ഐപിഎല്ലിന് ശേഷം ആരംഭിക്കുന്ന ട്വൻറി20 വേൾഡ് കപ്പിനുള്ള ഒരുക്കത്തിലാണ് ടീം ഇന്ത്യ. അതുകൊണ്ടുതന്നെ ഐപിഎല്ലിലെ ഓരോ ഇന്ത്യൻ താരത്തിന്റെയും പ്രകടനം വിലയിരുത്തുകയാണ് ആരാധകർ. നിർഭാഗ്യവശാൽ ഇന്ത്യൻ ടീം പ്രഖ്യാപിച്ചതിനു ശേഷം സഞ്ജു സാംസൺ ഉൾപ്പെടെയുള്ള ഓരോ താരങ്ങളുടെയും പ്രകടനം ശരാശരിയിലും താഴെ ആണെന്നുള്ളത് ക്രിക്കറ്റ് പ്രേമികളിൽ ആശങ്ക ഉണ്ടാക്കുന്നു. മോശം ഫോം തുടരുന്നതിൽ ഒരു പ്രധാനിയാണ് ഇന്ത്യൻ ക്യാപ്റ്റൻ രോഹിത് ശർമ. കഴിഞ്ഞ അഞ്ച് ഐപിഎൽ ഇന്നിംഗ്സുകളിൽ 4,11,4,8,6, എന്നിങ്ങനെയാണ് അദ്ദേഹത്തിൻറെ സ്കോറുകൾ. ഇത് താരത്തിന്റെ ആത്മവിശ്വാസത്തെ കാര്യമായി ബാധിച്ചോ എന്ന ഭയത്തിലാണ് ആരാധകർ ടീം മാനേജ്മെൻ്റും.
ഇന്നലെ പുറത്തുവന്ന ഒരു വീഡിയോ ആണ് ഈ ആശങ്ക ഉയർത്തുന്നതിൽ പ്രധാന കാരണമായി കാണുന്നത്. ഇന്നലെ നടന്ന മത്സരത്തിൽ ഹൈദരാബാദിന് തോൽപ്പിച്ചുവെങ്കിലും മത്സരശേഷം ഡ്രസ്സിംഗ് റൂമിൽ കരയുന്ന രോഹിത് ശർമയുടെ ഒരു വീഡിയോ ആണ് ഇപ്പോൾ പുറത്തുവന്നിരിക്കുന്നത്. തന്റെ മോശം ഫോം മാനസികമായി അദ്ദേഹത്തെ തളർത്തുന്നുണ്ടോ എന്നതാണ് ഇപ്പോൾ ആരാധകരുടെ ആശങ്ക. ഏതായാലും ലോകകപ്പ് ആരംഭിക്കുമ്പോഴേക്കും ‘ഹിറ്റ് മാൻ’ ഫോമിലേക്ക് തിരിച്ചെത്തി ഇന്ത്യക്ക് കപ്പ് നേടിക്കൊടുക്കുമെന്ന വിശ്വാസത്തിലാണ് ഇന്ത്യൻ ആരാധകർ. രോഹിത് ശർമ കരയുന്ന വൈറൽ വീഡിയോ കാണാം
— nadeer500 (@nadeer50048205) May 7, 2024