അന്താരാഷ്ട്ര ഏകദിന ലോകക്കപ്പിന് ആവേശകരമായ തുടക്കം. കഴിഞ്ഞ ലോകക്കപ്പ് ഫൈനലിലെ റിപ്ലൈ എന്നത് പോലെ ഇംഗ്ലണ്ടും ന്യൂസിലാൻഡും തന്നെയാണ് 2023 ലോകക്കപ്പിലെ ഉദ്ഘാടന മത്സരത്തിൽ മത്സരിക്കുന്നത്. ഇംഗ്ലണ്ട് അവരുടെ സ്റ്റാർ താരം ബെൻ സ്റ്റോക്സ് ഇല്ലാതെയാണ് ഇറങ്ങിയിരിക്കുന്നത്.
കിവീസിന് നായകൻ കെയ്ൻ വില്യംസണുമില്ല. ടോം ലാത്താമാണ് പകരം നായകൻ. എന്നാൽ ഇപ്പോൾ ചർച്ചയാകുന്നത് ഇംഗ്ലീഷ് താരം ജോ റൂട്ടാണ്. ടെസ്റ്റ്‌ ക്രിക്കറ്റിൽ തന്റെ ഏറ്റവും മികച്ച ഫോം തുടരുന്ന റൂട്ട് പക്ഷെ ഏകദിന ക്രിക്കറ്റിലേക്കുള്ള തിരിച്ചു വരവിൽ അത്ര മികച്ച ഫോമിൽ അല്ലായിരുന്നു.
പക്ഷെ ലോകക്കപ്പിലെ ആദ്യ മത്സരത്തിൽ റൂട്ട് തന്റെ ഫോം വീണ്ടെടുക്കകയാണ് എന്നാണ് തോന്നി പോവുന്നത്.പല വമ്പൻ ഫാസ്റ്റ് ബൗളേർമാരെയും അതിർത്തിക്ക് അപ്പുറം പായിച്ച തന്റെ ട്രേഡ് മാർക്ക് റിവേഴ്‌സ് സ്കൂപും അദ്ദേഹം പുറത്തെടുത്തു കഴിഞ്ഞു.ഈ തവണ ബോൾട്ടിനെയാണ് അദ്ദേഹം ഇത്തരത്തിൽ സിക്സർ പറത്തിയത്.80 മീറ്റർ അകലെക്കാണ് അദ്ദേഹം ആ സിക്സർ പായിച്ചതും.