ഏത് ഒരു കാര്യമായാലും ഈ ലോകത്തിൽ അനുഭവ സമ്പത്ത് വളരെ വലുതാണ്. പല കാര്യങ്ങളിലും ഈ അനുഭവ സമ്പത്ത് നമുക്ക് ഗുണപ്പെടും. ഇന്ത്യൻ പ്രീമിയർ ലീഗിൽ ഇപ്പോൾ നടന്ന് കൊണ്ടിരിക്കുന്ന സൺ രൈസേഴ്സ് ഹൈദരാബാദ് ഗുജറാത്ത്‌ ടൈറ്റാൻസ് മത്സരത്തിലും സംഭവിച്ചത് മറ്റൊന്നുമല്ല. തന്റെ അനുഭവ സമ്പത്ത് മുതലെടുത്ത ഭൂവനേശ്വർ കുമാർ ഒരു അത്ഭുത ഓവർ പുറത്ത് എടുത്തിരിക്കുകയാണ്
ആദ്യം ബാറ്റ് ചെയ്ത ഗുജറാത്ത്‌ ടൈറ്റാൻസ് ശുഭ്മാൻ ഗില്ലിന്റെ സെഞ്ച്വറി മികവിൽ ഒരു വേള ഇരുന്നൂർ റൺസിലേക്ക് മുന്നേറുകയാണ്. ഇന്നിങ്സിന്റെ അവസാന ഓവർ എറിയാൻ ഭൂവനേശ്വർ എത്തുകയാണ്. ആദ്യ പന്തിൽ സെഞ്ച്വറിയുമായി മുന്നേറുന്ന ഗില്ലാണ് ക്രീസിൽ.ഓഫ്‌ സ്റ്റമ്പിന് പുറത്ത് വന്ന പന്ത് ഗിൽ ഡ്രൈവ് ചെയ്യുന്നു.ഈ തവണ അബ്ദുൽ സമദിന്റെ കയ്യിൽ ഗിൽ വിശ്രമിക്കുന്നു.
ഓവറിലെ അടുത്ത പന്ത്, കഴിഞ്ഞ മത്സരത്തിൽ മുംബൈ ഇന്ത്യൻസിനെ വിറപ്പിച്ച റാഷിദ് ഖാൻ ക്രീസിൽ. വീണ്ടും ഒരു ഓഫ്‌ സ്റ്റമ്പിന് പുറത്ത് ഒരു ഡെലിവറി, കൂറ്റൻ ഷോട്ടിന് ശ്രമിച്ച റാഷിദ് കാണുന്നത് വിക്കറ്റ് കീപ്പർ ബോൾ കൈപിടിയിൽ ഒതുക്കിയതാണ്. ഓവറിലെ മൂന്നാമത്തെ പന്ത് ഭൂവി ഹാട്ട്രിക്കിൽ. നൂർ ആണ് ബാറ്റ് ചെയ്യുന്നത്.പന്ത് ബാറ്റിൽ കൊള്ളിക്കാൻ സാധിക്കാതെ നൂർ റണിനായി ഓടുന്നു. നോൺ സ്ട്രൈക്ക് എൻഡിൽ റൺ ഔട്ട്‌ ആകുന്നു.അടുത്ത പന്തിൽ ഷനക സിംഗിൾ നേടുന്നു. അഞ്ചാമത്തെ പന്തിൽ ഷമി ജാൻസണ് ക്യാച്ച് നൽകി മടങ്ങുന്നു. ഭൂവിക്ക്‌ അഞ്ചു വിക്കറ്റും.