ബോർഡർ ഗവസ്‌കർ ട്രോഫിയിലെ രണ്ടാം ടെസ്റ്റ്‌ മത്സരം ആവേശകരമായി പുരോഗമിക്കുകയാണ്. ആദ്യ രണ്ട് ടെസ്റ്റുകളും ജയിച്ച ഇന്ത്യ ഇതിനോടകം തന്നെ ബോർഡർ ഗവസ്‌കർ ട്രോഫി സ്വന്തമാക്കി കഴിഞ്ഞു.ഒരു ടെസ്റ്റ്‌ എങ്കിലും ജയിച്ചു മാനം കാക്കാനാവും ഓസ്ട്രേലിയ ശ്രമിക്കുന്നത്. മറുവശത്ത് ഇന്ത്യ ഓസ്ട്രേലിയേ വൈറ്റ് വാഷ് ചെയ്യാനാവും ശ്രമിക്കുക.
ടോസ് ലഭിച്ച ഇന്ത്യ ബാറ്റിംഗ് തെരെഞ്ഞെടുകകായിരുന്നു. രണ്ട് മാറ്റങ്ങളോടെയാണ് ഇന്ത്യ ഇറങ്ങിയത്. മോശം ഫോമിൽ തുടർന്ന ഇന്ത്യൻ ഉപനായകൻ കെ എൽ രാഹുലിനെ ഇന്ത്യ ഒഴിവാക്കി. രാഹുലിന് പകരം ഗില്ലും ഷമിക്ക് പകരം ഉമേഷ്‌ യാദവിനെയും ഇന്ത്യ ടീമിൽ ഉൾപ്പെടുത്തി.ഓസ്ട്രേലിയ വാർണറിന് പകരം ഗ്രീനും നായകൻ കമ്മിൻസിന് പകരം സ്റ്റാർക്കും ടീമിലേക്കെത്തി.സ്റ്റീവൻ സ്മിത്താണ് ഓസ്ട്രേലിയ ഇന്ന് നയിക്കുന്നത്.
എന്നാൽ മത്സരത്തിലെ ആദ്യത്തെ ഓവറിൽ തന്നെ നാടകീയമായ സംഭവങ്ങളാണ് അരങ്ങേറിയത്. ആദ്യത്തെ ഓവറിൽ തന്നെ രണ്ട് തവണ ഇന്ത്യൻ നായകൻ രോഹിത്തിനെ പുറത്താക്കാനുള്ള സുവർണവസരമാണ് ഓസ്ട്രേലിയ പാഴാക്കിയത്.ആദ്യത്തെ ഓവറിൽ ഒരു കീപ്പർ ക്യാച്ച് ഉണ്ടായിരുന്നത് കൈപിടിയിൽ ഒതുക്കിയെങ്കിലും അമ്പയർ നോട്ട് ഔട്ട്‌ വിളിച്ചു.എന്നാൽ ഓസ്ട്രേലിയ നായകൻ റിവ്യൂ കൊടുത്തില്ല. അത് കൊണ്ട് രോഹിത് രക്ഷപെട്ടു. ഒരിക്കൽ കൂടി അതെ ഓവറിൽ തന്നെ രോഹിത് വിക്കറ്റിന് മുന്നിൽ കുടുങ്ങി. എന്നാൽ ഈ തവണയും ഓസ്ട്രേലിയ റിവ്യൂ കൊടുത്തില്ല.ആദ്യ ഓവറിൽ രണ്ട് തവണയാണ് രോഹിത് രക്ഷപെട്ടത്. മത്സരം ആവേശകരമായി പുരോഗമിക്കുകയാണ്.