ഇന്ത്യൻ പ്രീമിയർ ലീഗിൽ ആദ്യ പ്ലേ ഓഫ് മത്സരത്തിൽ ടോസ് നേടിയ ഹൈദരാബാദ് ബാറ്റിംഗ് തിരഞ്ഞെടുത്തു. കഴിഞ്ഞ മത്സരങ്ങളിൽ ഉജ്ജ്വല പ്രകടനങ്ങൾ നടത്തിയ ഹെഡ്-അഭിഷേക് ശർമ ഓപ്പണിംഗ് കൂട്ടുകെട്ടിലെ വിശ്വാസമാണ് ഹൈദരാബാദ് ക്യാപ്റ്റൻ കമ്മിൻസിനെ ബാറ്റിംഗ് തിരഞ്ഞെടുക്കാൻ പ്രേരിപ്പിച്ചത്. പക്ഷേ സംഭവിച്ചത് നേരെ വിപരീതമായിരുന്നു.
ഐപിഎൽ ആദ്യഘട്ടത്തിൽ മോശം ഫോമിൽ ബൗൾ ചെയ്ത സ്റ്റാർക്കിനെ അല്ല ഇന്ന് കണ്ടത്. മത്സരത്തിലെ രണ്ടാം ബോളിൽ തന്നെ ഹെഡിന്റെ കുറ്റിത്തെറിപ്പിച്ച് സ്റ്റാർക്ക് വരവറിയിച്ചു. അതിവേഗത്തിൽ വന്ന ഇൻ സിംഗർ യോർക്കർ ഹെഡ് കണ്ണടച്ച് തുറക്കും മുമ്പ് കുറ്റിയും കൊണ്ടുപോയി. പ്രധാന മത്സരങ്ങളിൽ തിളങ്ങുന്ന സ്റ്റാർക്ക് ആ ശീലം ഇന്നും ആവർത്തിച്ചു. ഏത് ബാറ്റ്സ്മാൻറെയും പേടിസ്വപ്നം ആകാവുന്ന ആ യോർക്കർ വിക്കറ്റ് വീഡിയോ കാണാം
— nadeer500 (@nadeer50048205) May 21, 2024