ബോർഡർ-ഗവാസ്ക്കർ ട്രോഫിയിലെ മൂന്നാം ടെസ്റ്റിൽ ടോസ് നേടി ബാറ്റിങ് തിരഞ്ഞെടുത്ത ഇന്ത്യക്ക് ബാറ്റിങ് തകർച്ച, ആദ്യ 2 ടെസ്റ്റുകളും ആധികാരികമായി വിജയിച്ച് പരമ്പരയിൽ 2-0 ന് മുന്നിലാണ് ഇന്ത്യ, മൂന്നാം ടെസ്റ്റ് സമനിലയിൽ അവസാനിച്ചാൽ പോലും ഇന്ത്യക്ക് പരമ്പര സ്വന്തമാക്കാം, മറുവശത്ത് വിജയത്തിൽ കുറഞ്ഞൊന്നും ഓസ്ട്രേലിയ ലക്ഷ്യം വെക്കുന്നില്ല.
2 മാറ്റങ്ങളുമായാണ് ഇരു ടീമുകളും കളത്തിൽ ഇറങ്ങിയത്, ഫോമിലല്ലാത്ത കെ.എൽ രാഹുലിന് പകരം ശുഭ്മാൻ ഗില്ലും, മുഹമ്മദ് ഷമിക്ക് പകരം ഉമേഷ് യാദവും ഇന്ത്യൻ നിരയിൽ ഇടം നേടി, നാട്ടിലേക്ക് മടങ്ങിയ ഓസ്ട്രേലിയൻ ക്യാപ്റ്റൻ പാറ്റ് കമ്മിൻസിന് പകരം മിച്ചൽ സ്റ്റാർക്കും ഡേവിഡ് വാർണർക്ക് പകരം കാമറൂൺ ഗ്രീനും ഓസീസ് നിരയിൽ ഇടം നേടി, കമ്മിൻസിന്റെ അഭാവത്തിൽ സ്റ്റീവ് സ്മിത്ത് ആണ് ഓസ്ട്രേലിയയെ നയിക്കുന്നത്.
മത്സരത്തിൽ മിച്ചൽ സ്റ്റാർക്ക് എറിഞ്ഞ ഏഴാം ഓവറിൽ അപകടകരമായ സിംഗിളിന് ശ്രമിച്ച ശുഭ്മാൻ ഗിൽ റൺ ഔട്ടിൽ നിന്ന് കഷ്ടിച്ചാണ് രക്ഷപ്പെട്ടത്, ക്രീസിലേക്ക് ഡൈവ് ചെയ്ത ഗിൽ റൺ ഔട്ടിൽ നിന്ന് രക്ഷപ്പെട്ടെങ്കിലും ആ ഡൈവിൽ ഗില്ലിന്റെ വയറിൽ പരിക്ക് പറ്റി, പിന്നീട് കളി തുടർന്ന ഗില്ലിന് തന്റെ ഇന്നിംഗ്സ് അധികം മുന്നോട്ട് കൊണ്ട് പോകാൻ സാധിച്ചില്ല, 21 റൺസ് എടുക്കാനെ താരത്തിന് സാധിച്ചുള്ളു.
Written By: അഖിൽ.വി.പി. വള്ളിക്കാട്.
വീഡിയോ :