അഞ്ചു മത്സരങ്ങളുടെ ട്വന്റി ട്വന്റി പരമ്പര ഇന്ത്യ 4-1 ന്ന് സ്വന്തമാക്കി. പരമ്പരയിലെ അവസാന മത്സരത്തിൽ ഇന്ത്യയുടെ വിജയം 6 റൺസിന്.അക്സാർ പട്ടേലാണ് കളിയിലെ താരം. രവി ബിഷനോയിയാണ് പരമ്പരയിലെ താരം.
എന്നാൽ മത്സരത്തിൽ ഇന്നലെ യഥാർത്ഥത്തിൽ താരമായത് അവസാന ഓവറിൽ പത്തു റൺസ് പ്രതിരോധിച്ചു ഇന്ത്യക്ക് വിജയം നേടി കൊടുത്ത അർഷദീപ് സിങ്ങാണ്.നായകൻ മാത്യു വെയ്ഡിനെ പോലെ ഒരു ഫിനിഷേർ ക്രീസിൽ ഉണ്ടായിട്ടും അർഷദീപ് കാണിച്ച ഈ മികവ് എടുത്ത് പറയേണ്ടത് തന്നെയാണ്. അദ്ദേഹത്തിന്റെ അവസാന ഓവർ എങ്ങനെയെന്നു പരിശോധിക്കാം.
ആദ്യത്തെ ബോൾ ഒരു ഷോർട്ട് ബോൾ. രണ്ടാമത്തെ ബോൾ യോർക്കർ. രണ്ടും പന്തും ഡോട്ട്. അടുത്ത പന്ത് ലോങ്ങ് ഓണിൽ വെയ്ഡ് അടിക്കുന്നു. വിക്കറ്റ്.പിന്നീടുള്ള മൂന്നു പന്തുകൾ ഓരോ റൺസ് വെച്ച്. ഇന്ത്യക്ക് ആറു റൺസിന്റെ വിജയം