ഐപിഎൽ ക്രിക്കറ്റ് ചരിത്രത്തിലെ തന്നെ ഏറ്റവും മുതിർന്ന താരങ്ങളിൽ ഒരാളാണ് ചെന്നൈ ക്യാപ്റ്റൻ മഹേന്ദ്ര സിംഗ് ധോണി. അഞ്ചു തവണ ചെന്നൈയെ ഐപിഎൽ ചാമ്പ്യന്മാർ ആക്കിയ 42 കാരനായ ധോണി ഈ സീസണിലും സ്വന്തം ടീമിന് വേണ്ടി കളത്തിൽ ഇറങ്ങുന്നുണ്ട്. ക്യാപ്റ്റൻ അല്ലെങ്കിലും ചെന്നൈ ടീമിന് ഇപ്പോഴും അദ്ദേഹം തന്നെയാണ് “തല”.ചെന്നൈയിലെ ഇന്ത്യൻ താരങ്ങൾക്ക് പുറമേ അന്താരാഷ്ട്ര താരങ്ങൾക്കും ധോണി ഇപ്പോഴും ഒരു റോൾ മോഡൽ ആണ്. സ്വന്തം ടീമിലെ കളിക്കാർ കളിക്കളത്തിന് അകത്തും പുറത്തും അദ്ദേഹത്തെ ബഹുമാനിക്കുന്ന പല സന്ദർഭങ്ങളും നമ്മൾ കണ്ടിട്ടുണ്ട്.
എന്നാൽ ഈ സീസണിൽ ഇതുപോലെയുള്ള ഒരു വീഡിയോ ഇപ്പോൾ പ്രചരിക്കുന്നുണ്ട്. ശ്രീലങ്കൻ താരം പരിതണ ഗുജറാത്തിനെതിരെയുള്ള മത്സരത്തിൽ ധോണിയെ കാൽതൊട്ടു വന്ദിക്കുന്നതാണ് ആ വീഡിയോയിൽ ഉള്ളത്. വമ്പൻ സ്വീകാര്യത ലഭിച്ച ഈ വീഡിയോയ്ക്ക് പക്ഷേ ഇപ്പോൾ വലിയൊരു ട്വിസ്റ്റ് സംഭവിച്ചിരിക്കുന്നു. പരിതണ ധോണിയെ കാലിൽ തൊട്ട് വന്ദിച്ചത് അല്ലെന്നും ഗ്രൗണ്ടിൽ ഉണ്ടായിരുന്ന ടിഷ്യൂ പേപ്പർ കുനിഞ്ഞെടുത്ത് കളഞ്ഞ വീഡിയോ ആണ് കാൽതൊട്ട് വന്ദിക്കുന്നതായി തെറ്റിദ്ധരിച്ചതെന്നും ഇപ്പോൾ പുറത്തുവന്ന പുതിയ വീഡിയോ പറയുന്നു.ട്വിസ്റ്റ് പുറത്തുകൊണ്ടുവന്ന ആ വൈറൽ വീഡിയോ ഇതാ
— nadeeer (@nadeeer413915) March 29, 2024