അന്താരാഷ്ട്ര ഏകദിന ക്രിക്കറ്റ് ലോകക്കപ്പ് ആവേശകരമാവുകയാണ്.ടീമുകൾ എല്ലാം ജീവന്മരണ പോരാട്ടത്തിലേക്ക് കടന്നിരിക്കുകയാണ്. പാകിസ്ഥാൻ ദക്ഷിണ ആഫ്രിക്ക മത്സരം പാകിസ്ഥാൻ ജീവൻമരണ പോരാട്ടമാണ്.
എന്നാൽ ഈ ലോകക്കപ്പിൽ ഇത് വരെ കാണാത്ത ഒരു കാഴ്ചയാണ് ഈ മത്സരത്തിൽ കണ്ടത്. പണ്ട് സ്ഥിരം ബാറ്റർമാരും ബൗളേർമാരും തമ്മിൽ കൊമ്പ് കോർക്കുന്ന കാഴ്ച പല തവണ ക്രിക്കറ്റ് ആരാധകർ കണ്ടിട്ടുള്ളതാണ്. എന്നാൽ ഈ ലോകക്കപ്പിൽ അത്തരം ഒരു കാഴ്ച ക്രിക്കറ്റ് ആരാധകർക്ക് കാണാൻ കഴിഞ്ഞിരുന്നില്ല.
പാകിസ്ഥാൻ ഇന്നിങ്സിന്റെ ഏഴാമത്തെ ഓവറിലാണ് സംഭവം. ജാൻസൻ എറിഞ്ഞ ഒരു ഷോർട്ട് ബോൾ റിസ്വാൻ പുൾ ചെയ്യുന്നു. എന്നാൽ എഡ്ജ് എടുത്ത പന്ത് ബൗണ്ടറിയിലേക്ക് പോകുന്നു.തുടർന്ന് ജാൻസനും റിസ്വാനും തമ്മിൽ കൊമ്പ് കോർക്കുന്നു.ഒടുവിൽ ദക്ഷിണ ആഫ്രിക്ക യുവതാരം കോയിട്ട്സെയും ഇടപെടുന്നു.