ഏറ്റവും നന്നായി ബാറ്റ് ചെയ്താലോ നന്നായി ബൗൾ ചെയ്താലോ ചിലപ്പോൾ നാം ആ മത്സരം ജയിക്കണമെന്നില്ല. നന്നായി ബൗൾ ചെയ്ത ശേഷം ലഭിക്കുന്ന അവസരങ്ങൾ ഫീൽഡർമാർ പാഴാക്കിയാൽ എത്ര നന്നായി ബൗൾ ചെയ്ത് എന്ന് പറഞ്ഞിട്ടും കാര്യമില്ല.നിലവിൽ നടന്ന് കൊണ്ടിരിക്കുന്ന ഇന്ത്യൻ വനിതാ ഓസ്ട്രേലിയ വനിതാ ലോകകപ്പ് സെമി ഫൈനലിൽ സംഭവിക്കുന്നതും മറ്റൊന്നുമല്ല.
വനിതാ ട്വന്റി ലോകക്കപ്പിന്റെ ഒന്നാം സെമി ഫൈനൽ. കഴിഞ്ഞ തവണത്തെ ജേതാക്കളായ ഓസ്ട്രേലിയ അന്നത്തെ ഫൈനലിൽ തങ്ങൾ തോൽപിച്ച ഇന്ത്യയെ നേരിടുകയാണ്. തുടക്കം മുതൽ ഫീൽഡിങ്ങിൽ ഒരുപാട് തെറ്റുകൾ ഇന്ത്യ വരുത്തുകയാണ്.ഒരുപാട് അനാവശ്യ റണുകൾ ഇന്ത്യ നൽകി.എന്നാൽ ഇതിൽ ഇന്ത്യയുടെ ഫൈനൽ പ്രതീക്ഷകളെ തച്ചു തകർക്കാൻ കെല്പുള്ള ഒരു ക്യാച്ച് കൂടി ഇന്ത്യ വിട്ട് കളഞ്ഞു എന്നത് ഇന്ത്യൻ ഫീൽഡിങ് എത്രത്തോളം മോശമെനതിന്റെ തെളിവ് തന്നെയാണ്.
ഓസ്ട്രേലിയ ഇന്നിങ്സിന്റെ 10 മത്തെ ഓവർ. ഇന്ത്യക്ക് വേണ്ടി രാധ യാദവാണ് ബൗൾ ചെയ്യുന്നത്.ഓവറിലെ നാലാമത്തെ പന്ത്.ലെഗ് സ്റ്റമ്പിന് പുറത്ത് വന്ന പന്ത് ലോങ്ങ്‌ ഓണിലേക്ക് ഓസ്ട്രേലിയ ബാറ്റർ മൂണി ലോഫ്റ്റ് ചെയ്യുകയാണ്. പന്ത് ഷാഫലി വർമയുടെ കൈകളിലേക്ക്. അനായാസം ക്യാച്ച് സ്വന്തമാക്കുമെന്ന് കരുതിയേടത് നിന്ന് അവിശ്വസനീയമാവിധം ക്യാച്ച് ഡ്രോപ്പ് ചെയ്യുന്നു.മൂണി 32 റൺസിൽ നിൽകുമ്പോളാണ് ഇന്ത്യക്ക് ഈ അവസരം കിട്ടിയത്. തുടർന്ന് ഫിഫ്റ്റി സ്വന്തമാക്കിയ മൂണിയേ ഷാഫലി തന്നെ ശിഖ പാന്ധ്യയുടെ പന്തിൽ പിടിച്ചു പുറത്താക്കി.
വീഡിയോ: