ഐപിഎൽ ക്രിക്കറ്റിൽ ചെന്നൈ ഡൽഹിക്ക് എതിരെ 20 റൺസിന് പരാജയപ്പെട്ടെങ്കിലും മഹേന്ദ്ര സിംഗ് ധോണിയുടെ കിടിലൻ ഇന്നിഗ്സ് ആണ് ഇപ്പോൾ വൈറലായി കൊണ്ടിരിക്കുന്നത്. ടോസ് നേടി ബാറ്റിംഗ് തെരഞ്ഞെടുത്ത ഡൽഹി അഞ്ചു വിക്കറ്റ് നഷ്ടത്തിൽ 191 റൺസെടുത്തു. മറുപടി ബാറ്റിംഗിൽ ചെന്നൈക്ക് 6 വിക്കറ്റ് നഷ്ടത്തിൽ 171 റൺസ് എടുക്കാനെ കഴിഞ്ഞുള്ളൂ.
പക്ഷേ എട്ടാമനായി ഇറങ്ങിയ ചെന്നൈയുടെ “തല” ധോണി ആയിരുന്നു ഇന്നത്തെ സൂപ്പർസ്റ്റാർ. നേരിട്ട ആദ്യ പന്തിൽ തന്നെ ബൗണ്ടറി നേടിയ താരം 42 ആം വയസ്സിലും തൻറെ ബാറ്റിംഗ് മികവിന് ഒരു കോട്ടവും തട്ടിയിട്ടില്ല എന്ന് തെളിയിക്കുന്ന ഇന്നിംഗ്സ് ആണ് പിന്നീട് അങ്ങോട്ട് കാഴ്ചവച്ചത്. 16 പന്തിൽ നാല് ഫാറും മൂന്ന് സിക്സറുകളും പറത്തി 37 റൺസ് എടുത്തു പുറത്താവാതെ നിന്നു. ഇനിംസിലെ അവസാന പന്ത് എറിയാൻ വന്ന ആന്ദ്രേ നോർജായെ കൂറ്റൻ സിക്സറിനു പറത്തിയാണ് ധോണി ഇന്നിംഗ്സ് ഫിനിഷ് ചെയ്തത്. സിക്സറുകൾ നേടി ഇന്നിംഗ്സ് അവസാനിപ്പിക്കുന്ന തൻറെ ശീലത്തിന് ഇപ്പോഴും ഒരു മാറ്റവും വന്നിട്ടില്ലെന്ന് ധോണി തെളിയിച്ചു. ധോണിയുടെ ഫിനിഷിംഗ് സിക്സ് വീഡിയോ ഇതാ.
— nadeeer (@nadeeer413915) March 31, 2024