ട്രെന്റ് ബോൾട്ട് ക്രിക്കറ്റ്‌ കണ്ട എക്കാലത്തെയും മികച്ച ഫാസ്റ്റ് ബൗളേർമാരിൽ ഒരാളാണ്.മാത്രമല്ല ഫാസ്റ്റ് ബൗളേർമാരിൽ പൊതുവെ കാണാൻ കഴിയാത്ത മികച്ച ഫീൽഡിങ് മികവും ബോൾട്ടിലുണ്ടെന്ന് ക്രിക്കറ്റ്‌ ആരാധകർ പല തവണ കണ്ടിട്ടുള്ളതാണ്. ഇപ്പോൾ നടന്ന് കൊണ്ടിരിക്കുന്ന ഇന്ത്യൻ പ്രീമിയർ ലീഗ് മത്സരത്തിൽ ഇത്തരത്തിൽ ഒരു അവിസ്മരണീയ ഫീൽഡിങ് പ്രകടനം സംഭവിച്ചിരിക്കുകയാണ്.
പ്ലേ ഓഫ്‌ പ്രതീക്ഷകൾ നിലനിർത്താൻ രാജസ്ഥാൻ റോയൽസ് പഞ്ചാബ് കിംഗ്‌സും തമ്മിൽ ഏറ്റുമുട്ടുകയാണ്. ടോസ് നേടിയ രാജസ്ഥാൻ റോയൽസ് നായകൻ സഞ്ജു സാംസൺ ബൗളിംഗ് തിരഞ്ഞെടുത്തു. പതിവ് പോലെ തന്നെ ട്രെന്റ് ബോൾട്ട് ന്യൂ ബോളുമായി എത്തി
. പഞ്ചാബ് യുവ താരം പ്രഭ് സിമ്രാൻ സിങ്ങാണ് ക്രീസിൽ.ആദ്യ പന്തിൽ പ്രഭ് സിമ്രാൻ ഡബിൾ നേടുന്നു.ഓവറിലെ രണ്ടാമത്തെ പന്ത് ഒരു ഫുൾ ഇൻ സ്വിങ്ങർ പ്രഭ് സിമ്രാൻ ഫ്ലിക്ക് ചെയ്യുന്നു. ബോൾ നേരെ പൊങ്ങുന്നു.ഫോളോ ത്രൂയിലായിരുന്ന ട്രെന്റ് ബോൾട്ട് തന്റെ വലത് വശത്തേക്ക്‌ ചാടുന്നു.ബോൾ അവിശ്വസനീയമാം വിധം ബോൾ കൈപിടിയിൽ ഒതുക്കുന്നു. പ്രഭ് സിമ്രാൻ രണ്ട് റൺസിന് പുറത്താകുന്നു.തുടർന്നുള്ള നാല് പന്തിലും റൺസ് കണ്ടെത്താൻ പഞ്ചാബ് ബാറ്റർമാർക്ക് കഴിഞ്ഞില്ല. അവസാന പന്തിൽ ഒരിക്കൽ കൂടി ഒരു റിട്ടേൺ ക്യാച്ച് ബോൾട്ട് സ്വന്തമാക്കുമെന്ന് കരുതിയെങ്കിലും പന്ത് കൈപിടിയിൽ ഒതുക്കാൻ കഴിഞ്ഞില്ല.