സ്വപ്ന തുല്യമായ തുടക്കമാണ് ഇന്ത്യക്ക് ട്വന്റി-20 ലോകകപ്പിൽ ലഭിച്ചിരിക്കുന്നത്, ആദ്യ മത്സരത്തിൽ വിരാട് കോഹ്ലിയുടെ അവിശ്വസനീയമായ ഇന്നിങ്സിന്റെ കരുത്തിൽ പാകിസ്താനെതിരെ 4 വിക്കറ്റിന് ജയിക്കുകയും, രണ്ടാം മത്സരത്തിൽ നെതർലാൻഡിനെതിരെ 56 റൺസിന്റെ കൂറ്റൻ ജയം നേടുകയും ചെയ്തതോടെ ഗ്രൂപ്പിൽ ഇന്ത്യ മുന്നിലെത്തിയിരുന്നു, ഇന്ത്യയുടെ അടുത്ത മത്സരം ഒക്ടോബർ 30 ഞായറാഴ്ച പെർത്തിൽ വെച്ച് കരുത്തരായ സൗത്ത് ആഫ്രിക്കക്കെതിരെയാണ്, ഇന്ത്യൻ സമയം വൈകുന്നേരം 4.30 നാണ് മത്സരം ആരംഭിക്കുക, ഈ മത്സരം കൂടി ജയിക്കാനായാൽ ഇന്ത്യയുടെ സെമിഫൈനൽ സാധ്യതകൾ ഏറെക്കൂറെ ഉറപ്പിക്കാനാകും.
ലോകകപ്പിനിടെ ഓസ്ട്രേലിയയുടെ എക്കാലത്തെയും മികച്ച വിക്കറ്റ് കീപ്പർ ബാറ്റർ ആയ ആദം ഗിൽക്രിസ്റ്റും വിരാട് കോഹ്ലിയും തമ്മിലുള്ള കണ്ട് മുട്ടലും, ഗിൽക്രിസ്റ്റിന്റെ “കരുത്തുറ്റ ഹസ്തദാനവും” കോഹ്ലിയുമായി കുശലാന്വേഷണം നടത്തുന്ന ഗിൽക്രിസ്റ്റിന്റെ വീഡിയോയും ആണ് ഇപ്പോൾ സോഷ്യൽ മീഡിയകളിൽ ശ്രദ്ധേയമായി കൊണ്ടിരിക്കുന്നത്, ലോകകപ്പിലെ കമന്ററി ബോക്സിൽ നിറ സാന്നിധ്യമാണ് മുൻ ഓസ്ട്രേലിയൻ ഓപ്പണർ ആയ ഗില്ലി എന്ന് വിളിപ്പേരുള്ള ആദം ഗിൽക്രിസ്റ്റ്, ഇവരുടെ കൂടെ ലോകത്തെ ഏറ്റവും മികച്ച ഫാസ്റ്റ് ബോളർമാരിൽ ഒരാളായ മുൻ സൗത്ത് ആഫ്രിക്കൻ താരം ഡെയിൽ സ്റ്റെയിനിനെയും വീഡിയോയിൽ കാണാം.