ഇന്ത്യ ഇംഗ്ലണ്ട് ടെസ്റ്റ്‌ മത്സരത്തിൽ ഇന്ത്യ പിടിമുറുക്കിയിരിക്കുകയാണ്. ഇതിനോടകം തന്നെ 350 ൽ അധികം ലീഡ് ഇന്ത്യ സ്വന്തമാക്കി കഴിഞ്ഞു. ഫോമിന്റെ പേരിൽ ഒരുപാട് വിമർശനം കേട്ട താരമായ ഗില്ലായിരുന്നു ഇന്നത്തെ ഇന്ത്യൻ ഇന്നിങ്സിന്റെ നട്ടെല്ല്.
മൂന്നാമത്തെ പൊസിഷനിൽ തന്റെ ആദ്യത്തെ ടെസ്റ്റ്‌ സെഞ്ച്വറി സ്വന്തമാക്കാൻ അദ്ദേഹത്തിന് കഴിഞ്ഞു. ടെസ്റ്റ്‌ ക്രിക്കറ്റിൽ അദ്ദേഹത്തിന്റെ മൂന്നാമത്തെ സെഞ്ച്വറിയാണ് ഇത്.24 വയസ്സിനുള്ളിൽ അദ്ദേഹം സ്വന്തമാക്കുന്ന 10 മത്തെ സെഞ്ച്വറിയാണ് ഇത്.
147 പന്തിൽ 104 റൺസാൻ അദ്ദേഹം സ്വന്തമാക്കിയത്.11 ഫോറും രണ്ട് സിക്സും അദ്ദേഹം സ്വന്തമാക്കിയിരുന്നു.ബാഷിറിനെതിരെ സിംഗിൾ നേടി കൊണ്ടായിരുന്നു അദ്ദേഹത്തിന്റെ സെഞ്ച്വറി. ശേഷം വളരെ ശാന്തമായ ഒരു ആഘോഷവും.