ക്രിക്കറ്റ്‌ ആരാധകർ ഏറെ കാത്തിരുന്ന നിമിഷങ്ങളിൽ ഒന്നാണ് റിഷബ് പന്തിന്റെ തിരിച്ചു വരവ്. ഐ പി എല്ലിൽ ആദ്യത്തെ മത്സരത്തിൽ അദ്ദേഹത്തിന് അധികം റൺസ് കണ്ടെത്താൻ കഴിഞ്ഞില്ല. എന്നാൽ തുടർന്ന് വന്ന ചെന്നൈക്കെതിരെയുള്ളതും കൊൽക്കത്തക്കെതിരെയുമുള്ള മത്സരത്തിലും അദ്ദേഹം ഫിഫ്റ്റി സ്വന്തമാക്കി
.ഇതിൽ കൊൽക്കത്തക്കെതിരെ പഴയ ഫ്രീ ഫ്ളോയിങ് പന്തിനെയാണ് കണ്ടത്.25 പന്തിൽ 55 റൺസാണ് അദ്ദേഹം സ്വന്തമാക്കിയത്.നേരിട്ട ആദ്യത്തെ പന്തിൽ തന്നെ സിക്സ് അടിച്ചാണ് പന്ത് തുടങ്ങിയത്. വെങ്കിടേഷ് അയ്യരാണ് പന്തിന്റെ ബാറ്റിന്റെ ചൂട് നന്നായി അറിഞ്ഞത്.
ഡൽഹി ഇന്നിങ്സിന്റെ 12 മത്തെ ഓവർ. വെങ്കി എറിഞ്ഞ ആദ്യത്തെ പന്ത് ഷോർട്ട് ഫൈൻ ലെഗിലൂടെ പന്ത് ബൗണ്ടറി കണ്ടെത്തുന്നു.രണ്ടാമത്തെ പന്ത് കവറിന് മുകളിലൂടെ സിക്സർ,മൂന്നാമത്തെ പന്തും സിക്സർ. ഈ തവണ ഫൈൻ ലെഗിലൂടെ.നാലാമത്തെ പന്ത് പോയിന്റിലൂടെ ബൗണ്ടറി.അഞ്ചാമത്തെ പന്ത് സ്‌ക്വയർ ലെഗിലുടെ ബൗണ്ടറി കടത്തി ഫിഫ്റ്റി.അവസാന പന്ത് പോയിന്റിലുടെയും ബൗണ്ടറി.