ഇന്ത്യ ഓസ്ട്രേലിയ ബോർഡർ ഗവാസ്കർ ട്രോഫിയിലെ ആദ്യ ദിനം നാഗ്പൂരിൽ പുരോഗമിച്ചു കൊണ്ടിരിക്കുകയാണ്. നാഗ്പൂരിലെ വിദർഭ ക്രിക്കറ്റ് അസോസിയേഷൻ സ്റ്റേഡിയത്തിലാണ് മത്സരം നടക്കുന്നത്. മത്സരത്തിൽ ടോസ് നേടി ബാറ്റിംഗ് തിരഞ്ഞെടുത്ത ഓസ്ട്രേലിയയിലേക്ക് രണ്ട് റൺ എടുക്കുന്നതിനിടയിൽ തന്നെ ഓപ്പണർമാരെ നഷ്ടമായി. ഇന്ത്യക്കായി മുഹമ്മദ് സിറാജ് ആദ്യ വിക്കറ്റ് വീഴ്ത്തിയപ്പോൾ തൊട്ടടുത്ത ഓവറിൽ തന്നെ മുഹമ്മദ് ഷമിയും ഒരു വിക്കറ്റ് സ്വന്തമാക്കി. ഉസ്മാൻ ഖ്വാജയെ മുഹമ്മദ് സിറാജ് എൽ ബി ഡബ്ലിയുയിൽ കുരുക്കുകയായിരുന്നു എങ്കിൽ ഡേവിഡ് വാർണറുടെ വിക്കറ്റ് മുഹമ്മദ് ഷമി പിഴുതെറിഞ്ഞു.
പിന്നീട് ഓസ്ട്രേലിയയുടെ തുറുപ്പ് ചീട്ട് ആയ സ്റ്റീവ് സ്മിത്തും മാർനസ് ലംമ്പുഷൈനും ചേർന്ന്
ഓസ്ട്രേലിയയെ കരകയറ്റുമെന്ന് തോന്നിപ്പിച്ചു. കഴിഞ്ഞ ടെസ്റ്റ് മത്സരങ്ങളിൽ ഒക്കെ ഇന്ത്യക്കായി മികച്ച ബാറ്റിംഗ് പ്രകടനം പുറത്തെടുത്തത് റിഷബ് പന്തായിരുന്നു. എന്നാൽ പരിക്ക് കാരണം പന്ത് മത്സരത്തിൽ നിന്ന് വിട്ടുനിൽക്കുകയാണ്. ഇന്ത്യയുടെ മിഡിൽ ഓർഡറിന്റെ കരുത്തായ ശ്രേയസ് അയ്യരും നടുവിനേറ്റ പരിക്ക് കാരണം കളിക്കുന്നില്ല.
ഇന്ത്യയ്ക്ക് മുതൽക്കൂട്ട് ആകും എന്ന് പ്രതീക്ഷിക്കുന്നത് രവീന്ദ്ര ജഡേജയുടെ തിരിച്ചു വരവാണ്. കാൽമുട്ടിന് ഏറ്റവും പരിക്ക് കാരണം 5 മാസത്തോളമായി ജഡേജ മത്സരങ്ങളിൽ നിന്ന് വിട്ടുനിൽക്കുകയായിരുന്നു. പ്രധാനപ്പെട്ട 20 വേൾഡ് കപ്പ് ഉൾപ്പെടെ രവീന്ദ്ര ജഡേജക്ക് നഷ്ടമായി. എന്നാൽ പരിക്ക് ഭേദമായി ജഡേജ വീണ്ടും ഇന്ത്യയുടെ ആദ്യ ഇലവനിൽ സ്ഥാനം പിടിച്ചിട്ടുണ്ട്.
താൻ എന്തുകൊണ്ടാണ് ലോകത്തെ ഒന്നാം നമ്പർ ടെസ്റ്റ് ഓൾറൗണ്ടർ ആയത് എന്ന് ജഡേജ തന്റെ ബോളിംഗ് പ്രകടനം കൊണ്ട് വീണ്ടും തെളിയിക്കുകയാണ്. പരിക്ക് ഭേദമായ ശേഷം രഞ്ജി ട്രോഫിയിലൂടെ തിരിച്ചെത്തിയ ജഡേജ മികച്ച പ്രകടനമായിരുന്നു ട്രോഫി ക്രിക്കറ്റിൽ പുറത്തെടുത്തത്. അതിനുശേഷം ടീമിലെത്തിയ ജഡേജ ആദ്യദിനം തന്നെ ബോൾ ടേൺ ചെയ്യിപ്പിക്കാൻ തുടങ്ങി. ഇതിനോടകം ജഡേജ മൂന്ന് വിക്കറ്റ് നേടിയെങ്കിലും സ്മിത്തിന്റെ വിക്കറ്റ് നേടുന്നതിന് മുമ്പ് തന്നെ സ്മിത്തിനെ ജഡേജ വിറപ്പിച്ചു. അപ്രതീക്ഷിതമായി ബോൾ ടേൺ ചെയ്തപ്പോൾ സ്മിത്ത് ജഡേജയെ അഭിനന്ദിക്കാനും മറന്നില്ല. ടേൺ ചെയ്ത ബോളിന് സ്മിത്ത് ലൈക്ക് നൽകിയാണ് അഭിനന്ദിച്ചത്. ഈ വീഡിയോ ദൃശ്യം കാണാം.