തുടർച്ചയായ പരാജയങ്ങളോടെ ഐപിഎല്ലിൽ നിന്നും പുറത്താകും എന്ന് എല്ലാവരും വിധിയെഴുതിയ ആർ സി ബി തുടർച്ചയായ വിജയങ്ങളോടെ പ്ലേ ഓഫിലേക്ക്. ക്വാർട്ടർ ഫൈനൽ പോലെ നിർണായകമായ ഇന്നലത്തെ മത്സരത്തിൽ അയൽക്കാരായ ചെന്നൈ സൂപ്പർ കിങ്സിനെ 27 റൺസിന് തകർത്താണ് ബാംഗ്ലൂർ പ്ലേ ഓഫിലേക്ക് യോഗ്യത നേടിയത്.
തുടർച്ചയായ തോൽവികളിൽ മനം മടുത്തു ആരാധകരും മറ്റും കൈവിട്ട ബാംഗ്ലൂരിന്റെ ഈ മുന്നേറ്റം ഏവരെയും അമ്പരപ്പിച്ചു കൊണ്ടിരിക്കുകയാണ്. ക്യാപ്റ്റൻ ഡുപ്ലേസീസ്, വിരാട് കോലി, ദിനേശ് കാർത്തിക് തുടങ്ങിയ ടീമിലെ എല്ലാ താരങ്ങളും അവരുടെ ഈ മുന്നേറ്റത്തിൽ നിർണായക പങ്കു വഹിച്ചിട്ടുണ്ട്. അതിൻറെ വൈകാരിക പ്രകടനങ്ങൾ ആയിരുന്നു ഇന്നലെ മത്സരശേഷം കണ്ടത്. മുതിർന്ന താരങ്ങളോ യുവതാരങ്ങളോ എന്ന വ്യത്യാസമില്ലാതെ ആയിരുന്നു കളിക്കാരുടെ ഇമോഷണൽ വിജയാഘോഷം. വിരാട് കോലിയുടെ ഭാര്യ അനുഷ്ക ശർമ, മുൻ ബാംഗ്ലൂർ സൂപ്പർ താരം ക്രിസ് ഗെയ്ൽ തുടങ്ങിയവരും വൈകാരികമായിട്ടാണ് ഈ വിജയം ആഘോഷിച്ചത്. വൈറലായ ആർസിബിയുടെ വിജയഘോഷ വീഡിയോ കാണാം
— nadeer500 (@nadeer50048205) May 19, 2024