടിരിക്കുന്നത്. ആർക്കാണ് ടോസ് കിട്ടിയതെന്ന് വ്യക്തമായില്ല എന്നാണ് ഇപ്പോൾ സോഷ്യൽ മീഡിയ പറയുന്നത്. എന്നാൽ മാച്ച് റഫറി ബാംഗ്ലൂരിന് അനുകൂലമായിട്ടായിരുന്നു പ്രഖ്യാപിച്ചത്. വിവാദമായ ടോസ് വീഡിയോ കാണാം
— nadeer500 (@nadeer50048205) May 5, 2024